478.82
+0.2
557.59
+7.08
8.14
+0.04
+27
Եղանակը Երևանում
Հայ
Հայաստանի վարչապետը ԵՄ գիտության և հետազոտության հարցերով հանձնակատարի հետ քննարկել է գիտական բնագավառում համագործակցությանն առնչվող հարցեր
10:57
11 Դեկտեմբերի 2007

Հայաստանի վարչապետ Սերժ Սարգսյանը ԵՄ գիտության և հետազոտության հարցերով հանձնակատար Յանես Պոտոչնիկի  հետ քննարկել է գիտական և գիտահետազոտական բնագավառներում համագործակցությանն առնչվող հարցեր, «Նովոստի-Արմենիա» գործակալությանը տեղեկացրեցին ՀՀ կառավարության տեղեկատվության և հասարակայնության հետ կապերի վարչությունից։

Նախօրեին տեղի ունեցած հանիպման ընթացքում Հայաստանի վարչապետը կարևորել է Եվրամիության  հետ  համագործակցության  ընդլայնմանը  զուգահեռ  նաև ոլորտային պատասխանատուների և հատկապես Եվրոպական  հանձնաժողովի  այն հանձնակատարների հետ անմիջական կապերի հաստատումը, որոնց  պատասխանատվության ոլորտում գտնվող  հարցերը Հայաստան-ԵՄ Գործողությունների ծրագրի  առաջնայնություններից են:

Սարգսյանը նշել է, որ այդ տեսակետից հատուկ կարևորություն է տալիս Պոտոչնիկի  հետ հանդիպմանը, քանի որ, ըստ նրա, ավանդաբար Հայաստանի համար  առաջնային նշանակություն  ունեցող  հիմնական ոլորտներից  մեկը  համարվող  գիտությունը, գիտահետազոտական  գործունեությունը Հայաստանում դեռևս չի  համապատասխանեցվել արդի շուկայական պայմաններին` հաշվի առնելով գիտատար տնտեսության  ստեղծման որդեգրված  քաղաքականությունը:

Այդ առնչությամբ ներկայացնելով վերջին տարիներին  գիտության  կազմակերպման ոլորտում Հայաստանում իրականացվող  բարեփոխումների ընթացքը՝ ՀՀ  վարչապետը  կարևորել է  այդ գործընթացում  Եվրոպական հանձնաժողովի  աջակցությունը` խորհրդատվության, սեմինարների,  փորձագետների  փոխանակման  միջոցով:

Նա կարևորել է  գիտության  և հետազոտության  ոլորտում ԵՄ-ի  առկա ծրագրերը ևս, որոնց  մասնակից է նաև  Հայաստանը` ընդգծելով, մասնավորապես, շրջանակային ծրագրերն ու  «Մարի Կյուրի» ծրագիրը:

Միաժամանակ  նշելով, որ հիշյալ ծրագրերով նախատեսված ֆոնդերը, բարձր  մրցակցության հետևանքով, երբեմն հավասարաչափ չեն բաշխվում, վարչապետը առաջարկել է որոշակի  պարզեցված կարգ  կամ քվոտա սահմանել Եվրոպական  հարևանության  քաղաքականության  մեջ ընդգրկված երկրների համար:

Սարգսյանն ընդգծել է, որ Հայաստանն ուշադրությամբ հետևում է նաև ԵՄ-ի հետ  տարածաշրջանային կազմակերպություններում  գիտական համագործակցության հնարավորություններին, մասնավորապես, Սևծովյան  տնտեսական համագործակցության կազմակերպության  կտրվածքով:

Հանդիպման ժամանակ  կողմերը քննարկել են  նաև Եվրոպական  հետազոտական  գոտուն Հայաստանի ինտեգրման  համար անհրաժեշտ  միջոցառումներն  ու դրանց մեխանիզմները:

Նշելով, որ Հայաստանի գիտությունների  ազգային ակադեմիան իր ներուժի`  գիտահետազոտական կենտրոնների, ինստիտուտների  միջոցով, կարող է  լուրջ ներդրում ունենալ  համագործակցության  հետագա ընդլայնման  և նոր  ծրագրերի իրականացման  գործում, Սերժ Սարգսյանը, միաժամանակ, կարծիք է հայտնել, որ անհրաժեշտ են այնպիսի մեխանիզմներ, որոնք  սկզբնական  փուլում  հնարավորություն  կընձեռեն  առկա ներուժն  առավել պարզեցված  ձևով  ներգրավել ԵՄ-Հայաստան  գործակցության ոլորտ:

Այդ տեսակետից նա առաջարկել է  համաֆինանսավորման  սկզբունքով հայկական  հետազոտական  ինստիտուտների  բազայի  վրա  բարձրագույն  գիտական կենտրոնների կամ ազգային  լաբորատորիաների ստեղծումը, որոնք  հետազոտություններ կիրականացնեն սահմանված գիտական  գերակայությունների շրջանակներում և որոնցում հայաստանյան  ինստիտուտները կկարողանան արդունավետ  համագործակցություն  ծավալել  եվրոպական ռաջատար  ինստիտուտների  հետ:-0-

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: