478.82
+0.2
557.59
+7.08
8.14
+0.04
+22
Եղանակը Երևանում
Հայ
ԱՄՆ-ին անհրաժեշտ է ճանաչել Հայոց Ցեղասպանությունը` որպես քաղաքական ակտ. հայ քաղաքագետ
11:47
27 Նոյեմբերի 2007

Հայոց Ցեղասպանությունը, որպես այդպիսին, ԱՄՆ-ում ճանաչված է, բացակայում է միայն նրա ընդունումը՝ որպես քաղաքական ակտ։ Այս մասին երկուշաբթի հայտարարել է ԶԼՄ-ների Կովկասյան ինստիտուտի տնօրեն Ալեքսանդր Իսկանդարյանը՝  Երևան-Մոսկվա «Նոր «արևելյան հարց». Անկարան և Երևանը ԱՄՆ-ի ճնշման տա՞կ» հեռուստակամուրջի ժամանակ, որը կազմակերպել են «ՌԻԱ Նովոստի» և «Նովոստի-Արմենիա» գործակալությունները։

«Գործադիր իշխանության այն ներկայացուցիչները, որոնք հակազդում էին ԱՄՆ-ի Կոնգրեսում բանաձևի ընդունմանը, չէին ասում, թե Հայոց Ցեղասպանություն տեղի չի ունեցել, այլ նշում էին, որ այժմ դրա ժամանակը չէ, որ դա քաղաքականապես ճիշտ որոշում չէ, որ չի կարելի նեղացնել Թուրքիային՝ ԱՄՆ-ի կարևոր դաշնակցին, նրանք դիտարկում էին քաղաքական որոշ գործոններ, որոնք պայմանավորում էին նման զարգացման անհնարինությունը։ Սակայն ոչ ոք Ամերիկայում չէր ասում, որ պետք չէ  ընդունել Հայոց Ցեղասպանությունը, որովհետեև այն չի եղել», - ասել է նա։

Իսկանդարյանը կարծում է, որ քաղաքական նմանօրինակ ակտը քաղաքական լուրջ գործողություն է, որը քաղաքական հետևանքներ կունենա տարածաշրջանում, որտեղ  գտնվում է իրաքյան Քրդստանը, Իրաքը, Իրանը, Թուրքիան, Իսրայելը, և տեղի են ունենանում չափազանց կարևոր իրադարձություններ։

«Քաղաքական այդ ակտը չի կարող ընդունվել առանց քաղաքական որոշման հաստատման, ինչի համար անհրաժեշտ է լուրջ պայքար ԱՄՆ-ի ներսում, որի համար հիմք են ծառայում բարոյական և արտաժամանակային  գործոնները, իսկ դրանք, իմ կարծիքով, անբավարար են», - պնդում է նա։

Այս առնչությամբ քաղաքագետը նշել է, որ քաղաքական նման ակտի ընդունման համար անհրաժեշտ են քաղաքական լուրջ հիմքեր։

«Քաղաքական  նմանօրինակ հիմք կարող է լինել Թուրքիայի՝ Եվրոմիությանը հարմարվելու հակազդումը, ինչը գոյություն ունի Եվրոպական որոշ շրջանակներում, մասնավորապես, Ֆրանսիայում», - ասել է նա՝ ընդգծելով, որ Ամերիկայում քաղաքական նման գործոններ դեռևս գոյություն չունեն։

Իսկանդարյանի կարծիքով, Հայոց Ցեղասպանության բանաձևը ճանաչման հեռանկար ունի միայն այն դեպքում, եթե փոխվի Թուրքիայի շուրջ քաղաքական իրավիճակը։

«Եթե նման զարգացում տեղի չունենա, ապա ես կարծում եմ, որ իրավիճակը կմնա գրեթե նույնը, ինչ եղել է ավելի քան 30 տարի առաջ՝ նման բանաձևի ընդունման առաջին փորձերի ժամանակներում», - նշել է նա։

ԱՄՆ Կոնգրեսի Ներկայացուցիչների պալատի խոսնակ, դեմոկրատ Նենսի Փելոսին 2007թ. հոկտեմբերի 18-ին կասկած էր հայտնել 106-րդ բանաձևի քվեարկության դրական ելքի կապակցությամբ այն պատճառով, որ պալատի մոտ 20 անդամներ հրաժարվել են աջակցել բանաձևը, քանի որ այն կարող է վնասել ամերիկա-թուրքական հարաբերություններին։

ԱՄՆ  Կոնգրեսի  Ներկայացուցիչների պալատի արտաքին հարաբերությունների  հանձնաժողովն, անտեսելով ԱՄՆ նախագահ Ջորջ Բուշի առարկությունները, հոկտեմբերի 10-ի նիստում 27 կողմ և 21 դեմ ձայներով ընդունեց 106-րդ բանաձևը՝ կոչ անելով ԱՄՆ արտաքին քաղաքականության մեջ արտացոլել թուրքերի կողմից Օսմանյան կայսրությունում Հայոց Ցեղասպանության փաստը։

Հայերի ցեղասպանության մասին 106-րդ բանաձևը ԱՄՆ Ներկայացուցիչների պալատ էր ներկայացվել 2007թ. հունվարի 30-ին։ Այդ բանաձևը կոչվում է «Պալատի բանաձև» (House resolution) և դրա ընդունման համար պարտադիր չէ Սենատի հավանությունն ու նախագահի ստորագրությունը։

Հայոց Ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին մոտ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Հայոց Ցեղասպանության հարցի առնչությամբ Արևմուտքի կողմից արվող քննադատություններին։

Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, ԱՄՆ-ի մեծ թվով նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Շվեյցարիայի ազգային խորհուրդը, Կանադայի խորհրդարանի համայնքների պալատը և Լեհաստանի սեյմը։--0—

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: