487.19
+0.52
519.34
-1.15
8.11
-0.11
-2
Եղանակը Երևանում
Հայ
Ադրբեջանում նշմարվում են հուսալքության նշաններ. ՀՀ ԱԳՆ
11:19
18 Հունվարի 2008

Ադրբեջանում նշմարվում են հուսալքության նշաններ, հինգշաբթի հայտարարել է ՀՀ ԱԳՆ մամուլի քարտուղար Վլադիմիր Կարապետյանը։

Ինչպես «Նովոստի-Արմենիա» գործակալությանը տեղեկացրեցին ՀՀ ԱԳՆ մամուլի և տեղեկատվության վարչությունից, նման կերպ Կարապետյանը մեկնաբանել է Ադրբեջանի նախագահ Իլհամ Ալիևի հայտարարությունն այն մասին, որ Հայաստանի և Ադրբեջանի դիրքերը միջազգային ասպարեզում և տնտեսական զարգացման տեսակետից անհամեմատելի են։

«Դատելով Ադրբեջանի նախագահի հայտարարությունների ոճից՝ Ադրբեջանում նշմարվում են հուսալքության նշաններ: Գրեթե բոլոր բնագավառներում Ադրբեջանը հետ է մնում միջազգային չափանիշներից կամ էլ ընթանում է միջազգային գերիշխող միտումներին հակառակ», - ասել է ՀՀ ԱԳՆ մամուլի քարտուղարը։

Նրա խոսքերով, ակնհայտ է խուճապը ազգերի ինքնորոշման հարցերի նկատմամբ միջազգային հանրության հարաճուն ընկալման կապակցությամբ:

Բացի այդ, Կարապետյանը նշել է, որ տնտեսական և սոցիալական ոլորտներում Ադրբեջանի ցուցանիշները նույնպես խոցելի են:

«Տնտեսական զարգացման և պետականության կառուցման նվաճումների մասին Ադրբեջանի նախագահի հայտարարությունները զավեշտալի զուգադիպությամբ համընկան օրերս միջազգային հեղինակավոր կազմակերպությունների զեկույցների հրապարակման հետ, որոնք ապացուցում են, որ Ալիևի հայտարարություները պարզապես ապակողմնորոշում է Ադրբեջանի ժողովրդին», - նշել է նա։

Այսպես, Կարապետյանը նշել է, որ Heritage հիմնադրամի և Wall Street Journal օրաթերթի տնտեսական ազատությունների սանդղակով Հայաստանը բարելավել է իր ցուցանիշը` զբաղեցնելով 28-րդ տեղը, մինչդեռ Ադրբեջանը 162 երկրների շարքում 107-րդն է:

«Freedom House կազմակերպության ժողովրդավարական զարգացման ցուցանիշի համաձայն, Ադրբեջանը անցյալ տարիների նման դասվել է քաղաքականապես ոչ ազատ երկրների շարքին: Իսկ Ամերիկյան հեղինակավոր Foreign Policy ամսագրի «Չկայացած պետությունների» հրապարակած վերջին ցանկում 177 երկրներից Հայաստանը 50 կարգով գերազանցում է Ադրբեջանին», - նշել է ԱԳՆ մամուլի քարտուղարը։ 

 

Նրա խոսքերով, գրեթե բոլոր միջազգային չափանիշներով, մարդու իրավունքներն ու խոսքի ազատությունը ներառյալ, Հայաստանը գերազանցում է Ադրբեջանին:

Բացի այդ, Կարապետյանը նշել է, որ Համաշխարհային բանկի տվյալների համաձայն, չնայած Ադրբեջանի նշանակալից պաշարներին՝ այն միայն վերջերս է հասել մեկ շնչին ընկնող համախառն ներքին արտադրանքի ցուցանիշով Հայաստանի մակարդակին:

«Եվ վերջապես, ի հեճուկս Ադրբեջանի ղեկավարության ռազմատենչ հայտարարությունների, նշեմ, որ փորձագետների կարծիքով, նույնիսկ պահպանելով տնտեսական աճի և ռազմական ներուժի  ընդլայման այս տեմպերը, Ադրբեջանից դեռ 10-15 տարի կպահանջվի Հայաստանի զինված ուժերի հետ ոտք գցելու համար», - ընդգծել է մամուլի քարտուղարը։

Նրա խոսքերով, ադրբեջանական այս հիմնազուրկ հայտարարությունները նպատակ են հետապնդում կեղծ տեղեկատվությամբ ապակողմնորոշել սեփական բնակչությանը` շեղելու նրանց այն իրական խնդիրներից, որոնց ամեն օր բախվում է Ադրբեջանի ժողովուրդը:-0-

Loading...
Թեմատիկ նյութեր
Բաժնի այլ նյութեր
10:57
19 Հունվարի 2017
Խաչատուր Սուքիասյանը կլինի Գագիկ Ծառուկյանի դաշինքի շտաբի պետը
Երկար քննարկումներից հետո Խաչատուր Սուքիասյանը որոշել է առաջիկա ընտրություններին մասնակցել Գագիկ Ծառուկյանի դաշինքով։
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։
13:10
17 Հունվարի 2017
Սեյրան Օհանյանն ու Վարդան Օսկանյանը քննարկել են առաջիկա խորհրդարանական ընտրություններին առնչվող հարցեր
ՀՀ պաշտպանության նախկին նախարար Սեյրան Օհանյանը երեքշաբթի հանդիպել է նախկին արտգործնախարար, «Համախմբում» կուսակցության նախագահ Վարդան Օսկանյանի հետ:
11:03
17 Հունվարի 2017
ՀՀ վարչապետը պաշտոնական այցով կմեկնի ՌԴ
Այցի շրջանակում Կարեն Կարապետյանը Մոսկվայում հանդիպում կունենա ՌԴ վարչապետ Դմիտրի Մեդվեդևի հետ:
16:32
16 Հունվարի 2017
ՀՀ նոր վարչապետից հարկավոր չէ սպասել լուրջ փոփոխություններ. քաղաքագետ
Իրավիճակի լուրջ բարելավում, որին սպասում է Հայաստանի բնակչությունը նոր վարչապետից և կառավարությունից, սկզբունքորեն չի կարող լինել, հայտարարեց քաղաքագետ, Կովկասի ինստիտուտի տնօրեն Ալեքսանդր Իսկանդարյանը:
13:37
13 Հունվարի 2017
Հայաստանի վարչապետը նշում է, որ կարող է չհայտնվել ՀՀԿ ընտրացուցակներում
Հայաստանի վարչապետ Կարեն Կարապետյանը հավանական է համարում, որ կարող է չհայտնվել Հայաստանի հանրապետական կուսակցության ընտրացուցակներում։
11:42
12 Հունվարի 2017
ԱՄՆ դեսպանատունն ու ԵՄ պատվիրակությունը որոշել են չֆինանսավորել Հայաստանի քաղաքական ուժերից և ոչ մեկին
Արևմուտքը, մասնավորապես ԱՄՆ դեսպանատունը և ԵՄ պատվիրակությունը, որոշել են առավելապես չեզոքություն ցուցաբերել և ուղղակի կամ անուղղակի չֆինանսավորել քաղաքական ուժերից և ոչ մեկին:
12:23
11 Հունվարի 2017
ՀՀԿ կանանց շրջանում խռովություն է հասունանում
ՀՀԿ կանայք պատրաստվում են Սերժ Սարգսյանից հանդիպում խնդրել և նրա մոտ բարձրացնել ցուցակի առաջին եռյակը եզրափակող Արփինե Հովհաննիսյանի հարցը: