486.33
+0.12
521.78
+4.16
8.19
+0.04
-3
Եղանակը Երևանում
Հայ
Հայաստանի վարչապետը Խավիեր Սոլանայի հետ քննարկել է ԵՄ-ի հետ համագործակցությանն առնչվող հարցեր
11:37
11 Դեկտեմբերի 2007

Աշխատանքային այցով Բրյուսելում գտնվող ՀՀ վարչապետ Սերժ Սարգսյանը նախօրեին հանդիպում է ունեցել Եվրամիության գլխավոր քարտուղար Խավիեր Սոլանայի  հետ:

«Հանդիպման ընթացքում Սարգսյանը հիշեցնելով, որ մինչ այժմ գործադիր իշխանությունում ղեկավարել է անվտանգության  և պաշտպանության  բնագավառները՝ ընդգծել է, որ ՀՀ  վարչապետ նշանակվելուց  հետո կառավարության  ղեկավարի դիտանկյունից է նայել ԵՄ-Հայաստան Գործողությունների ծրագրին ու  մեկ անգամ ևս համոզվել է, որ այդ  ծրագրի  տրամաբանությունը  համընկնում է  մեր երկրի  զարգացման տրամաբանությանը` ոչ  միայն արտաքին, այլև  ներքին քաղաքականության առումով»,- «Նովոստի-Արմենիա» գործակալությանը հայտնեցին ՀՀ կառավարության   տեղեկատվության և հասարակայնության հետ կապերի վարչությունից։

Սերժ Սարգսյանի խոսքերով, Հայաստանի հիմնախնդիրներից մեկը պատշաճ մակարդակում ընտրությունների անցկացումն է և երկրի ժողովրդավարացման գործընթացը, որը բխում է նախևառաջ երկրի ու ժողովրդի  շահերից:

«Մենք  ձգտում ենք լավ ընտրություններ անցկացնել, որպեսզի  դրանք այդպիսին  գնահատվեն  ոչ միայն  ուրիշների կողմից, այլև հենց մեր երկրի ներսում», - ասել է Սարգսյանը։

Նա  նշել է, որ  այդ առումով մայիսին անցկացված խորհրդարանական ընտրությունները դրական գնահատականի են արժանացել, և Հայաստանը շահագրգռված է այդ  հաջողությունը  զարգացնել, այսինքն` ավելի լավ անցկացնել նախագահական  ընտրությունները:

Սարգսյանն ընդգծել է, որ այսօր Հայաստանն ունի  մի շարք  դժվարագույն հիմնահարցեր` Լեռնային Ղարաբաղի հակամարտություն,  Թուրքիայի  հետ հարաբերությունների կարգավորում, երկրորդ փուլի  բարեփոխումների անցկացում։

«Այս խնդիրները կարող է լուծել  միայն միջազգային չափանիշներին համապատասխան  ընտրությունների արդյունքում նախագահ դարձած անձը», - ընդգծել է Հայաստանի վարչապետը։

Ողջունելով ՀՀ վարչապետի այցը Բրյուսել՝ Խավիեր Սոլանան իր հերթին նշել է,  որ այն տեղի է ունենում ճիշտ ժամանակին, երբ Հայաստանում առաջիկայում սպասվում են  նախագահական ընտրություններ:

Նա կարևորել է գալիք նախագահական ընտրությունների  միջազգային չափանիշներին  համապատասխան անցկացումը, ինչպես նաև այդ ընտրություններին ԵԱՀԿ/ԺՄԻԳ-ի պատվիրակության մասնակցությունը։

«Խավիեր Սոլանան  հույս է հայտնել, որ նախագահական ընտրությունները Հայաստանում կանցնեն բարձր մակարդակով: Նա նշել է, որ կցանկանար այդպիսի ընտրությունների անցկացման համար առաջարկել ԵՄ-ի աջակցությունը», - նշեցին Հայաստանի կառավարության մամուլի ծառայությունից։

Խավիեր Սոլանան  կարևոր է համարել, որպեսզի  Հայաստանում   առաջիկա ընտրությունները  չլինեն այնպիսին, որ  երկրի զարգացումն ու  նաև ղարաբաղյան հակամարտության կարգավորման գործընթացը  հետընթաց ունենան:

Սոլանան նշել է, որ ընտրություններից հետո  Հայաստանի  հետ կշարունակվի աշխատանքը՝ Եվրոպական հարևանության քաղաքականության  շրջանակներում՝ Հայաստան-ԵՄ  Գործողությունների ծրագրի իրականացման  երկկողմ հարաբերությունների շրջանակը ներառող  մյուս հարցերի  շուրջ:-0-

Loading...
Թեմատիկ նյութեր
Բաժնի այլ նյութեր
13:33
24 Հունվարի 2017
Հովիկ Աբրահամյանը հաստատել է ՀՀԿ–ի շարքերը լքելու մտադրությունը
Հայաստանի նախկին վարչապետ Հովիկ Աբրահամյանը հաստատեց, որ հեռանում է ՀՀԿ–ից:
12:44
24 Հունվարի 2017
Հայաստանի և Ռուսաստանի վարչապետները կքննարկեն ինտեգրացիոն համագործակցությունը ԵՏՄ-ի շրջանակում
Հայաստանի և Ռուսաստանի վարչապետներ Կարեն Կարապետյանը և Դմիտրի Մեդվեդևը երեքշաբթի կհանդիպեն Մոսկվայում:
01:14
24 Հունվարի 2017
ԱՄՆ–ն դուրս է գալիս Անդրխաղաղօվկիանոսյան գործընկերությունից
ԱՄՆ նախագահ Դոնալդ Թրամփը հրամանագիր է ստորագրել Անդրխաղաղօվկիանոսյան գործընկերության (ԱԽԳ) համաձայնագրից ԱՄՆ–ի դուրս գալու մասին:
20:51
23 Հունվարի 2017
ՀՀ վարչապետը շնորհավորել է Գլեդիս Բերեջիկլյանին ավստրալական նահանգի կառավարության ղեկավարի պաշտոնում նշանակվելու կապակցությամբ
Հայաստանի վարչապետ Կարեն Կարապետյանը շնորհավորել է հայազգի Գլեդիս Բերեջիկլյանին ավստրալական խոշորագույն նահանգի կառավարության ղեկավարի պաշտոնը ստանձնելու կապակցությամբ:
00:01
22 Հունվարի 2017
ԱՄՆ նախագահի անցումային վարչակազմը գլխավորել է Քեն Նահիգյանը
ԱՄՆ նախագահի վարչակազմի անցումային վարչակազմը նոր ղեկավար ունի:
16:57
20 Հունվարի 2017
Իշխան Զաքարյանը դարձել է Գագիկ Ծառուկյանի դաշինքի շտաբի պետը
Հայաստանի ՀՀ վերահսկիչ պալատի ղեկավար Իշխան Զաքարյանը գլխավորել է Գագիկ Ծառուկյանի դաշինքի նախընտրական շտաբը։
15:30
20 Հունվարի 2017
Մինսկն արտահանձնում է բլոգեր Լապշինին Ադրբեջանին
Բելառուսի Հանրապետությունը որոշել է արտահանձնել Ռուսաստանի Դաշնության և Իսրայելի պետության քաղաքացի Ալեքսանդր Լապշինին։
19:48
19 Հունվարի 2017
Խաչատուր Սուքիասյանը չի պատրաստվում գլխավորել ԲՀԿ շտաբը
Հայ խոշոր գործարար Խաչատուր Սուքիասյանը չի պատրաստվում գլխավորել «Բարգավաճ Հայաստան» կուսակցության շտաբն առաջիկա խորհրդարանական ընտրություններում:
10:57
19 Հունվարի 2017
Խաչատուր Սուքիասյանը կլինի Գագիկ Ծառուկյանի դաշինքի շտաբի պետը
Երկար քննարկումներից հետո Խաչատուր Սուքիասյանը որոշել է առաջիկա ընտրություններին մասնակցել Գագիկ Ծառուկյանի դաշինքով։
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։