483.87
+0.05
519.53
-2.51
8.59
+0.1
+6
Եղանակը Երևանում
Հայ
Վրաց-ռուսական հարաբերություններում լուրջ հեղաշրջումը քիչ հավանական է. հայ քաղաքագետ
18:20
09 Հունվարի 2008

Վրաստանի և Ռուսաստանի  հարաբերություններում լուրջ հեղաշրջումը քիչ հավանական է, չորեքշաբթի Երևանում լրագրողներին հայտարարեց ԶԼՄ-ների կովկասյան ինստիտուտի տնօրեն, քաղաքագետ Ալեքսանդր Իսկանդարյանը։

«Սահակաշվիլիի հայտարարությունը՝ Ռուսաստանի հետ հարաբերությունների հնարավոր վերանայման վերաբերյալ, ավելի շուտ կապված է Վրաստանում տիրող ոչ այնքան կայուն իրադրության և ներքաղաքական իրավիճակում իրեն գտնելու վերջինիս փորձի, քան Վրաստանի՝ վերջին 10-15 տարիների քաղաքականությունը կտրուկ փոխելու իրական մտադրության հետ»,-ասաց նա։

Իսկանդարյանը նշեց, որ Ռուսաստանի և Վրաստանի ստանդարտ վատ հարաբերությունները պայմանավորված չեն Միխայիլ Սահակաշվիլու անձի հետ, քանի որ Էդուարդ Շեվարդնաձեի և Զվիադ Գամսախուրդիայի իշխանության օրոք իրավիճակը նույնն էր։

 «Հնարավոր են այս իրավիճակի որոշ սրումներ և թուլացումներ, բայց Վրաստանի՝ ՆԱՏՕ մտնելու վերաբերյալ հանրաքվեի բուն հիմքում ընկած է Վարաստանի և Ռուսաստանի միջև առկա հակասությունը»,-պարզաբանեց նա։

Նա հավելեց, որ վրաց-ռուսական հարաբերությունների լարվածության մեջ «ոչ քիչ դերակատարություն ունեն մի շարք աշխարհաքաղաքական գործոններ, մասնավորապես, աբխազական և հարավ-օսական հակամարտությունները և վրաց-ռուսական սահմանի ձևաչափը»։

«Վրաստանում չկա որևէ քաղաքական ուժ, որը կխոսեր կամ կպաշտպաներ այլ դիրքորոշումներ, ավելին, Թբիլիսին եզակի է նրանով, որ այդ քաղաքում բոլորը՝ նախագահից մինչև հավաքարար, ասում են միևնույն բանը»,-կարծում է Իսկանդարյանը։

Իր հերթին Հայաստանի հանրապետական կուսակցության խորհրդի անդամ, ԱԺ պատգամավոր Արմեն Աշոտյանը հայտարարեց, որ Հայաստանը վրաց-ռուսական հարաբերություններում շահագրգիռ կողմ է, ինչով էլ բացատրվում են Հայաստանի կողմից ժամանակին գործադրված ջանքերը՝ այդ երկու երկրների միջև հարաբերությունների բարելավման ուղղությամբ։

«Ակնհայտ է, որ Վրաստանի և Ռուսաստանի քաղաքական դիմակայումը խանգարում է հայ-ռուսական հարաբերություններին, կոմունիկացիաների զարգացմանը և անառողջ մթնոլորտ է ստեղծում ողջ տարածաշրջանում»,-ասաց նա։
 

Ըստ Աշոտյանի, Հայաստանի քաղաքականությունը Հարավային Կովկասի տարածաշրջանում անշեղորեն միտված է բոլոր հնարավոր գործընկերների հետ բարեկամական հարաբերություների հաստատմանը։

«Եվ որքան ավելի հանգիստ լինի իրավիճակը տարածաշրջանում, այնքան ավելի շահեկան իրավիճակում կհայտնվի Հայաստանը»,-ասաց նա։

Ինչպես ավելի վաղ հաղորդել էր «ՌԻԱ-Նովոստին», Միխայիլ Սահակաշվիլին հունվարի 8-ին հայտարարել էր, որ Վրաստանի նախագահական ընտրություններում հաղթելու դեպքում ինքը մտադիր է բարելավել հարաբերությունները Ռուսաստանի հետ։

Մոսկվայի և Թբիլիսիի հարաբերությունների վատթարացման պատճառների թվում փորձագետները նշում են Սահակաշվիլիի «արևմտամետ» քաղաքականությունը և Վրաստանի՝ ՆԱՏՕ-ին անդամակցելու ձգտումը։

Վրաստանի Կենտրոնական ընտրական հանձնաժողովի նախագահ Լևան Թարխնիշվիլու հունվարի 9-ի հայտարարության համաձայն, հունվարի 5-ին տեղի ունեցած արտահերթ նախագահական ընտրություններում հաղթել է նախկին նախագահ Միխայիլ Սահակաշվիլին։ ԿԸՀ նախնական տվյալներով, Վրաստանի և արտասահմանի 3512 տեղամասերից 3482-ի ձայների հաշվարկներով, Սահակշվիլին հավաքել է ձայների 52,21 տոկոսը, հաղորդում է «ՌԻԱ Նովոստին»։--0--

Loading...
Թեմատիկ նյութեր

Բաժնի այլ նյութեր
19:02
30 Մարտի 2017
Հայ քաղաքագետը հայտնել է առաջիկա ընտրությունների հիմնական ինտրիգը
Քաղաքագետ Սերգեյ Մինասյանը հայտնել է խորհրդարանական ընտրությունների` փորձագիտական հանրությանը հետաքրքրող հիմնական ինտրիգը։
19:40
27 Մարտի 2017
Հայաստանի և Ադրբեջանի ԱԳՆ ղեկավարները բարձր մակարդակով հանդիպում են նախապատրաստում. Հոգլանդ
Հայաստանի և Ադրբեջանի արտաքին գործերի նախարարները բարձր մակարդակով հանդիպում են նախապատրաստում:
11:16
16 Մարտի 2017
ՀՀԿ–ի ներսում ամեն ինչ հարթ չէ. դժգոհություն է հասունանում
ՀՀԿ-ում իրավիճակն այնքան պարզ եւ հարթ չէ, ինչպես թվում է կողքից։
18:10
13 Մարտի 2017
Լուկյանով. Ռուսաստան–Թուրքիա–Ադրբեջան միություն երբեք չի կարող լինել
Ռուսաստանի, Թուրքիայի և Ադրբեջանի միջև միության մասին երբեք խոսք լինել չի կարող, հայտարարեց քաղաքագետ Ֆյոդոր Լուկյանովը։
11:33
10 Մարտի 2017
ՀՀ նախագահը ՌԴ–ում ՀՀ նոր դեսպան է նշանակել
Ավելի վաղ նախագահի հրամանագրով Օլեգ Եսայանն ազատվել էր ՌԴ–ում ՀՀ դեսպանի պաշտոնից։
11:14
10 Մարտի 2017
Օլեգ Եսայանն ազատվել է ՌԴ–ում ՀՀ դեսպանի պաշտոնից
ՀՀ նախագահ Սերժ Սարգսյանն ուրբաթ հրամանագիր է ստորագրել Օլեգ Եսայանին ՌԴ–ում ՀՀ արտակարգ և լիազոր դեսպանի պաշտոնից ազատելու մասին։
20:19
07 Մարտի 2017
Մեկնարկել է նախագահ Սերժ Սարգսյանի պաշտոնական այցը Ֆրանսիա
ՀՀ նախագահ Սերժ Սարգսյանը Ֆրանսիայի Հանրապետության նախագահ Ֆրանսուա Օլանդի հրավերով այսօր պաշտոնական այցով ժամանել է Ֆրանսիա:
16:48
06 Մարտի 2017
Ռոբերտ Քոչարյան. ընթացիկ քաղաքական գործընթացի մեջ մտնելու ոչ մի ցանկություն չունեմ
Հայաստանի երկրորդ նախագահ Ռոբերտ Քոչարյանը երկուշաբթի հարցազրույց է տվել 2rd.am կայքին:
16:20
06 Մարտի 2017
Ուսումնասիրություն. «Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում
«Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում։
12:55
06 Մարտի 2017
Լևոն Տեր–Պետրոսյանի բացակայությունը իր դաշինքի ակցիաներին կապված չէ առողջական վիճակի հետ
ՀՀ առաջին նախագահ Լևոն Տեր-Պետրոսյանի բացակայությունը դաշինքի վերջին միջոցառումներին կապված չէ նրա առողջական վիճակի հետ:
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։