478.3
+0.07
574.1
-0.3
8.31
+0.05
+18
Եղանակը Երևանում
Հայ
Հայաստանում տեղի է ունեցել երկրաշարժի 20-րդ տարելիցին նվիրված միջոցառումների կազմակերպման պետական հանձնաժողովի երկրորդ նիստը
20:00
15 Հունվարի 2008

Հայաստանում երեքշաբթի տեղի է  ունեցել 1988թ. դեկտեմբերի 7-ին  Հայաստանում տեղի  ունեցած երկրաշարժի 20-րդ տարելիցին նվիրված միջոցառումների  կազմակերպման  պետական հանձնաժողովի  երկրորդ  նիստը, որը վարել է  հանձնաժողովի նախագահ, ՀՀ  վարչապետ  Սերժ Սարգսյանը:

Հանձնաժողովի անդամներից բացի,  ՀՀ  վարչապետի հրավերով, նիստին մասնակցել են  նաև աղետի գոտին ներկայացնող  Շիրակի և Լոռու մարզերի ԱԺ պատգամավորներ:

«Նիստի ընթացքում ՀՀ վարչապետ Սերժ Սարգսյանը նշել է, որ նախորդ  նիստից  հետո, որը տեղի էր ունեցել 2007թ. դեկտեմբերի 15-ին, ընկած ժամանակաշրջանում, ինչպես  գործադիրի, այնպես էլ Աժ պատգամավորների,  հասարակական կազմակերպությունների ներկայացուցիչների  կողմից  մեծ աշխատանք է կատարվել  երկրաշարժի 20-ամյա  տարելիցին  նվիրված միջոցառումների  ծրագրի մշակման ուղղությամբ»,-«Նովոստի-Արմենիա» գործակալությանը հայտնեցին կառավարության աշխատակազմի տեղեկատվության և հասարակայնության հետ կապերի վարչությունից։

Վարչապետը, մասնավորապես,  կարևոր է համարել, որ ծրագիրը կազմելիս հանձնաժողովի անդամները խնդրին մոտեցել են  տարբեր տեսանկյուններից, ինչը, ըստ նրա,  առավել հագեցած ու ամբողջական է դարձրել  նախատեսվող միջոցառումների ծրագիրը:

Սերժ Սարգսյանն ընդգծել է  ոչ միայն 2008թ.-ին, այլ նաև հաջորդ տարիներին, ֆինանսական հնարավորություններին համապատասխան, աղետի գոտում իրականացվելիք աշխատանքների հստակ ծրագրավորման անհրաժեշտությունը` ըստ ժամկետների,  որպեսզի հետագայում լրացուցիչ քննարկումների և շտկումների  խնդիրներ չառաջանան, և մարդիկ հստակ իմանան, թե որ խնդիրը երբ է լուծվելու:

Հանձնաժողովի անդամներն ու նիստին հրավիրված  պատգամավորները, դրական գնահատելով  համատեղ  ուժերով մշակված միջոցառումների  ծրագրի  նախագիծը, միաժամանակ  ներկայացրել են համապարփակ ծրագրի իրագործման  հետ կապված    առաջարկություններ:

Առաջարկվել է, մասնավորապես, ստեղծել  երկու աշխատանքային խումբ, որոնցից մեկը  շատ որոշակիորեն կզբաղվի երկրաշարժի 20-րդ  տարելիցին  նվիրված միջոցառումների  ծրագրի, իսկ երկրորդը` աղետի  գոտու  վերականգնման  միջոցառումների համալիր ծրագրի կազմման, ներդրումների    հարցերով:

Սերժ Սարգսյանի առաջարկությամբ, հանձնաժողովը որոշել է հավանություն տալ միջոցառումների ծրագրի այն հատվածին, որի ֆինանսական ապահովման խնդիրը պետական բյուջեի  շրջանակներում հնարավոր է լուծել։

Հանձնաժողովի քարտուղարությանը  հանձնարարվել է մեկշաբաթյա ժամկետում շահագրգիռ  բոլոր կողմերից  ստանալ առաջարկություններ  ծրագրի այդ հատվածի  վերաբերյալ և   դրանց հիման վրա ամբողջական տեսքի բերել ծրագիրն ու հաստատել։

Իսկ  ֆինանսական մեծ միջոցներ և իրականացման համար  ավելի տևական ժամանակ պահանջող  միջոցառումների  վերաբերյալ  առաջարկությունները որոշվել է հանգամանալից քննարկել և անհրաժեշտ հիմնավորումներով քարտուղարությանը ներկայացնել  մինչև մարտի 1-ը` հանձնաժողովի հերթական նիստում քննարկելու և հաստատելու համար:

1988թ. դեկտեմբերի 7-ին Հայաստանում տեղի ունեցավ ավերիչ երկրաշարժ։ Աղետը  հիմնովին ավերեց Հայաստանի հյուսիսում գտնվող երկու քաղաք՝ Սպիտակն ու Լենինանականը (այժմյան Գյումրին), ավելի քան հարյուր գյուղ։ Եվս մի քանի քաղաքներ  ավերվեցին մասամբ։

Երկրաշարժի 6-բալանոց գոտին ընդգրկել էր շուրջ 30.000 քառակուսի կիլոմետր տարածք, ստորգետնյա ցնցումները զգացվել էին Երևանում և Թբիլիսիում։

Գիտնականների հաշվարկներով, երկրաշարժի ժամանակ երկրակեղևի ճեղքման  գոտում դուրս է ժայթքել Հիրոսիմայի վրա գցված տասը ատոմային ռումբերի  պայթյունին համարժեք էներգիա։ Երկրաշարժի ալիքը տարածվել է աշխարհով մեկ և արձանագրվել Եվրոպայի, Ասիայի, Ամերիկայի և Ավստրալիայի սեյսմիկ կայանների կողմից։

Երկրաշարժի էպիկենտրոնում՝ Սպիտակ քաղաքում, նրա ուժգնությունը, գնահատելով 12-բալանոց սանդղակով, կախված շինությունների ավերվածության աստիճանից՝ հասել է 10 բալի, Լենինականում (Գյումրի)՝ 9 բալի, Կիրովականում (Վանաձոր)՝ 8 բալի։ Սպիտակ քաղաքն ավերվել էր հիմնովին։

Այդ օրը, ըստ պաշտոնական տվյալների, զոհվեց 25 հազ. մարդ, 140 հազարը դարձան հաշմանդմաներ, իսկ կես միլիոն մարդ մնաց անօթևան։--0--

Loading...
Թեմատիկ նյութեր
Բաժնի այլ նյութեր
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին:
16:46
14 Սեպտեմբերի 2017
ՌԴ վարչապետ Դմիտրի Մեդվեդևը մոտ ապագայում կայցելի Երևան
ՀՀ վարչապետ Կարեն Կարապետյանն այսօր հեռախոսազրույց է ունեցել ՌԴ կառավարության ղեկավար Դմիտրի Մեդվեդևի հետ: