486.7
-0.08
515.17
+0.05
8.4
-0.03
-1
Եղանակը Երևանում
Հայ
Սևծովյան տարածաշրջանում տարածաշրջանային համագործակցությունը ԵՄ-ի համար լուրջ առաջնահերթություն է
12:32
14 Հունվարի 2008

ԵՐԵՎԱՆ, 14 հունվարի. /Նովոստի-Արմենիա/.  Սևծովյան տարածաշրջանում տարածաշրջանային համագործակցությունը լուրջ առաջնահերթություն է ԵՄ-ի համար։ Այս մասին երկուշաբթի Երևանում հայտարարեց Հարավային Կովկասում ԵՄ հատուկ ներկայացուցիչ Պիտեր Սեմնեբին՝ «Ընդլայնված սևծովյան տարածաշրջան. միջազգային և տարածաշրջանային անվտանգության հեռանկարներ» միջազգային գիտաժողովի ժամանակ։

«ԵՄ-ն մեծ կարևորություն է տալիս Սևծովյան տարածաշրջանին, հատկապես այն նկատառումով, որ Հարավային Կովկասն ավելի շատ է մոտեցել մեր սահմաններին՝ Ռումինիայի և Բուլղարիայի՝ եվրոպական ընտանիք մուտք գործելուց հետո», - ասաց նա։

Սեմնեբիի խոսքերով, ԵՄ-ն վստահության ոչ փոքր աստիճան ունի տարածաշրջանի բոլոր երկրներում։

«Թուրքիան ԵՄ մուտք գործելու թեկնածու է, իսկ Ռուսաստանի հետ մենք հաստատել ենք ռազմավարական համագործակցություն, բացի այդ մենք ուժեղացնում ենք «Եվրոպական նոր հարևանության» քաղաքականությունը, որը տարածաշրջանի երկրների հետ համագործակցության հիմնական մեխանիզմն է», - պարզաբանեց նա։

Միաժամանակ ԵՄ հատուկ ներկայացուցիչը նշեց, որ տրանսպորտային և էներգետիկ ուղիների և ճանապարհների բազմազանության առումով ԵՄ-ի նպատակները Հարավային Կովկասի և Սև ծովի ավազանի երկրները դարձնում են խիստ կարևոր։

«Կենտրոնական Ասիայի և Միջին Արևելքի խաչմերուկում Եվրոպայի դիրքն էլ ավելի է ընդգծում այս տարածաշրջանի ռազմավարական նշանակությունը», - ասաց նա՝ ավելացնելով, որ այդ տարածաշրջանը «հանդիպման վայր է՝ միջազգային կարևոր խաղացողների համար»։

«Ընդլայնված սևծովյան տարածաշրջան. միջազգային և տարածաշրջանային անվտանգության հեռանկարներ» միջազգային գիտաժողովը կազմակերպել է Հայկական միջազգային տնտեսական հետազոտությունների խումբը (Armenian international policy research group - AIPRG)՝ ՆԱՏՕ-ի, ԵԱՀԿ-ի, ԵՊՀ Շրջանավարտների միության և Նիդեռլանդների թագավորության դեսպանատան աջակցությամբ։

Գիտաժողովի մասնակիցների թվում են Հարավային Կովկասում ԵՄ հատուկ ներկայացուցիչ Պիտեր Սեմնեբին, Մինսկի խմբի ղարաբաղյան հակամարտության կարգավորման գծով նախկին համանախագահ Վլադիմիր Կազիմիրովը, ինչպես նաև Մինսկի խմբի ԱՄՆ գործող համանախագահ Մեթյու Բրայզան։ Մասնակիցների թվում են նաև Միջազգային հարաբերությունների թագավորական ինստիտուտի և Ռազմավարական հետազոտությունների միջազգային ինստիտուտի (Մեծ Բրիտանիա), «Ռոյթեր» լրատվական գործակալության, Բրուքինգզ ինստիտուտի, Միջազգային ռազմավարական հետազոտությունների կենտրոնի, Էնթերփրայզ ամերիկյան ինստիտուտի, Ջեյմսթաուն հիմնադրամի, ԱՄՆ պետդեպարտամենտի, Մեծ Բրիտանիայի ԱԳՆ-ի, ԵՄ-ի ներկայացուցիչները։

Գիտաժողովին մասնակցում են Թուրքիայի, Ռումինիայի, Հունաստանի, Բուլղարիայի, Ուկրաինայի, Վրաստանի, Ադրբեջանի և Ռուսաստանի ներկայացուցիչները։-0-

Loading...
Թեմատիկ նյութեր
Բաժնի այլ նյութեր
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։