478.82
+0.2
557.59
+7.08
8.14
+0.04
+29
Եղանակը Երևանում
Հայ
Վերջին տասը տարիների ընթացքում Թուքրիան Հայաստանին առաջադրում է միանգամից երեք նախապայման՝ հարաբերությունները նորմալացնելու համար. Օսկանյան
17:16
19 Դեկտեմբերի 2007

Այս մասին չորեքշաբթի հայտարարեց ՀՀ արտգործնախարար Վարդան Օսկանյանը՝ ելույթ ունենալով «Հայ-թուրքական հարաբերություններ. հիմնախնդիրներ և հեռանկարներ» խորհրդարանական լսումների ընթացքում։

«Տարբեր ժամանակաշրջաններում Թուրքիան Հայաստանի առջև երեք նախապայման էր դնում՝ ղարաբաղյան հակամարտության լուծում Ադրբեջանի օգտին, Հայաստանի կողմից Թուրքիայի հետ գործող սահմանների ճանաչում և Օսմանյան կայսրությունում Հայոց ցեղասպանության միջազգային ճանաչման քաղաքականությունից հրաժարում»,- ասաց նա։

Նախարարի խոսքով, բոլոր երեք նախապայմաններն էլ մինչ օրս առաջադրվում են և, դրանից ելնելով, հայ-թուրքական հարաբերությունները կարելի է բաժանել մի քանի փուլերի՝ 1991թ.-ից մինչև 1993թ., 1993թ.-ից մինչև 1998թ. և 1998թ.-ից մինչ օրս։

ՀՀ արտգործնախարարը նշեց, որ առաջին փուլում Թուրքիան երկու նախապայման էր դնում՝ սահմանների ճանաչման և ցեղասպանության ճանաչումից հրաժարման հարցերը, իսկ երկրորդ փուլում սկսեց բարձրացնել նաև Ղարաբաղի հարցը։

«Թեև հայոց ցեղասպանության ճանաչման հարցն այն ժամանակ չէր մտնում Հայաստանի արտաքին քաղաքականության օրակարգում, սակայն այն մշտապես բարձրացվում և քննարկվում էր։ Այս տարիներին Թուրքիայի նկատմամբ Հայաստանի քաղաքականությունը ավելի բարեկամական էր, սակայն, այդպես էլ չհաջողվեց առաջընթաց գրանցել Թուրքիայի հետ հարաբերություններում»,- ասաց Օսկանյանը։

ՀՀ ԱԳ նախարարն ասաց, որ 1998թ.-ից մինչև 2008թ. իրավիճակը մի փոքր բարդացել է։

«Սա պետք է փաստել, քանի որ հիմա երեք նախապայմաններն էլ մեր առջև դրվում են միաժամանակ և խիստ կերպով. ճանաչել սահմանները, հրաժարվել ցեղասպանության ճանաչումից և ղարաբաղյան հակամարտության հարցը լուծել Ադրբեջանի օգտին»,- պարզաբանեց նա։

Այս կապակցությամբ Օսկանյանն ընդգծեց, որ միջազգային և իրավական հարաբերությունների առումով բոլոր երեք նախապայմաններն էլ քննադատության չեն արժանանում։

Նախարարն ընդգծեց, որ Թուրքիան բարոյական իրավունք չունի Հայաստանից պահանջել հրաժարվել ցեղասպանության ճանաչումից։

«Սա մեր իրավունքն է և բարոյական պարտականությունը։ Այո, մենք դրել ենք այս հարցը մեր արտաքին քաղաքականույան օրակարգում, բայց քանի որ Թուրքիայի կողմից Հայոց ցեղասպանության ճանաչման հարցը չենք դնում որպես հարաբերությունների նորմալացման նախապայման, ապա Թուրքիան պարզապես իրավունք չունի բարձրացնել այս հարցը»,- ասաց նա։

Հայաստանի և Թուրքիայի միջև բացակայում են դիվանագիտական հարաբերությունները, իսկ հայ-թուրքական սահմանը փակվել է 1993թ.-ից՝ պաշտոնական Անկարայի նախաձեռնությամբ։ --0—

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: