483.58
+0.74
513.85
-7.76
7.67
+0.05
+4
Եղանակը Երևանում
Հայ
Լեռնային Ղարաբաղի Հանրապետության նախագահի խորհրդականը կառաջադրի իր թեկնածությունը Հայաստանի նախագահի պաշտոնում
15:16
28 Նոյեմբերի 2007

ԵՐԵՎԱՆ, 28 նոյեմբերի. /Նովոստի-Արմենիա/. Լեռնային Ղարաբաղի Հանրապետության նախագահի խորհրդական Արման Մելիքյանը կառաջադրի իր թեկնածությունը Հայաստանի նախագահի պաշտոնում։

Այս մասին չորեքշաբթի Երևանում Մելիքյանը հայտարարեց լրագրողներին։ Նա տեղեկացրեց, որ արդեն զբաղեցրած պաշտոնից հրաժարականի դիմում է ներկայացրել և տեղեկացրել է իր թեկնածության առաջադրման մասին։ «Անընդունելի եմ համարում Լևոն Տեր-Պետրոսյանի և Հայաստանի հանրապետական կուսակցության քաղաքական դիրքորոշումները», - ասաց նա լրագրողներին։ Մելիքյանը հայտարարեց, որ նա ունի նոր առաջարկություններ ղարաբաղյան հակամարտության կարգավորման, կոռուպցիայի դեմ պայքարի և պետական ղեկավարման համակարգի վերաբերյալ։

Նա ընգծեց, որ նախագահի թեկնածուների ընտրած ռազմավարությունը կարող է առաջացնել քաղաքացիական անհամաձայնություն և հակամարտություն։

«Ես փորձում եմ նվազեցնել այդ վտանգը»,-ասաց ապագա թեկնածուն, հավելելով, որ երկու հիմնական քաղաքական բևեռները՝ նախկին իշխանությունները և Հայաստանի հանրապետական կուսակցությունը ժողովրդին կանգնեցնում են լուրջ ընտրության առջև։

«Լևոն Տեր-Պետրոսյանի թևն առաջարկում է հեռացնել կոռումպացված իշխանություներին, բայց պահպանում է ղարաբաղյան հարցի վերաբերյալ 1997-ին ունեցած դիրքորոշումները և պատրաստ է վերադարձնել ԼՂՀ տարածքները։

Հայաստանի հանրապետական կուսակցությունը մերժում է իշխանությունների կոռումպացվածությունը և երաշխիքներ չի տալիս, որ այդ տարածքները վերադարձվելու են։ Որ կողմն էլ գրավի ժողովուրդը, երկիրը բարդությունների առջև կկանգնի։ Դա վատ ընտրություն է և մենք պետք է խուսափենք դրանից»,-նկատեց Մելիքյանը։

Նրա գնահատականներով, ղարաբաղյան հակամարտության կարգավորման ծանրության կենտրոնը տեղափոխվել է Հայաստան, և Ղարաբաղի ճակատագիրը կախված է այն բանից, թե ինչպես Հայաստանում կանցկացվեն ընտրությունները և ով կդառնա նոր նախագահ։ 

Ըստ Մելիքյանի, ԼՂՀ-ն պետք է բանակցությունների կողմ դառնա ղարաբաղյան հարցի կարգավորման գործում։ «Տարածքների վերադարձման մասին խոսք անգամ չի կարող լինել, քանի որ դրանք պետք է բնակեցվեն Ադրբեջանից գաղթած հայ փախստականներով»,-հայտարարեց նա։

Արման Մելիքյանը ծնվել է 1963 թ.-ի մարտի 11-ին՝ Երևանում։ Ավարտել է Երևանի պետական համալսարանի արևալագիտության ֆակուլտետի պարսկերենի բաժինը։ 1991-1993 թթ.-ին զբաղեցրել է Հայաստանի Գերագույն խորհրդի արտաքին հարաբերությունների հանձնաժողովի գլխավոր փորձագետի պաշտոնը։ 1993 թ.-ից գլխավորել է Ղազախստանում Հայաստանի դիվանագիտական առաքելությունը։

 1999 թ.-ին Մելիքյանը զբաղեցրել է Հայաստանի ԱԳ նախարարության հատուկ հանձնարարությունների դեսպանի պաշտոնը, իսկ 2004-2005 թթ.-ին զբաղեցրել է ԼՂՀ ԱԳ նախարարի պաշտոնը։ 2006 թ.-ից Մելիքյանը զբաղեցնում է ԼՂՀ նախագահի արտաքին քաղաքականության հարցերով խորհրդականի պաշտոնը։ Ունի արտակարգ և լիազոր դեսպանի դասային աստիճան։

Հայաստանում նախագահական ընտրությունները տեղի կունենան 2008-ի փետրվարի 19-ին։ Նախագահի պաշտոնի համար պայքարելու իրենց մտադրության մասին հայտարարել են, մասնավորապես, ՀՀ վարչապետ, ՀՀԿ կուսակցության առաջնորդ Սերժ Սարգսյանը, «Օրինաց Երկիր» կուսակցության առաջնորդ Արթուր Բաղդասարյանը, ԱԺՄ առաջնորդ, նախկին վարչապետ Վազգեն Մանուկյանը, «Նոր ժամանակներ» կուսակցության առաջնորդ Արամ Կարապետյանը, Հայաստանի Մարքսիստական կուսակցության առաջնորդ Դավիթ Հակոբյանը, Ժողովրդական  կուսակցության առաջնորդ Տիգրան Կարապետյանը։ Իշխող կոալիցիայի անդամ ՀՅԴ-ն  նախագահական ընտրություններում՝ որպես երկու հավանական թեկնածու, առաջադրել է ԱԺ փոխխոսնակ Վահան Հովհաննիսյանին և Հայաստանում ՀՅԴ ԳՄ ներկայացուցիչ, ԱԺ արտաքին հարաբերությունների մշտական հանձնաժողովի նախագահ Արմեն Ռուստամյանին։

ՀՀ նախագահի հիմնական ընդդիմադիր թեկնածուն առաջին նախագահ Լևոն Տեր-Պետրոսյանն է։-0-

Loading...
Թեմատիկ նյութեր
Բաժնի այլ նյութեր
20:43
09 Դեկտեմբերի 2016
Հայաստանի և Ադրբեջանի ղեկավարների հանդիպման հնարավորությունը չի բացառվում. Նալբանդյան
Հայաստանի և Ադրբեջանի նախագահների Սերժ Սարգսյանի և Իլհամ Ալիևի հանդիպումը չի բացառվում:
16:43
09 Դեկտեմբերի 2016
Նախագահ Սարգսյանը կգլխավորի ՀՀԿ նախընտրական ցուցակը
ՀՀ նախագահ, Հայաստանի իշխող կուսակցության նախագահ Սերժ Սարգսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
16:32
09 Դեկտեմբերի 2016
Հայաստանի առաջին նախագահը կգլխավորի ՀԱԿ–ի ցուցակը 2017թ.–ի ընտրություններում. խմբակցության ղեկավար
Հայ ազգային կոնգրես կուսակցության նախագահ, ՀՀ առաջին նախագահ Լևոն Տեր-Պետրոսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
12:39
09 Դեկտեմբերի 2016
ՀՀԿ-ում բոլորը «փշերի» վրա են
Այսօր մամուլն արդեն գրում է, թե ովքեր են լինելու ՀՀԿ ցուցակում, և ովքեր են դուրս մնալու:
11:22
08 Դեկտեմբերի 2016
Գագիկ Ծառուկյանը մերժել է Սերժ Սարգսյանի առաջարկը
Սերժ Սարգսյան-Գագիկ Ծառուկյան հանդիպման ժամանակ Սերժ Սարգսյանը Գագիկ Ծառուկյանի հետ քննարկել է նախընտրական և հետընտրական զարգացումների հնարավոր բոլոր սցենարները:
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը: