485.68
+0.29
517.01
+0.56
8.17
-0.01
-2
Եղանակը Երևանում
Հայ
ՀՀ ԱԳ նախարարը առաջընթաց է նկատում ղարաբաղյան հակամարտության բանակցություններում
11:09
26 Դեկտեմբերի 2007

ՀՀ ԱԳ նախարար Վարդան Օսկանյանը կարծում է, որ վերջին տարիների ընթացքում ղարաբաղյան հակամարտության կարգավորման բանակցային գործընթացքում առաջընթաց է նկատվել։

«Ղարաբաղի շուրջ Հայաստանի քաղաքականությունը չի կրում պաշտպանողական կամ հարձակողական բնույթ։ Ընթանում է բանակցային գործընթաց, գոյություն ունի փաստաթուղթ, որի շուրջ ընթանում են բանակցությունները, և այս տարիների ընթացքում բանակցություններում առաջընթաց է նկատվել», - ասել է Վ. Օսկանյանը «Շանթ» հեռուստաընկերությանը տված հարցազրույցում։

Նրա խոսքերով, զուտ դիվանագիտական տեսակետից հայկական կողմը գտնվում է անհամեմատ ավելի լավ դրության մեջ, քան երկու տարի առաջ։

Մասնավորապես, ՀՀ ԱԳ նախարարը նշել է, որ բանակցությունների սեղանին քննարկող փաստաթղթի մեջ ամրագրված է Լեռնային Ղարաբաղի ժողովրդի ինքնորոշման իրավունքը։

«Այն, ինչի մասին մենք 8-10 տարի առաջ կարող էինք միայն երազել, այսօր իրականություն է, և ԵԱՀԿ Մինսկի խմբի համանախագահները, ինչպես նաև հակամարտության կարգավորման ընթացքի մասին տեղեկություն ունեցող միջազգային շրջանակները միանշանակ նշում են դա և տարբերություն են դնում ղարաբաղյան գործընթացի և այլ հակամարտությունների միջև», - ասել է Վ. Օսկանյանը։

Նրա խոսքերով, այսօր Ղարաբաղը չի համեմատվում հետխորհրդային տարածքում ընթացող այլ հակամարտությունների հետ՝ հաշվի առնելով բանակցությունների բովանդակությունը և ինքնորոշման սկզբունքների հիման վրա։ «Ես կարծում եմ, որ սա մեր դիվանագիտական հաջողությունն է», - ասել է Վ. Օսկանյանը։

Նրա խոսքերով, բանակցությունների սեղանին գտնվող փաստաթուղթը կողմերի ջանքերի արդյունքն է։ «Այս տարիների ընթացքում շատ բան արդեն համաձայնեցված է, սակայն կան մի շարք խնդիրներ, որոնց շուրջ դեռևս համաձայնություն ձեռք չի բերվել, այդ պատճառով ԵԱՀԿ Մինսկի խմբի համանախագահները վարել են մաքոքային դիվանագիտություն՝ փորձելով կարգավորել անհամաձայնեցված հարցերը», - ասել է ՀՀ ԱԳ նախարարը։

Նա նշել է, որ Մադրիդում համանախագահները ներկայացրել են այս հարցերի շուրջ իրենց մոտեցումները՝ առաջարկելով կողմերին լուրջ քննարկել և համաձայնության գալ։

«Մենք ցանկանում ենք փաստաթուղթը հասցնել եզրափակիչ փուլի, քանի որ տարվել է լուրջ աշխատանք։ Մենք բազմաթիվ անգամ ասել ենք, որ այս փաստաթուղթը իր մեջ պարունակում է լուրջ հնարավորություններ, քանի որ հավասարակշռված է և պարունակում է ճիշտ հակակշիռներ տարբեր սկզբունքների միջև», - ընդգծել է Վ. Օսկանյանը։

Նրա խոսքերով, փաստաթուղթն անհրաժեշտ է հասցնել տրամաբանական ավարտի, որպեսզի երկու երկրների (Հայաստան և Ադրբեջան – «Նովոստի-Արմենիա») նախագահական ընտրություններից հետո չսկսել բանակցային գործընթացը զրոյից։

Միաժամանակ նախարարը նշել է, որ ԵԱՀԿ Մինսկի խմբի համանախագահների՝ մոտ ժամանակներս տարածաշրջան սպասվող այցից հետո պարզ կդառնա՝ կշարունակվի բանակցային գործընթացը նրանց վերջերս արված առաջարկությունների հիման վրա թե կընդունի որևէ այլ ուղղվածություն։-0-

Loading...
Թեմատիկ նյութեր
Բաժնի այլ նյութեր
13:37
13 Հունվարի 2017
Հայաստանի վարչապետը նշում է, որ կարող է չհայտնվել ՀՀԿ ընտրացուցակներում
Հայաստանի վարչապետ Կարեն Կարապետյանը հավանական է համարում, որ կարող է չհայտնվել Հայաստանի հանրապետական կուսակցության ընտրացուցակներում։
11:42
12 Հունվարի 2017
ԱՄՆ դեսպանատունն ու ԵՄ պատվիրակությունը որոշել են չֆինանսավորել Հայաստանի քաղաքական ուժերից և ոչ մեկին
Արևմուտքը, մասնավորապես ԱՄՆ դեսպանատունը և ԵՄ պատվիրակությունը, որոշել են առավելապես չեզոքություն ցուցաբերել և ուղղակի կամ անուղղակի չֆինանսավորել քաղաքական ուժերից և ոչ մեկին:
12:23
11 Հունվարի 2017
ՀՀԿ կանանց շրջանում խռովություն է հասունանում
ՀՀԿ կանայք պատրաստվում են Սերժ Սարգսյանից հանդիպում խնդրել և նրա մոտ բարձրացնել ցուցակի առաջին եռյակը եզրափակող Արփինե Հովհաննիսյանի հարցը:
20:13
10 Հունվարի 2017
ԿԽՄԿ–ն պատրաստ է օգնել Հայաստանի կողմից ադրբեջանցի զինծառայողի մարմնի փոխանցման հարցում
Կարմիր խաչի միջազգային կոմիտեն բանակցություններ է վարում Հայաստանի և Ադրբեջանի հետ ադրբեջանցի զինծառայողի մարմինը Բաքվին փոխանցելու հարցի շուրջ, «Նովոստի–Արմենիա» գործակալությանը երեքշաբթի տեղեկացրեց ԿԽՄԿ երևանյան գրասենյակի ներկայացուցիչ Հասմիկ Գալստյանը։
18:03
01 Հունվարի 2017
Լրացել է ՀԱՊԿ գլխավոր քարտուղար Բորդյուժայի լիազորությունների ժամկետը. նրան կփոխարինի քարտուղարի տեղակալը
Նախօրեին լրացել է ՀԱՊԿ գլխավոր քարտուղար Նիկոլայ Բորդյուժայի լիազորությունների ժամկետը։
11:23
26 Դեկտեմբերի 2016
ՀՀ նախագահն աշխատանքային այցով մեկնել է ՌԴ
ՀՀ նախագահ Սերժ Սարգսյանն առավոտյան աշխատանքային այցով մեկնել է Ռուսաստանի Դաշնություն:
11:33
22 Դեկտեմբերի 2016
Դեռ հարցական է, թե ովքեր կլինեն ՀՀԿ նախագահի տեղակալները
Այսօր ՀՀԿ-ն ԳՄ նիստ հրավիրելու է, բայց խորհրդի նիստ այդպես էլ չի հրավիրելու:
11:59
21 Դեկտեմբերի 2016
Հովիկ Աբրահամյանը չի ներառվի ՀՀԿ նախընտրական ցուցակի առաջին եռյակում. թերթ
ՀՀԿ նախընտրական ցուցակի առաջին երեք հորիզոնականներում չի լինելու նախկին վարչապետ, ՀՀԿ փոխնախագահ Հովիկ Աբրահամյանի անունը:
11:13
21 Դեկտեմբերի 2016
Իրանի նախագահը ժամանել է Հայաստան
ՀՀ նախագահի հրավերով պաշտոնական այցով չորեքշաբթի Հայաստան է ժամանել Իրանի Իսլամական Հանրապետության Նախագահ Հասան Ռոհանին:
13:19
20 Դեկտեմբերի 2016
ՀՀ պաշտպանության նախկին նախարարը հայտարարել է մեծ քաղաքականություն մտնելու մասին
ՀՀ պաշտպանության նախկին նախարար Սեյրան Օհանյանը երեքշաբթի Facebook-ի իր նորաստեղծ էջում գրել է քաղաքականություն մտնելու մասին։
12:27
20 Դեկտեմբերի 2016
Լավրովը նշել է Թուրքիայում ՌԴ դեսպանի սպանության նպատակը (ՏԵՍԱՆՅՈՒԹ)
Թուրքիայում Ռուսաստանի դեսպան Անդրեյ Կարլովի սպանության նպատակը Մոսկվայի և Անկարայի հարաբերությունների խաթարումն է։
00:45
20 Դեկտեմբերի 2016
Ռուսաստանի քաղաքական վերնախավը պետք է հասկանա, որ Թուրքիան ահաբեկչության ապաստարան է. թուրքագետ
Անկարայում ՌԴ դեսպանի սպանությունը առիթ է Ռուսաստանի քաղաքական վերնախավի համար մտածելու այն մասին, որ Թուրքիան ահաբեկչության ապաստարան է, կարծում է թուրքագետ Ռուբեն Մելքոնյանը։