478.04
+0.15
564.85
-3.12
8.3
-0.03
+22
Եղանակը Երևանում
Հայ
ՀՀ գլխավոր դատախազը ԵԽԽՎ համազեկուցողների հետ քննարկել է դատաիրավական բարեփոխումների հարցերը
18:48
04 Դեկտեմբերի 2007

ԵՐԵՎԱՆ, 4 դեկտեմբերի./Նովոստի-Արմենիա/. ՀՀ գլխավոր դատախազ Աղվան Հովսեփյանը երեքշաբթի ընդունեց Եվրոպայի խորհրդի խորհրդրանական  վեհաժողովի (ԵԽԽՎ) համազեկուցող Ժորժ Կոլոմբյեին և հանձնաժողովի քարտուղար Դեսպինա Չացիվասիլիուն։

«Հանդիպման ընթացքում կողմերը քննարկեցին դատաիրավական բարեփոխումներին, ոստիկանական մարմիններում մարդու իրավունքների պաշտպանությանը, ընտրախախտումների քրեական հետապնդմանն առնչվող հարցեր»,- «Նովոստի-Արմենիային» տեղեկացրեց ՀՀ գլխավոր դատախազի մամուլի քարտուղար Սոնա Տռուզյանը։

Հյուրերի խնդրանքով, Հովսեփյանը ներկայացրել է դատախազության համակարգում բարեփոխումների նախագիծը՝ տեղեկացնելով, որ այս համատեքստում էապես բարձրացել է դատախազության անկախության կարգավիճակը և հստակեցվել են նրա գործառույթները։

Նրա խոսքերով, դատախազության բարեփոխումների երրորդ փուլի հիմքը դրվել է ՀՀ Սահմանադրության 2005թ.-ի փոփոխություններով, որի սկզբունքներին համապատասխան, ընդունվել և 2007թ. մայիսի 1-ից գործողության մեջ է մտել «Դատախազության մասին» ՀՀ նոր օրենքը։

«Օրենքով նախատեսված անցումային փուլը ավարտվել է  2007թ. դեկտեմբերի 1-ին, և դրան համապատասխան՝ հաստատվել է դատախազության նոր կառուցվածքը, ձևավորվել են ներ վարչություններ՝ նեղ մասնագիտացումներով»,- ընդգծեց Հովսեփյանն՝ ավելացնելով, որ հաշվի առնելով դատախազության նախորդ տարիների գործունեության պրակտիկան, վարչությունները ձևավորվել են ըստ հանցատեսակների՝ դրանց բացահայտման և քննության նկատմամբ դատախազական հսկողության որակն առավել բարձրացնելու նպատակով։

Անդրադառնալով 2007թ. մայիսին տեղի ունեցած խորհրդարանական ընտրությունների ժամանակ արձանագրված ընտրախախտումներին՝ գլխավոր դատախազը տեղեկացրեց, որ դրանք ամենայն մանրամասնությամբ ուսումնասիրվել են, նյութեր են նախապատրաստվել և քննություն է իրականացվել արձանագրված բոլոր ահազանգերի կապակցությամբ։

Նրա խոսքերով, դրա արդյունքում դատարան է ուղարկվել 8 քրեական գործ՝ 17 անձի նկատմամբ։ 4 գործով հանցավոր են ճանաչվել տեղամասային ընտրական հանձնաժողովի 12 անդամ, որոնցից 11-ը՝ քվեարկության արդյունքները կեղծելու, 1-ը՝ տեղամասային ընտրական հանձնաժողովի աշխատանքին խոչընդոտելու համար։

Նա ավելացրեց, որ 2 քրեական գործով 3 անձ դատապարտվել է՝ ընտրողի կամքի ազատ իրականացմանը խոչընդոտելու համար։

Դատախազի խոսքերով, կուտակված փորձը կօգնի առաջիկա նախագահական ընտրություններում ընտրախախտումները կանխարգելելուն, իսկ արձանագրվելու դեպքում՝ դրանց համարժեք քրեաիրավական գնահատական տալու հարցում։

Գլխավոր դատախազը նաև տեղեկացրեց, որ ձևավորված դատական պրակտիկայի ուսումնասիրության արդյունքում մշակվել և խորհրդարանի կողմից ընդունվել է ընտրախախտումների համար ՀՀ քրեական օրենսգրքով նախատեսված պատժաչափերը խստացնող օրինագիծը։

Իր հերթին ԵԽԽՎ համազեկուցողը, նշելով ընտրախախտումներին քրեաիրավական գնահատական տալու կարևորությունը, հույս է հայտնել, որ առաջիկա նախագահական ընտրություններում դատախազությունը հետևողականություն կցուցաբերի ընտրախախտումների դեմ պայքարելու հարցում։ --0—

Loading...
Թեմատիկ նյութեր
Բաժնի այլ նյութեր
14:20
26 Սեպտեմբերի 2017
Մեծ Բրիտանիայի եվրահարցերով պետնախարարը կժամանի Երևան
Մեծ Բրիտանիայի` Ամերիկայի և Եվրոպական հարցերով պետնախարար Ալան Դունկանը սեպտեմբերի 26–28–ին ՀՀ ԱԳՆ ղեկավար Էդվարդ Նալբանդյանի հրավերով կժամանի Երևան։
11:21
26 Սեպտեմբերի 2017
Իրաքյան Քուրդիստանում քաղաքացիների 93%-ն «այո» է ասել անկախացմանը
Նախօրեին անկախության հարցով հանրաքվե է անցկացվել Իրաքյան Քուրդիստանում։
17:06
23 Սեպտեմբերի 2017
Հայաստանի և Ադրբեջանի ԱԳՆ ղեկավարները կհանդիպեն Նյու Յորքում
Հայաստանի և Ադրբեջանի ԱԳ նախարարներ Էդվարդ Նալբանդյանը և Էլմար Մամեդյարովի հանդիպումը կկայանա  Նյու Յորքում:
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան: