484.75
-0.5
571.76
+2.32
8.19
+0.01
-2
Եղանակը Երևանում
Հայ
Հայաստանի նախագահը ճիշտ է համարում երկրում ընթացող դատաիրավական բարեփոխումների գաղափարախոսությունը
11:14
30 Նոյեմբերի 2007

ՀՀ նախագահ Ռոբերտ Քոչարյանը ճիշտ է համարում երկրում անցկացվող դատաիրավական բարեփոխումների գաղափարախոսությունը։

Այս մասին ՀՀ նախագահը հայտարարել է հինգշաբթի՝ նոր դատական համակարգի ձևավորման կապակցությամբ նոր նշանակված դատավորների և գործող դատարանների նախագահների հետ տեղի ունեցած հանդիպման ժամանակ:

 Ինչպես «Նովոստի-Արմենիա» գործակալությանը տեղեկացրեցին ՀՀ նախագահի մամուլի ծառայությունից, Քոչարյանը ընդգծել է, որ նմանատիպ հանդիպման անհրաժեշտությունը կայանում է նրանում, որ երկիրը մոտեցել է դատաիրավական բարեփոխումների կազմակերպական հատվածի վերջին փուլին։

«Բարեփոխումների ծավալը  մեծ է և չափազանց կարևոր է, որ դատավորները ճիշտ ընկալեն դրանց իմաստը և դառնան բարեփոխումների գաղափարախոսության կրողը: Ըստ էության, այսօր մենք արդեն Սահմանադրությամբ և համապատասխան օրենսդրությամբ ունենք լիարժեք անկախ դատական համակարգ, և ձեր աշխատանքով պիտի գործնականում ևս  ամրագրեք դա», - ասել է ՀՀ նախագահը։

Նրա խոսքերով, վերջին երկու տարում դատաիրավական բնագավառում մեծ ծավալի աշխատանք է տարվել: «Ասել, որ ամեն ինչ անթերի է` ճիշտ չի լինի:Բնական է, որ առաջիկա մեկ-երկու տարում որոշ թերություններ ի հայտ կգան և կշտկվեն, սակայն համոզված եմ, որ բարեփոխումների գաղափարախոսությունը ճիշտ է և մեր աշխատանքից, դատավորների արհեստավարժությունից և ազնվությունից  է կախված` կվարկաբեկվի՞ այդ գաղափարախոսությունը, թե՞ հակառակը», - ասել է Ռ. Քոչարյանը:

Նա նշել է, որ ըստ էության 2005 թ.-ին արված Սահմանադրության փոփոխությունները հնարավորություն ընձեռեցին դատական համակարգի անկախությանն ուղղված դատաիրավական բարեփոխումների երկրորդ փուլի իրականացման  համար, ինչը կարևոր է նաև ժողովրդավարության ամրապնդման առումով։

 «Առանց լիարժեք գործող անկախ դատական համակարգի ժողովրդավարություն լինել չի կարող», - նշել է նախագահը՝ ավելացնելով, որ «որքան էլ տարօրինակ է, սակայն սահմանադրական փոփոխությունները բոյկոտում էին նրանք, ովքեր ամենից շատ էին խոսում ժողովրդավարության զարգացման մասին»։

Քոչարյանը նշել է, որ բարեփոխումների կիրառման ընթացքը ցույց կտա, թե երբ և ինչ քայլերով կշարունակվեն դրանք և հաջող ընթացքի դեպքում հաջորդը կբարեփոխվի ոստիկանությունը, ապա և այլ կառույցները:

Նախագահը ընդգծել է, որ բարեփոխումների ներդրումը մեծ ուշադրության տակ է առնվելու և նշել, որ գործընթացի բնականոն հուն ապահովելու համար նաև Վճռաբեկ դատարանի նախագահը պետք է արագ արձագանքի ընթացքում ծագող խնդիրներին:

Քոչարյանը շնորհավորել է նոր նշանակված դատավորներին և ընդգծել, որ մեծ ակնկալիքներ ունի, որ նրանք բարեխիղճ, ազնիվ և արհեստավարժ աշխատանքով կամրապնդեն կատարված բարեփոխումները` խրախուսելով դրանց շարունակականությունը: -0-

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։