487.57
+0.28
567.63
-0.45
8.2
-0.03
+6
Եղանակը Երևանում
Հայ
Ստորագրվել է համաձայնագիր Հայաստանի ֆոնդային բորսայի և կենտրոնական դեպոզիտարիայի բաժնետոմսերի 100% բաժնետոմսերը OMX-ին փոխանցվելու վերաբերյալ
16:53
21 Նոյեմբերի 2007

ԵՐԵՎԱՆ, 21 նոյեմբերի./Նովոստի-Արմենիա/.Հայաստանի Հանրապետության կառավարությունը և բորսաների ինդուստրիայի առաջատար OMX (ՕԷմԷքս) ընկերությունը չորեքշաբթի ստորագրել են բաժնետոմսերի առուվաճառքի համաձայնագիր՝ կապված Հայաստանի ֆոնդային բորսայի և կենտրոնական դեպոզիտարիայի ձեռք բերման հետ: ՀՀ կառավարության անունից փաստաթուղթը ստորագրել է ՀՀ վարչապետ Սերժ Սարգսյանը, OMX (ՕԷմԷքս) ընկերության կողմից` OMX-ի գործադիր տնօրեն Մագնուս Բյոքերը:

Ինչպես «Նովոստի-Արմենիային» տեղեկացրեցին ՀՀ կառավարության  տեղեկատվության և հասարակայնության հետ կապերի վարչությունից՝ բորսայի և դեպոզիտարիայի բաժնետոմսերը կփոխանցվեն OMX-ին 2008թ. հունվարի 3-ին։

Մեկնաբանելով համաձայնագրի ստորագրման նշանակությունը՝ վարչապետը նշել է, որ Հայաստանի համար սա լոկ բիզնես չէ, այլ` Հայաստան  է մուտք  գործում փորձ, ավանդույթներ, բարի համբավ ունեցող մի ընկերության, որը կօգնի մեր  երկրին կապիտալի շուկան բարելավելու:

Բացի բաժնետոմսերի առուվաճառքի համաձայնագրից, ՀՀ կառավարությունը և OMX-ը ստորագրել են Համագործակցության մասին համաձայնագիր, որը նախանշում է Հայաստանի կապիտալի շուկայի երկարաժամկետ զարգացմանն ուղղված համատեղ ջանքերը:

«Հայաստանի կառավարությունը կապիտալի շուկայի զարգացումը համարում է տնտեսության հետագա զարգացման համար հաջողության կարևոր գործոն, և մենք իրապես պատրաստակամ ենք աշխատել OMX-ի հետ մեր համատեղ հավակնոտ նպատակներին հասնելու համար»,- նշել է վարչապետը:

Հայաստանի վարչապետը համոզմունք է հայտնել, որ «մենք ձեռք ենք բերում շատ լավ գործընկեր, մյուս կողմից էլ, համոզված եմ, դուք ևս ձեռք եք բերում վստահելի գործընկեր ու լավ հեռանկար ունեցող շուկա»:

Իր հերթին կենտրոնական բանկի նախագահ Տիգրան Սարգսյանը նշել է, որ այս համաձայնագրերը OMX-ի և Հայաստանի կենտրոնական բանկի միջև մեկ տարվա սերտ համագործակցության արդյունքն են:

«OMX-ի մուտքը հայաստանյան շուկա կխրախուսի երկրի արժեթղթերի շուկայի զարգացումը և ավելի մեծ հնարավորություններ կընձեռնի հայկական ձեռնարկություններին՝ ներքին և արտաքին ներդրողներից միջոցներ ներգրավելու համար»,- նշել է  Տիգրան Սարգսյանը:

OMX-ի գործադիր տնօրեն Մագնուս Բյոքերը պատիվ է համարել, որ իրենց  հնարավորություն է ընձեռնվել աջակցել Հայաստանում կապիտալի շուկայի զարգացմանը: «Հայաստանի արագ տնտեսական աճը, ինչպես նաև OMX-ի և Հայաստանի կառավարության ու Կենտրոնական բանկի սերտ համագործակցությունը, մեզ տալիս են Հայաստանյան շուկայի երկարաժամկետ աճի ներուժի նկատմամբ վստահություն»,- հայտարարել է OMX-ի գործադիր տնօրենը:

Արարողության ավարտին ՀՀ վարչապետը OMX-ի գործադիր տնօրենին և ստորագրմանը ներկա ընկերության ներկայացուցիչներին հրավիրել է Հայաստան, ինչը սիրով ընդունվել է:

Փաստաթուղթը ստորագրվել է օգտագործելով ինտերնետային տեխնոլոգիաները` Երեւան-Ստոկհոլմ հեռուստակամրջի միջոցով: Արարողությանը մասնակցել են ՀՀ ֆինանսների և էկոնոմիկայի, առեւտրի և տնտեսական զարգացման նախարարները եւ ՀՀ կենտրոնական բանկի նախագահը:

Ձեռքբերումն իրականացվել է համաձայն կողմերի միջև 2007թ. ապրիլի 28-ին ստորագրված Մտադրությունների մասին նամակում նշված ծրագրի:

Սկանդինավյան բորսաների  օպերատոր OMX-ը միավորում է հյուսիսեվրոպական  մայրաքաղաքների բորսաները, կառավարելով նաև Լիտվիայի և  Լատվիայի բորսաները։

Հայաստանի ֆոնդային բորսան հիմնադրվել է 2001 թվականին որպես ինքնակարգավորող մարմին՝ 21 բրոքերային ընկերությունների ասոցիացիայի հիման վրա։ Հայաստանի արժեթղթերի հանձնաժողովում գրանցվել է 2001 թվականի փետրվար 13-ին։ 2007 թվականի նոյեմբերի 9-ին բորսան վերակազմավորվել է որպես բաց բաժնետիրական ընկերություն։--0--

Loading...
Թեմատիկ նյութեր
Բաժնի այլ նյութեր
20:24
07 Նոյեմբերի 2017
ՀՀ նախագահ. Եվրոպայի խորհրդի հետ համագործակցությունը բխում է Հայաստանի շահերից
ՀՀ նախագահն ընդունել է ԵԽԽՎ մոնիտորինգային հանձնաժողովի Հայաստանի մասով համազեկուցողներին։
19:54
07 Նոյեմբերի 2017
ՀՀ ԱԳ նախարարը Բենիամին Նեթանյահուին է ներկայացրել ղարաբաղյան հիմնախնդիրը (ՎԻԴԵՈ)
Էդվարդ Նալբանդյանն ու Բենիամին Նեթանյահուն քննարկել են նաև հայ-իսրայելական երկկողմ օրակարգին վերաբերող հարցեր։
17:23
06 Նոյեմբերի 2017
Ֆրանսիան հայերի անկեղծ բարեկամն է. Մակրոն
Նա ընդգծել է նաև, որ Ֆրանսիան լիովին հանձնառու է Արցախի խնդրին բանակցությունների միջոցով մնայուն լուծում գտնելու հարցին:
18:09
04 Նոյեմբերի 2017
ՀՀ նախագահն այցելել է Թաջ Մահալ և հանդիպել Հնդկաստանի հայկական համայնքի հետ (ՖՈՏՈ)
Հնդկաստան աշխատանքային այցի շրջանակում ՀՀ նախագահ Սերժ Սարգսյանն այցելել է Հնդկաստանի տեսարժան վայրերից մեկը՝ Թաջ Մահալ:
14:33
01 Նոյեմբերի 2017
Հայաստանը ու Ռուսաստանը աշխատում են նոր 100 մլն դոլարի պաշտպանական վարկային համաձայնագրի իրականացման ուղղությամբ. ՀՀ նախագահ
Առաջիկայում Ռուսաստանը գործող պայմանագրի շրջանակում Երևան զենքի խմբաքանակ կմատակարարի։
18:05
31 Հոկտեմբերի 2017
Ադրբեջանի մասնակցությունը ԵԶԲ–ում չի նշանակում, որ այն կդառնա ԵՏՄ–ի անդամ
Ադրբեջանի հնարավոր մասնակցությունը Եվրասիական զարգազման բանկում այդ երկիրը Եվրասիական տնտեսական միրության անդամ չի դարձնում, ասաց ԵԶԲ վարչության նախագահ Դմիտրի Պանկինը:
11:43
26 Հոկտեմբերի 2017
Դմիտրի Մեդվեդևը ներկայացրել է հայաստանյան այցի տպավորությունները (ՖՈՏՈ)
ՌԴ վարչապետ Դմիտրի Մեդվեդևը ներկայացրել է հայաստանյան այցի տպավորությունները` Instagram–ում  հրապարակելով լուսանկարներ։
16:49
25 Հոկտեմբերի 2017
Հայտնի է Եվրասիական միջկառավարական խորհրդի հաջորդ նիստի անցկացման վայրը
ԵՏՄ անդամ երկրների կառավարության ղեկավարները չորեքշաբթի հավաքվել են Երևանում` մասնակցելու Եվրասիական միջկառավարական խորհրդի նիստին։
19:07
24 Հոկտեմբերի 2017
Ադրբեջանը պատասխան է տալու ամեն մի ռազմական կորստի համար. Սերժ Սարգսյան
«Կամ բանակցում ենք, կամ էլ՝ կրակում: Երկուսին էլ մենք պատրաստ ենք», – նշել է նա։
17:23
24 Հոկտեմբերի 2017
Հայաստան ժամանած ՌԴ վարչապետն ուղևորվել է Ծիծեռնակաբերդի հուշահամալիր
«Զվարթնոց» օդանավակայանում գործընկերոջը դիմավորել է վարչապետ Կարեն Կարապետյանը:
13:51
24 Հոկտեմբերի 2017
Հայաստան–ԵՄ գործընկերության համաձայնագիրը կստորագրվի. ԱԳՆ
Հայաստանը նախատեսում է ստորագրել ԵՄ–ի հետ շրջանակային փաստաթուղթը նոյեմբերին կայանալիք «Արևելյան գործընկերության» գագաթնաժողովում։
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։