478.57
+0.37
561.79
+1.96
8.05
+0.02
+19
Եղանակը Երևանում
Հայ
Իրանի հետ հարաբերությունները կարևոր են Հայաստանի կենսագործունեության և անվտանգության համար. ՀՀ արտգործնախարար
14:58
04 Դեկտեմբերի 2007

ԵՐԵՎԱՆ, 4 դեկտեմբերի./Նովոստի-Արմենիա/. Իրանի հետ հարաբերությունները կարևոր են Հայաստանի կենսագործունեության և անվտանգության համար։ Այս մասին ռուսական «Կոմերասանտ» թերթին տված հարցազրույցում հայտարարել է ՀՀ արտգործնախարարՎարդան Օսկանյանը։

Ինչպես ընդգծել է նախարարը, Հայաստանի արտաքին քաղաքականությունը հիմնված է մեր գործընկերների շահերի հետ համընկման կետեր որոնելու սկզբունքի վրա՝ միաժամանակ հասկանալով թե նրանց շահերը և թե անհանգստությունը։

«Իրանի հետ մեր հարաբերությունները գտնվում են բարձր մակարդակի վրա։ Այլ կերպ չէր էլ կարող լինել. նախ և առաջ՝ մենք հարևաններ ենք։ Մենք ունենք խորը պատմական կապեր, իսկ այսօր՝ նաև ընդհանուր տնտեսական շահեր։ Այս հարաբերությունները կարևոր են Հայաստանի կենսագործունեության և անվտանգության համար»,- ասել է Օսկանյանը։  

Նա նկատել է, որ վերջին տարիներին մեր երկրների միջև իրականացվել են ռազմավարական բնույթի մի շարք տնտեսական նախագծեր, որոնց թվում նախարարը հատկապես նշել է Իրան-Հայաստան գազատարի կառուցումը։

«Այդ իսկ պատճառով ես կարծում եմ, որ ոչ մի երկիր չի կարող որևէ անհանգստություն ունենալ հայ-իրանական հարաբերությունների մակարդակի վերաբերյալ, քանի որ դրանք թափանցիկ են, բաց, զարգանում են միջազգային պարտավորությունների շրջանակներում և, ինչու ոչ, հաշվի ենք առնում նաև մեզ համար այնպիսի կարևոր երկրների շահերը, ինչպիսիք են Ռուսաստանը, ԱՄՆ-ը, ինչպես նաև ԵՄ-ը»,- ասել է Օսկանյանը։

Դրա հետ մեկտեղ, նախարարն ավելացրել է, որ չնայած դրան, Իրանի միջուկային ծրագրի շուրջ ստեղծված դրությունը բարդ է և լարված, սակայն դա, նրա կարծիքով, բավարար չէ Հայաստանի արտաքին քաղաքականության մեջ փոփոխություններ կատարելու համար։

Հայաստանի և Իրանի միջև իրագործման փուլում են գտնվում մի շարք խոշոր էներգետիկական նախագծեր, որոնց թվում՝ սահմանամերձ Արաքս գետի ափին երկու ՀԷԿ-երի կառուցումը, Հայաստան-Իրան երրորդ բարձրավոլտ ԷՀԼ-ի կառուցումը՝ երկու էներգահամակարգերի գերբեռնվածությունը հարթելու նպատակով։

Իրան-Հայաստան գազատարի կառուցումը խոշորագույն նախագիծն է, որի ընդհանուր արժեքը կազմում է 250 միլիոն դոլար։ Շինարարությունը նախատեսվում է ավարտել մինչև 2008թ. վերջը, ինչը թույլ կտա մեծացնել Հայաստանի գազատրանսպորտային համակարգի թողունակության ծավալը և ապահովել իրանական գազի փոխադրումը մինչև Հայաստանի ջերմաէլեկտրակայաններ։ --0—

Loading...
Թեմատիկ նյութեր
Բաժնի այլ նյութեր
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ: