480.39
+0.17
536.6
+0.48
8.07
+0.03
+17
Եղանակը Երևանում
Հայ
Նյու-Դելիի միջազգային համաժողովին հայկական պատվիրակությունը բարձրացրել է Ադրբեջանում հայկական մշակութային ժառանգության ոչնչացման հարցը
14:17
13 Դեկտեմբերի 2007

ԵՐԵՎԱՆ, 13 դեկտեմբերի./Նովոստի-Արմենիա/. Հայաստանի պատվիրակությունը, առաջին անգամ մասնակցելով ազգային հիմնադրամների 12-րդ միջազգային համաժողովին, բարձրացրել է Ադրբեջանում հայկական մշակութային ժառանգության ոչնչացման հարցը։

Ինչպես հինգշաբթի լրագրողներին տեղեկացրեց ՀՀ մշակույթի փոխնախարար Գագիկ Գյուրջյանը, համաժողովին Նախիջևանի Հին Ջուղայի միջնադարյան հայկական գերեզմանոցի և խաչքարերի ոչնչացման մասին զեկույցով ելույթ ունեցավ ՀՀ ԳԱԱ Ազգագրության և հնագիտության ինստիտուտի ավագ գիտաշխատող Մկրտիչ Զարդարյանը։

«Զեկույցի հեղինակը համաժողովի մասնակիցներին ներկայացրեց Հին Ջուղայում հայկական պատմամշակութային ժառանգության ոչնչացման հետ կապված իրավիճակը»,- ասաց նա։

Գյուրջյանը նաև հաղորդեց, որ բացի զեկույցից համաժողովի մասնակիցներին բաժանվեցին բուկլետներ, փաստաթղթեր, ինչպես նաև լուսանկարներ և տեսանյութեր, որոնք փաստում են Ադրբեջանի տարածքում հայկական պատմական հուշարձանների ոչնչացումը։

Բացի այդ, ցուցադրվեց «Ջուղա» փաստավավերագրական ֆիլմը, որը պատմում է 2005թ.-ին Ադրբեջանում, Հին Ջուղայում գտնվող հայկական հին գերեզմանոցի և խաչքարերի ոչնչացման մասին։

Միաժամանակ Գյուրջյանը կարևորեց ազգային հիմնադրամների  միջազգային համաժողովին հայկական պատվիրակության մասնակցությունը։

«Մեր կողմից ներկայացված փաստաթղթերը նպաստեցին տեղեկացվածության մակարդակի բարձրացմանը և միջազգային հանրության ուշադրությունը Հին Ջուղայի հիմնախնդրին հրավիրելուն»,- ասաց նա։

Այս համատեքստում փոխնախարարն ավելացրեց, որ մոտ ժամանակներս «Europa Nostra» ընդհանուր եվրոպական մշակութային կազմակերպությունն իր հրատարակություններից մեկում կանդրադառնա Ջուղայի պատմամշակութային հուշարձանների ոչնչացման թեմային։

Իր հերթին զեկույցի հեղինակ, ՀՀ ԳԱԱ Ազգագրության և հնագիտության ինստիտուտի ավագ գիտաշխատող Մկրտիչ Զարդարյանն ավելացրեց, որ իր ելույթում մանրամասն ներկայացրել է հիմնախնդրի ողջ պատմությունը։

Միաժամանակ նա տեղեկացրեց, որ համաժողովի արդյունքում  ստեղծվել է «Ազգային հիմնադրամ» միջազգային կազմակերպությունը։

Այս կազմակերպության կանոնադրությունում առանձին կետով ամրագրված է, որ պատմամշակութային հուշարձանների ոչնչացումը գնահատվում է որպես մարդկության դեմ գործված հանցագործություն։

Դեկտեմբերի 3-5-ը Նյու-Դելիում տեղի ունեցած ազգային հմնադրամների 12-րդ միջազգային համաժողովին մասնակցել են մոտ 150 մասնագետներ՝ աշխարհի 54 երկրներից։

Ադրբեջանի իշխանությունների թողտվությամբ Նախիջևանի Հին Ջուղայի հին հայկական գերեզմանոցը այլևս գոյություն չունի, այն  ադրբեջանցիների կողմից վերածվել է ռազմակայանի։

Հին Ջուղայի հայկական գերեզմանոցում լիովին ոչնչացվել է 3500 խաչքար՝ այն 10 հազարից, որոնք դեռևս պահպանվել էին 2005թ. դեկտեմբերին։

Հայկական խաչքարերի կործանումը, որը ադրբեջանական կողմը սկսել էր 1998-ին, այդ փաստի՝ եվրոպական երկրների կողմից դատապարտումից հետո կասեցվեց։ Սակայն հայկական պատմամշակութային հուշարձանների զանգվածային կործանումը վերսկսվեց 2003թ.-ին և 2005թ. դեկտեմբերին։--0—

Loading...
Թեմատիկ նյութեր
Բաժնի այլ նյութեր
00:46
26 Հունիսի 2017
Հայկական ձևով հնդկահավն իրարանցում է առաջացրել Բաքու մեկնող ինքնաթիռում (ՎԻԴԵՈ)
Հայկական ձևով հնդկահավն ու բրինձը իրարանցում են առաջացրել Բաքու մեկնող ինքնաթիռում։
21:02
22 Հունիսի 2017
Սերժ Սարգսյանը ԵԺԿ–ի գագաթնաժողովում ներկայացրել է Հայաստանի առաջընթացը
Հայաստանի նախագահ Սերժ Սարգսյանը Բրյուսելում մասնակցել է Եվրոպական ժողովրդական կուսակցության` ընդլայնված կազմով գագաթնաժողովին:
14:01
22 Հունիսի 2017
Նիկոլ Փաշինյանը`Վահրամ Բաղդասարյանին. «Պադեզդի մակարդակ եք ուզում, եկեք գնանք...» (ՎԻԴԵՈ)
«Գիշերը երևի վատ է անդրադարձել, երեկ ավելի օբյեկտիվ ելույթներ էին հնչում»,-ասաց Վահրամ Բաղդասարյանը:  
19:09
21 Հունիսի 2017
ՀՀ նախագահն աշխատանքային այցով մեկնել է Բրյուսել
ՀՀ նախագահ Սերժ Սարգսյանն այսօր երեկոյան աշխատանքային այցով մեկնել է Բելգիայի Թագավորություն։
15:20
20 Հունիսի 2017
Ֆրանսահայ համայնքի պատմության նոր էջ. 4 հայ պատգամավորներ ընտրվել են Ֆրանսիայի ԱԺ–ում
Էմանուել Մակրոնի «Առաջ, հանրապետություն» կուսակցությունից չորս ֆրանսահայեր անցել են Ֆրանսիայի խորհրդարան:
15:26
19 Հունիսի 2017
Հայաստանի և Ադրբեջանի նախագահները պատրաստ են շարունակել բանակցությունները ԼՂ հիմնահարցի շուրջ. ռուս միջնորդ
Հայաստանի և Ադրբեջանի նախագահներ Սերժ Սարգսյանն ու Իլհամ Ալիևը պատրաստ են շարունակել ղարաբաղյան հակամարտության կարգավորմանն ուղղված խաղաղ բանակցությունները:
18:54
15 Հունիսի 2017
Մենք կարող ենք ինքներս լուծել և՛ Ղարաբաղում, և՛ Մերձդնեստրում, և՛ Ուկրաինայում առկա խնդիրները. Լուկաշենկո
Բելառուսի նախագահ Ալեքսանդր Լուկաշենկոն անդրադարձել է ՀԱՊԿ տարածաշրջանի երկրների որոշ խնդիրների։
20:00
14 Հունիսի 2017
Հայաստանն ու Տաջիկստանը, հնարավոր է, ուղիղ ավիահաղորդակցություն գործարկեն. Սարգսյան
Հայաստանն ու Տաջիկստանը դիտարկում են երկու երկրների միջև ուղիղ ավիաչվերթի գործարկման հնարավորությունը:
18:41
14 Հունիսի 2017
Տաջիկստանի նախագահը նշել է Հայաստանի հետ համագործակցության հեռանկարային ոլորտները (ՖՈՏՈ)
ՀՀ նախագահի հրավերով պաշտոնական այցով այսօր Հայաստան է ժամանել Տաջիկստանի Հանրապետության նախագահ Էմոմալի Ռահմոնը:
14:43
13 Հունիսի 2017
Նալբանդյանը նշել է ԵՄ-ի հետ շրջանակային համաձայնագրի ստորագրման ժամկետը
Էստոնիան ԵՄ նախագահությունը կստանձնի հուլիսի 1-ից:
13:43
12 Հունիսի 2017
Հայաստան կայցելի Էստոնիայի արտգործնախարար Սվեն Միկսերը
Էստոնիայի արտգործնախարարին կընդունեն հանրապետության նախագահը, Ազգային ժողովի նախագահը և վարչապետը։
15:38
09 Հունիսի 2017
ՀՀ նախագահն աշխատանքային այցով մեկնել է Ղազախստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղազախստանի Հանրապետություն: