485.25
-0.08
569.44
-2.72
8.18
-0.02
+4
Եղանակը Երևանում
Հայ
Հայաստանի վարչապետը չափազանց կարևոր է համարում «Հազարամյակի մարտահրավերներ» ծրագրի իրականացումը
12:10
19 Դեկտեմբերի 2007

Հայաստանի վարչապետ Սերժ Սարգսյանը չափազանց կարևոր է համարում երկրում «Հազարամյակի մարտահրավերներ» ամերիկյան կորպորացիայի ծրագրի իրականացումը։

Երեքշաբթի տեղի ունեցած «Հազարամյակի մարտահրավերներ» հիմնադրամ-Հայաստան ՊՈԱԿ-ի կառավարման խորհրդի նիստը վարել է խորհրդի նախագահ, ՀՀ վարչապետ Սերժ Սարգսյանը։ Նա հայտարարել է, որ այս ծրագրի իրականացումը կարևոր է առնվազն 4 հանգամանքով։

Նրա խոսքերով, ծրագրով Հայաստանին հատկացված գումարը բավականին լուրջ է հայկական տնտեսության համար և զուտ որպես ներդրում` իր էական ազդեցությունը կունենա երկրի զարգացման գործում:

«Բացի այդ, այս ծրագրով լուծվում են ճանապարհաշինության և ոռոգման, գյուղական զարգացման խնդիրներ, այսինքն` այն ամբողջովին համահունչ է պետության տարածքների համաչափ զարգացման քաղաքականությանը», - «Նովոստի-Արմենիա» գործակալության համար Սարգսյանի խոսքերը մեջբերեցին ՀՀ կառավարության աշխատակազմի տեղեկատվության և հասարակայնության հետ կապերի վարչությունից։

Բացի այդ, վարչապետը կարծում է, որ ծրագրի իրականացումը ոչ միայն տնտեսական խնդիր է, այլև ունի քաղաքական և վարկանիշային կողմ:

«Բոլորին հայտնի է, որ «Հազարամյակի մարտահրավերներ» ծրագրից չեն կարող օգտվել սոսկ ցանկացողները, այլ զարգացման որոշակի մակարդակ ունեցող երկրները, ուստի Հայաստանի ընդգրկվածությունը ծրագրում խոսում է այն մասին, որ մեր երկիրը զարգանում է արդի պահանջներին համահունչ», - ընդգծել է վարչապետը։

Եվ վերջապես չորրորդ կարևոր հանգամանքն այն է, որ ծրագիրը հնարավորություն է տալիս Հայաստան ներմուծել աշխատանքային նոր մշակույթի անցկացում։ «Մրցույթների անցկացում, միջազգային կազմակերպությունների և մասնագետների ներգրավվածություն մեր աշխատանքին մեզ շատ բան է սովորեցրել», - ընդգծել է Սարգսյանը։

Նրա խոսքերով, Հայաստանին  հաջողվել է ավարտել  ուսումնասիրության, նախնական-նախապատրաստական աշխատանքների փուլը։ «Չափազանց կարևոր է  այն, որ մենք արդեն սկսել ենք իրականացնել կոնկրետ աշխատանքներ, իսկ դա նշանակում է, որ մեր ժողովուրդը կարող է արդեն տեսնել և զգալ գործունեության արդյունքները», - ասել է Սարգսյանը։

Նրա խոսքերով, հայկական կողմը տեսնում է ծրագրի շրջանակներում հետագա համագործակցության հեռանկարները։ Վարչապետը հիշեցրել է, որ «Հազարամյակի մարտահրավերներ» կորպորացիան հաստատել է 2008թ. համար ծրագրին Հայաստանի մասնակցության հարցը։

«Դա նշանակում է, որ, կորպորացիայի գնահատմամբ,  մեր երկրի հետ համագործակցությունը հաջող է ընթանում, և մեր տնտեսությունը նորմալ է զարգանում», - ասել է նա։ Միաժամանակ նա ավելացրել է, որ Հայաստանի առջև ծագում են նոր մարտահրավերներ, որոնք կապված են աշխարհում Հայաստանի տնտեսության հանդեպ վերաբերմունքի և պահանջների փոփոխության հետ։

«Միջազգային ֆինանսական կազմակերպությունները մեր երկիրն արդեն  դասում են  ոչ  թե ցածր, այլ միջին  կայուն եկամուտներ ունեցող երկրների շարքը: Եվ ելնելով դրանից՝ մենք պետք է ավելի լավ աշխատենք», - ասել է կառավարության ղեկավարը։

«Ես կարծում եմ, որ մենք պատրաստ ենք այդ մարտահրավերներին։ Տնտեսությունը նորմալ է զարգանում, բարեփոխումները նորմալ են ընթանում և այստեղ մենք, անխոս, լավատես ենք», - ասել է Սարգսյանը։

2008 թ. առաջին եռամսյակում Հայաստանը ծրագրում է «Հազարամյակի մարտահրավերներ» ամերիկյան կազմակերպությունից ստավալ 5 միլիոն 344 հազ. 837 դոլար։

«Հազարամյակի մարտահրավերներ» ամերիկյան կազմակերպության ծրագիրը մեկնարկել է Հայաստանում 2006 թ. սեպտեմբերի 29-ին։ Պայմանագիրը, ըստ որի Հայաստանի կառավարությանը հինգ տարվա ընթացքում հատկացվում է 236 միլիոն դոլարի դրամաշնորհ, ստորագրվել է 2006 թ. մարտի 27-ին։ Դրամաշնորհի միջոցները ուղղվում են Հայաստանում գյուղական աղքատության մակարդակի նվազեցմանը, գյուղական ճանապարհների և ոռոգման համակարգի վերականգնմանը։

«Հազարամյակի մարտահրավերներ» հիմնադրամ-Հայաստան պետական ոչ կոմերցիոն կազմակերպությունը ստեղծվել է կառավարության որոշմամբ՝ 2006 թ. ապրիլի 13-ին։ Կազմակերպության գործունեության առարկան և հիմնական նպատակը Հայաստանի միջազգային պայմանագրերով նախատեսված և կառավարության կողմից սահմանված աշխատանքների իրականացումն է։-0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։