484.78
-2
571.8
-2.21
8.19
+0.02
+12
Եղանակը Երևանում
Հայ
Հայաստանի հեռարձակող ԶԼՄ-ները դեկտեմբերին առավել մեծ ուշադրության արժանացրել են նախագահի երեք թեկնածուի
15:05
21 Հունվարի 2008

ԵՐԵՎԱՆ, 21 հունվարի./Նովոստի-Արմենիա/. Հայաստանի հեռարձակող ԶԼՄ-ները դեկտեմբերին առավել մեծ ուշադրության արժանացրել են նախագահի երեք թեկնածուի՝ ՀՀԿ նախագահ, ՀՀ վարչապետ Սերժ Սարգսյանին, Ժողովրդական կուսակցության առաջնորդ Տիգրան Կարապետյանին և ՀՀ առաջին նախագահ Լևոն Տեր-Պետրոսյանին։

Ինչպես երկուշաբթի «Նովոստի-Արմենիային» հաղորդեցին Երևանի մամուլի ակումբից, այս տվյալները ստացվել են հայկական հեռարձակող ԶԼՄ-ների մոնիտորինգի արդյունքում, որն անցկացվել է 2007թ. դեկտեմբերի 6-ից 20-ը։

Մոնիտորինգի տվյալներով, Սարգսյանին հատկացված եթերային ժամանակահատվածը կազմել է 42.731 վայրկյան (մոտ 11,8 ժամ), Տիգրան Կարապետյանինը՝ 39.091 վայրկյան (մոտ 10,8 ժամ), իսկ Տեր-Պետրոսյանինը՝ 14.497 վայրկյան (ավելի քան 4 ժամ)։ Միաժամանակ, ըստ մոնիտորինգի տվյալների, Սերժ Սարգսյանին հատկացված ընդհանուր եթերաժամանակի 77,7 տոկոսը լուսաբանել է նրա, որպես պաշտոնական անձի գործունեությունը, որը կատարում է իր պաշտոնական պարտականությունները։

Երրորդ տեղում, Կարապետյան և Տեր-Պետրոսյան թեկնածուների  միջև, Հայաստանի գործող նախագահ Ռոբերտ Քոչարյանն է՝ 19.683 վայրկյան (մոտ 5,5 ժամ), որի գործունեությունը մեծ մասամբ լուսաբանվել է որպես պետության ղեկավարի աշխատանք։

Ուսումնասիրված հեռարձակող ԶԼՄ-ները դեկտեմբերին իրենց ուշադրությունից դուրս չեն թողել նաև ՀՀ նախագահի մյուս վեց թեկնածուներին։ Վերոհիշյալ չորս քաղաքական գործիչներից անմիջապես հետո ընդհանուր եթերային ժամանակամիջոցի ցուցանիշով հետևում են նախագահի հինգ թեկնածուները՝ Արտաշես Գեղամյանը («Ազգային միաբանություն»), Վահան Հովհաննիսյանը (ՀՅԴ), Արթուր Բաղդասարյանը («Օրինաց երկիր»), Վազգեն Մանուկյանը (Ազգային-ժողովրդավարական միություն) և Արամ Հարությունյանը («Ազգային համաձայնություն»)։

Իններորդ թեկնածու Արման Մելիքյանը, որն առաջադրվել է սեփական նախաձեռնությամբ, արժանացել է ամենաքիչ լուսաբանման։

Հարկ է նշել, որ դեկտեմբերին Սերժ Սարգսյանի հիշատակումներում, ինչպես և մոնիտորինգի նախորդ ամիսներին, առաջնային տեղում էին չեզոք հիշատակությունները (403 հիշատակում), այնուամենայնիվ, 17 քաղաքական գործիչների դրական նյութերի ցանկում վարչապետը զբաղեցրել է առաջին տեղը (79 դրական՝ 12 բացասականի առկայությամբ)։

Դեկտեմբերին, նախկին պես, հայկական եթերում գերակշռում էին ՀՀ առաջին նախագահ Լևոն Տեր-Պետրոսյանի վերաբերյալ բացասական երանգավորված նյութերը. Լևոն Տեր-Պետրոսյանի մասին 103 բացասական հիշատակում՝ 100 չեզոք և 4 դրականի պայմաններում։ Ընդ որում հիշատակումների ընդհանուր թվում բացասականների տոկոսը դեկտեմբերին նվազել է 49,8 տոկոսով՝ ընդդեմ նոյեմբերի 58,7 տոկոսի։ Ընդհանուր առմամբ, նախագահի մյուս թեկնածուների լուսաբանումն ուներ չեզոք բնույթ թե հեռուստա, թե ռադիոնյութերում, առաջին հերթին, ներկայացվում էին նրանց դիրքորոշումները, ինչպես թեկնածուների, այնպես էլ կուսակցությունների ղեկավարների կարծիքները։

«ԱԼՄ»-ն, ինչպես և նախորդ ամիսներին, կրկին «ամենաքաղաքականացվածն էր»՝ ընդհանուր եթերաժամանակի 70,1 տոկոսը նվիրված էր քաղաքականությանը։ «ԱԼՄ»-ի համեմատությամբ, ուսումնասիրվող քաղաքական գործիչներն ավելի քան երկու անգամ պակաս խմբագրական լուսաբանում են ստացել Հայկական երկրորդ հեռուստատեսությամբ, որին հետևում է Հայաստանի հանրային ռադիոն, «Կենտրոն», «Երկիր մեդիա) հեռուստաընկերությունները և Հայաստանի հանրային հեռոստատեսության առաջին ալիքը։ Ութ ալիքներից ուսումնասիրվող քաղաքական գործիչներին ամենաքիչ ուշադրության են արժանացրել «Արմենիա» և «Շանթ» հեռուստաընկերությունները։

Երևանի մամուլի ակումբի մոնիտորինգի համաձայն, ի տարբերություն հոկտեմբեր-նոյեմբերի, մոնիտորինգի խմբի կողմից ուսումնասիրվող ալիքների դեկտեմբերյան եթերում չեն գրանցվել նյութեր, որոնք եթեր են հեռարձակվել որպես խմբագրական, բայց ունեցել են գովազի որոշակի հատկանիշներ։

Մոնիտորինգն անցկացվել է 2007թ. հոկտեմբեր-դեկտեմբերին «ԹԻՄ» հետազոտական կենտրոնի կողմից՝ Հայաստանի աջակցության հիմնադրամի բաց հասարակության ինստիտուտի և Երևանի մամուլի ակումբի փարձագիտական և ռեսուրսային աջակցությամբ։

Դեկտեմբերին ուսումնասիրության առարկա են դարձել նախագահի բոլոր ինը թեկնածուները, բացի այդ, ինչպես և մոնիտորինգի նախորդ ամիսներին, ուսումնասիրության առարկաներ են դարձել նաև այն կուսակցությունների առաջնորդները, որոնք 2007թ. խորհրդարանական ընտրություններին հավաքել են ավելի քան 1 տոկոս (բացառությամբ նրանց, որոնց օրենքը թույլ չի տալիս առաջադրվել)։ Բացի այդ, ուսումնասիրվող քաղաքական գործիչների դեկտեմբերյան ցուցակում ընդգրկվել է նաև ՀՀ նախագահ Ռոբերտ Քոչարյանը, որպեսզի հնարավոր լինի սահմանել, թե աառջադված մյուս թեկնածուների համեմատ հեռարձակվող ԶԼՄ-ները ինչպիսի ուշադրության են արժանացնում գործող նախագահին։

Այսպիսով, դեկտեմբերի 6-ից 20-ը մոնիտորինգի առարկա են դարձել 17 քաղաքական գործիչներ։ Միաժամանակ, ուսումնասիրության մեթոդները բոլոր երեք ամիսների ընթացքում նույնն են եղել։

Մոնիտորինգն ընդգրկում է 8 հեռարձակվող ԶԼՄ-ների պայմանական պրայմ-թայմի (18.00 – 24.00) հաղորդումները։ Նրանց թվում են 4 պայմանականորեն համազգային հեռուստաալիքները՝ Հայաստանի հանրային հեռուստատեսության առաջին ալիքը, «ԱԼՄ»-ն, «Արմենիան», Հայաստանի երկրորդ հեռուստաալիքը, 3 մայրաքաղաաքյին հեռուստաընկերությունները՝ «Երկիր-մեդիան», «Կենտրոնը», «Շանթը», 1 համազգային ռադիոընկերություն՝ Հայաստանի հանրային ռադիոն։

Ընդ որում, այն հաղորդումները, որոնք սկսվել են, բայց չեն ավարտվել մինչև ժամը 18.00, չեն ուսումնասիրվել։ Այն հաղորդումները, որոնք սկսվել, բայց չեն ավարտվել մինչև ժամը 24.00, ուսումնասիրվել են ամբողջությամբ՝ ընդհուպ մինչև ավարտվելը։

Նախագահական ընտրությունները Հայաստանում տեղի կունենան 2008թ. փետրվարի 19-ին։--0—

Loading...
Թեմատիկ նյութեր
Բաժնի այլ նյութեր
21:11
17 Նոյեմբերի 2017
Բրազիլիայի ԱԳ նախարարը վերահաստատել է ԼՂ հակամարտության կարգավորման հարցում ԵԱՀԿ ՄԽ–ի ջանքերին սատարելու իր երկրի դիրքորոշումը
ՀՀ նախագահ Սերժ Սարգսյաննընդունել է Բրազիլիայի Դաշնային Հանրապետության արտաքին գործերի նախարար Ալոիզիո Նունյես Ֆեռեյրային:
16:08
17 Նոյեմբերի 2017
Քաղաքագետ Սերգեյ Մինասյանը նշանակվել է Ռումինիայում Հայաստանի դեսպան
Հայաստանի նախագահի հրամանագրով հայտնի քաղաքագետ Սերգեյ Մինասյանը նշանակվել է Ռումինիայում Հայաստանի արտակարգ և լիազոր դեսպան։
20:58
16 Նոյեմբերի 2017
Հայտնի են Հայաստանի և Ադրբեջանի արտգործնախարարների հանդիպման ժամկետներն ու վայրը
Հայաստանի արտաքին գործերի նախարար Էդվարդ Նալբանդյանը կհանդիպի իր ադրբեջանցի գործընկեր Էլմար Մամեդյարովի հետ:
17:14
16 Նոյեմբերի 2017
ԵԽ-ն ընդունել է Արցախի ժողովրդի ինքնորոշման իրավունքը ճանաչող բանաձև. ադրբեջանական սադրանքը տապալվել է
Նախօրեին տեղի ունեցած Եվրոպական Խորհրդարանի լիագումար նիստում ձայների ճնշող մեծամասնությամբ ընդունվել է բանաձև:
20:39
15 Նոյեմբերի 2017
Խաչքարեր և ցուցահանդես. մեկնարկել է Սերժ Սարգսյանի այցը ՌԴ (ՖՈՏՈ)
Հայաստանի նախագահ Սերժ Սարգսյանը ՌԴ նախագահ Վլադիմիր Պուտինի հրավերով աշխատանքային այցով այսօր ժամանել է Մոսկվա:
19:46
15 Նոյեմբերի 2017
Կարեն Կարապետյանը պահպանեց վարչապետի պաշտոնում իր վերընտրման վերաբերյալ ինտրիգը
Հայաստանի վարչապետը չորեքշաբթի պատասխանել է երկրի վարչապետի պաշտոնում իր թեկնածության առաջադրման մասին հարցին։
18:35
15 Նոյեմբերի 2017
Հայտնի են Ռուսաստանի կողմից Թուրքիային 2 մլրդ դոլարի С-400 համակարգեր մատակարարելու ժամկետները
С-400 զենիթահրթիռային համակարգի մատակարարումները Թուրքիային կսկսվեն Անկարայի կողմից այս համաձայնագրով նախատեսված բոլոր վճարումները կատարելուց հետո։
17:26
14 Նոյեմբերի 2017
ՀՀ նախագահն աշխատանքային այցով կմեկնի ՌԴ
Սերժ Սարգսյանը կհանդիպի ՌԴ նախագահ Վլադիմիր Պուտինի հետ:
15:14
14 Նոյեմբերի 2017
Հայկական ԶԼՄ–ները` Լավրովի` Երևան և Բաքու սպասվելիք այցերի նպատակների մասին
Ռուսաստանի արտաքին գործերի նախարար Սերգեյ Լավրովը նոյմբերի 19–ին կայցելի Բաքու, իսկ նոյեմբերի 20–ին` Երևան։
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին: