486.32
+0.4
519.1
+4.61
8.21
+0.05
-2
Եղանակը Երևանում
Հայ
Հայաստանը պատրաստ է զարգացնել հարաբերությունները Իրանի հետ. վարչապետ Սարգսյան
16:36
18 Դեկտեմբերի 2007

ԵՐԵՎԱՆ, 18 դեկտեմբերի./Նովոստի-Արմենիա/. Հայաստանը պատրաստ է զարգացնել և խորացնել հարաբերությունները Իրանի հետ, երեքշաբթի հայտարարեց ՀՀ վարչապետ Սերժ Սարգսյանը՝ Իրանի դեսպան Ալիռեզա Հաղիղյանի հետ հանդիպման ժամանակ, որն ավարտում է իր դիվանագիտական առաքելությունը Հայաստանում։

«Հարևան Իրանը շատ կարևոր երկիր է Հայաստանի համար, և հայկական կողմը պատրաստ է զարգացնել և խորացնել Իրանի հետ դարավոր բարեկամությունը և փոխշահավետ համագործակցությունը»,- «Նովոստի-Արմենիային» Սարգսյանի խոսքերը մեջբերեցին ՀՀ կառավարության հասարակայնության հետ կապերի վարչությունից։

Վարաչպետը փաստել է վերջին մի քանի տարիներին հայ-իրանական հարաբերություններում քաղաքական, տնտեսական, մշակութային և այլ բնագավառներում արձանագրված զգալի առաջընթացը՝ ընդգծելով հատկապես տնտեսական ոլորտը, որի համար ստեղծված են իրական հիմքեր։

Սարգսյանը հավաստիացրել է, որ արդեն իսկ հաջողությամբ իրականացված Իրան-Հայաստան գազատարի, բարձրավոլտ էլեկտրահաղորդման գծերի, Արաքս գետի վրա հիդրոէլեկտրակայանի և այլ նախագծերը հիմք են տալիս վստահորեն նայելու երկկողմ համագործակցության ապագային` այն առավել բարձր մակարդակի հասցնելու, նոր` ավելի համարձակ տնտեսական նախագծեր իրականացնելու նպատակադրմամբ:

Հանդիպմանը վարչապետը բարձր գնահատեց Հայաստանի և Իրանի միջև փոխհարաբերությունների ամրացման հարցում Իրանի դեսպանի ունեցած անձնական ներդրումը։

Իր հերթին դեսպան Հաղիղյանը շնորհակալություն է հայտնել իր աշխատանքին բարձր գնահատական տալու համար և համաձայնել է ՀՀ վարչապետի հետ` հայ-իրանական հարաբերությունների ներկայիս բարձր մակարդակի և զարգացման հեռանկարի հարցում։ Միաժամանակ Իրանի դեսպանն ընդգծել է, որ երկու երկրների միջև քաղաքական երկխոսությունը, միջազգային կազմակերպություններում համագործակցությունը, տնտեսական, մշակութային ու այլ բնագավառներում լայն թափով է ընթանում՝ շնորհիվ երկու ժողովուրդների դարավոր բարեկամության։

ԻԻՀ դեսպանը նշել է, որ Հայաստանից հեռանում է շատ լավ տպավորություններով ու հիշողություններով և շնորհակալություն է հայտնել ՀՀ իշխանություններին, այդ թվում`  կառավարությանն ու վարչապետին` իր պաշտոնավարման տարիներին ցուցաբերած աջակցության ու համագործակցության պատրաստակամության  համար:

Նա նաև շնորհավորել է Հայաստանին ու հայ ժողովրդին՝ գալիք Ամանորի և Սուրբ Ծննդյան տոների կապակցությամբ, եկող տարում մաղթել նոր հաջողություններ:--0—

Loading...
Թեմատիկ նյութեր
Բաժնի այլ նյութեր
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։
13:10
17 Հունվարի 2017
Սեյրան Օհանյանն ու Վարդան Օսկանյանը քննարկել են առաջիկա խորհրդարանական ընտրություններին առնչվող հարցեր
ՀՀ պաշտպանության նախկին նախարար Սեյրան Օհանյանը երեքշաբթի հանդիպել է նախկին արտգործնախարար, «Համախմբում» կուսակցության նախագահ Վարդան Օսկանյանի հետ:
11:03
17 Հունվարի 2017
ՀՀ վարչապետը պաշտոնական այցով կմեկնի ՌԴ
Այցի շրջանակում Կարեն Կարապետյանը Մոսկվայում հանդիպում կունենա ՌԴ վարչապետ Դմիտրի Մեդվեդևի հետ:
16:32
16 Հունվարի 2017
ՀՀ նոր վարչապետից հարկավոր չէ սպասել լուրջ փոփոխություններ. քաղաքագետ
Իրավիճակի լուրջ բարելավում, որին սպասում է Հայաստանի բնակչությունը նոր վարչապետից և կառավարությունից, սկզբունքորեն չի կարող լինել, հայտարարեց քաղաքագետ, Կովկասի ինստիտուտի տնօրեն Ալեքսանդր Իսկանդարյանը:
13:37
13 Հունվարի 2017
Հայաստանի վարչապետը նշում է, որ կարող է չհայտնվել ՀՀԿ ընտրացուցակներում
Հայաստանի վարչապետ Կարեն Կարապետյանը հավանական է համարում, որ կարող է չհայտնվել Հայաստանի հանրապետական կուսակցության ընտրացուցակներում։
11:42
12 Հունվարի 2017
ԱՄՆ դեսպանատունն ու ԵՄ պատվիրակությունը որոշել են չֆինանսավորել Հայաստանի քաղաքական ուժերից և ոչ մեկին
Արևմուտքը, մասնավորապես ԱՄՆ դեսպանատունը և ԵՄ պատվիրակությունը, որոշել են առավելապես չեզոքություն ցուցաբերել և ուղղակի կամ անուղղակի չֆինանսավորել քաղաքական ուժերից և ոչ մեկին:
12:23
11 Հունվարի 2017
ՀՀԿ կանանց շրջանում խռովություն է հասունանում
ՀՀԿ կանայք պատրաստվում են Սերժ Սարգսյանից հանդիպում խնդրել և նրա մոտ բարձրացնել ցուցակի առաջին եռյակը եզրափակող Արփինե Հովհաննիսյանի հարցը:
20:13
10 Հունվարի 2017
ԿԽՄԿ–ն պատրաստ է օգնել Հայաստանի կողմից ադրբեջանցի զինծառայողի մարմնի փոխանցման հարցում
Կարմիր խաչի միջազգային կոմիտեն բանակցություններ է վարում Հայաստանի և Ադրբեջանի հետ ադրբեջանցի զինծառայողի մարմինը Բաքվին փոխանցելու հարցի շուրջ, «Նովոստի–Արմենիա» գործակալությանը երեքշաբթի տեղեկացրեց ԿԽՄԿ երևանյան գրասենյակի ներկայացուցիչ Հասմիկ Գալստյանը։
18:03
01 Հունվարի 2017
Լրացել է ՀԱՊԿ գլխավոր քարտուղար Բորդյուժայի լիազորությունների ժամկետը. նրան կփոխարինի քարտուղարի տեղակալը
Նախօրեին լրացել է ՀԱՊԿ գլխավոր քարտուղար Նիկոլայ Բորդյուժայի լիազորությունների ժամկետը։
11:23
26 Դեկտեմբերի 2016
ՀՀ նախագահն աշխատանքային այցով մեկնել է ՌԴ
ՀՀ նախագահ Սերժ Սարգսյանն առավոտյան աշխատանքային այցով մեկնել է Ռուսաստանի Դաշնություն:
11:33
22 Դեկտեմբերի 2016
Դեռ հարցական է, թե ովքեր կլինեն ՀՀԿ նախագահի տեղակալները
Այսօր ՀՀԿ-ն ԳՄ նիստ հրավիրելու է, բայց խորհրդի նիստ այդպես էլ չի հրավիրելու: