487.29
-0.01
568.08
+2.76
8.23
+0.01
+13
Եղանակը Երևանում
Հայ
Այժմ Հայոց ցեղասպանության մասին 106-րդ բանաձևը կարող էր անցնել ԱՄՆ Կոնգրեսում, կարծում է ռուս փորձագետը
18:20
26 Նոյեմբերի 2007

ԵՐԵՎԱՆ, 26 նոյեմբերի./Նովոստի-Արմենիա/. Այժմ Հայոց ցեղասպանության մասին 106-րդ բանաձևը կարող էր անցնել ԱՄՆ Կոնգրեսում։ Երկուշաբթի հայտարարեց Ռազմավարական գնահատականների ինստիտուտի նախագահ Ալեքսանդր Կոնովալովը՝ Երևան-Մոսկվա «Նոր «արևելյան հարց». Անկարան և Երևանը ԱՄՆ-ի ճնշման տա՞կ» հեռուստակամուրջի ժամանակ, որը կազմակերպել են «ՌԻԱ Նովոստի» և «Նովոստի-Արմենիա»  գործակալությունները։

Նրա խոսքերով, Հայոց ցեղասպանության մասին բանաձևերի ճանաչման փորձեր ԱՄՆ-ում շատ անգամներ են ձեռնարկվել, սակայն գործը ԱՄՆ Կոնգրեսի ներկայացուցիչների պալատի արտաքին հարաբերությունների հանձնաժողովից այն կողմ չի անցել։

«Այժմ այս բանաձևը երաշխավորված է Ներկայացուցիչների պալատի ընդունմանը, և եզակի իրավիճակ է ստեղծվել, երբ այն կարող էր անցնել, քանի որ կոնգրեսականների մեծ մասը դեմոկրատներ են և Պալատի խոսնակ Նենսի Փելոսին պատրաստ էր այն քվեարկության դնել»,- ասաց Կոնովալովը՝ ավելացնելով, որ դա տեղի չունեցավ, քանի որ գործադիր իշխանությունը լայնածավալ հարձակում սկսեց Կոնգրեսի վրա։

Նրա կարծիքով, ԱՄՆ-ին ձեռնտու չէ հարաբերությունները վատացնել Թուրքիայի հետ, որը չափազանց կարևոր է Միացյալ Նահանգների համար։ «Ինջերլիկ թուրքական բազային է բաժին ընկնում Իրաք մատակարարվող ռազմամիջոցների 70 տոկոսը և վառելանյութի 30 տոկոսը, և այժմ բացառիկ հնարավորություն է ստեղծվել՝ ԱՄՆ-ի վրա ճնշում գործադրելու համար, այն էլ՝ շատ արդյունավետ կերպով, ինչն էլ հաջողությամբ իրագործում է Թուրքիան»,- նշեց Կոնովալովը։

ՌԳԻ նախագահը նշեց, որ ամերիկյան դիրքորոշումը բավականին պրագմատիկ է։ ԱՄՆ-ի գործադիր իշխանությանը, ինչպես կարծում է Կոնովալովը, այնքան էլ չի հետաքրքրում, թե ինչ է տեղի ունեցել 1915թ. Օսմանյան կայսրությունում։ Նրան ավելի շատ հետաքրքրում է իր առջև ծառացած կոնկրետ հարցերի լուծումը և այն խոչընդոտների հաղթահարումը, որոնք կարող են առաջանալ, եթե նրանք սկսեն ընդունել բանաձևը՝ դրանով վերջ տալով իրենց հիմնական դաշնակիցներից մեկի հետ հարաբերություններին։

Կոնովալովը կարծում է, որ ԱՄՆ-ի ազգային շահը բարդ է։ «Ամերիկան հայտնվել է թակարդի մեջ, և ԱՄՆ գործադիր իշխանության համար գլխավորը՝ այդ թակարդից արժանապատվորեն դուրս գալն է, այլ ոչ թե բանաձևի ընդունումը կամ էլ ժողովրդավարական արժեքներին համապատասխանելը»,- վստահեցնում է ՌԳԻ նախագահը։

Նրա խոսքերով, «նույնիսկ երբ Կոնգրեսը քայլեր է նախաձեռնում Հայոց ցեղասպանության հարցում, ապա նա այդ անում է ոչ թե հայերի հանդեպ ունեցած սիրուց, անգամ՝ ոչ էլ ժողովրդավարական արժեքների հանդեպ ունեցած սիրուց, այլ այն բանի համար, որ դա պետք է՝ ԱՄն-ի յուրաքանչյուր սփյուռքի ձայնը ստանալու համար»։

«Այս քայլն արվել է, որպեսզի հայկական սփյուռքին ցույց տան, թե Կոնգրեսը հիշում է, գիտի, սիրում է և ցանկանում է այդ հարցով զբաղվել, սակայն ներկա պահին գործադիր իշխանությունը համառորեն խորհուրդ է տալիս դա չանել»,- ավելացրեց Կոնովալովը։

ԱՄՆ Կոնգրեսի Ներկայացուցիչների պալատի խոսնակ, դեմոկրատ Նենսի Փելոսին 2007թ. հոկտեմբերի 18-ին կասկած էր հայտնել 106-րդ բանաձևի քվեարկության դրական ելքի կապակցությամբ այն պատճառով, որ պալատի մոտ 20 անդամներ հրաժարվել են աջակցել բանաձևը, քանի որ այն կարող է վնասել ամերիկա-թուրքական հարաբերություններին։

ԱՄՆ  Կոնգրեսի  Ներկայացուցիչների պալատի արտաքին հարաբերությունների  հանձնաժողովն, անտեսելով ԱՄՆ նախագահ Ջորջ Բուշի առարկությունները, հոկտեմբերի 10-ի նիստում 27 կողմ և 21 դեմ ձայներով ընդունեց 106-րդ բանաձևը՝ կոչ անելով ԱՄՆ արտաքին քաղաքականության մեջ արտացոլել թուրքերի կողմից Օսմանյան կայսրությունում Հայոց Ցեղասպանության փաստը։

Հայերի ցեղասպանության մասին 106-րդ բանաձևը ԱՄՆ Ներկայացուցիչների պալատ էր ներկայացվել 2007թ. հունվարի 30-ին։ Այդ բանաձևը կոչվում է «Պալատի բանաձև» (House resolution) և դրա ընդունման համար պարտադիր չէ Սենատի հավանությունն ու նախագահի ստորագրությունը։

Հայոց Ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին մոտ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Հայոց Ցեղասպանության հարցի առնչությամբ Արևմուտքի կողմից արվող քննադատություններին։

Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, ԱՄՆ-ի մեծ թվով նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Շվեյցարիայի ազգային խորհուրդը, Կանադայի խորհրդարանի համայնքների պալատը և Լեհաստանի սեյմը։--0—

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։