487.29
-0.01
568.08
+2.76
8.23
+0.01
+4
Եղանակը Երևանում
Հայ
ՀՀ արտգործնախարարը 2007 թվականը Հայաստանի արտաքին քաղաքականության համար հաջողված է համարում
18:05
09 Հունվարի 2008

ԵՐԵՎԱՆ, 9 հունվարի./Նովոստի-Արմենիա/. ՀՀ արտգործնախարար Վարդան Օսկանյանը կարծում է, որ 2007 թվականը հաջողված տարի էր հանրապետության արտաքին քաղաքականության համար։ Այս մասին  նա հայտարարեց չորեքշաբթի՝ 2007թ. ՀՀ արտաքին գործերի նախարարության գործունեության արդյունքներին նվիրված մամուլի ասուլիսի ժամանակ։

«2007 թվականը Հայաստանի արտաքին քաղաքականության համար բավականին ակտիվ էր և կարող է համարվել որպես կայուն զարգացման, տնտեսական առաջընթացի և ժողովրդավարության ամրապնդման տարի»,- ասաց նա:

Օսկանյանը նշեց, որ Հայաստանի՝ անվտանգության ամրապնդման, երկրի զարգացման համար անհրաժեշտ բարենպաստ պայմանների և տարածաշրջանային գործընթացներում ակտիվ միջազգային ներգրավվածության խորացման տեսանկյունից շոշափելի առաջընթացն ակնհայտ է:

Միաժամանակ Հայաստանի արտաքին գերատեսչության ղեկավարը նշեց, որ հանրապետության արտաքին քաղաքականության օրակարգի իրականացման վրա էական ազդեցություն են ունեցել մի շարք միջազգային և տարածաշրջանային գործընթացներ, մասնավորապես, ռուս-վրացական հարաբերությունների շարունակվող սրացումը և Հայաստանին Ռուսաստանի հետ կապող ցամաքային ճանապարհների փակ լինելը, ռուս-ամերիկյան հարաբերությունների լարվածությունը, հայ-թուրքական հարաբերությունների բացակայությունը, չկարգավորված հակամարտությունները և ՎՈՒԱՄ-ի ակտիվացումը։

Օսկանյանը նաև նշել է մեր երկրի հարևան տարածաշրջաններում, մասնավորապես, Իրաքում, Լիբանանում, Աֆղանստանում, Պակիստանում տիրող քաղաքական և ռազմական անկայունության ազդեցության մասին, ինչպես նաև ահաբեկչության դեմ միջազգային շարունակվող պայքարի մասին։

Միաժամանակ նախարարն ընդգծել է, որ չնայած վերոհիշյալ գործոնների բացասական ազդեցությանը, Հայաստանին հաջողվել է հասնել իր առջև դրված խնդիրները՝ ամբողջովին կամ մասամբ չեզոքացնելով դրանց ներգործությունը։

2007թ. ձեռքբերումների թվում Օսկանյանը նշեց ղարաբաղյան հակամարտության խաղաղ կարգավորման բանակցություններում գրանցված առաջընթացը, խորհրդարանական ընտրությունների հաջող իրականացումը, տարբեր պետությունների և միջազգային կազմակերպությունների հետ հաստատված բարեկամական հարաբերությունների պահպանումը և զարգացումը։

«2007թ.-ին շարունակվել է նաև Սփյուռքի հետ հարաբերությունների զարգացումը։ Հաջողությամբ անցկացվել են Համահայկական 4-րդ խաղերը, մեկնարկել է գյուղական զարգացման ծրագիրը, ակտիվացել է մշակութային դիվանագիտությունը»,- նկատել է նախարարը:

Նրա խոսքերով, լուրջ աշխատանք է տարվել Ֆրանսիայում Հայաստանի տարին անցկացնելու ուղղությամբ, Հայաստանի մշակույթի օրեր կազմակերպվեցին Իտալիայում և Բելառուսում, Հայաստանում կազմակերպվեց «Ոսկե ծիրան» միջազգային կինոփառատոնը։

Նախարարը հիշեցրեց, որ Հայաստանի նախաձեռնությամբ մշակվել և ընդունվել են մշակութային ժառանգության պաշտպանությունը երաշխավորող բանաձևեր, իսկ Եվրոպայի խորհրդի (ԵԽ), ԵԽ Խորհրդարանական վերաժողովի և ՅՈՒՆԵՍԿՕ-ի շրջանակներում նախաձեռնվել են մշակութային հուշարձանների վիճակի գնահատման նպատակով այցելություններ տարածաշրջան, ինչը, սակայն, հետաձգվել է Ադրբեջանի հարուցած խոչընդոտների պատճառով:

«Արտաքին քաղաքականությունն անմասն չի մնացել երկրում ժողովրդավարության ամրապնդման գործընթացից: 2007թ. Հայաստանում անցկացվեցին խորհրդարանական ընտրություններ, որոնք արժանացան միջազգային դիտորդների դրական գնահատականին: Սա վկայում է Հայաստանում ժողովրդավարության առաջընթացի մասին»,- նշեց նա։ --0—

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։