484.68
+0.06
530.14
+2.1
8.5
-0.03
+12
Եղանակը Երևանում
Հայ
Հայաստանում աֆրիկյան ժանտախտի պատճառով ոչնչացվել է 10 հազար գլուխ խոզ
13:24
21 Նոյեմբերի 2007

ԵՐԵՎԱՆ, 21 նոյեմբերի. /Նովոստի-Արմենիա/. Հայաստանում աֆրիկյան ժանտախտի պատճառով հարկադիր ոչնչացվել է շուրջ 10 հազար գլուխ խոզ՝  400 տոննա կենդանի քաշով: Այս մասին հայտարարեց գյուղատնտեսության նախարար Դավիթ Լոքյանը՝ Աֆրիկյան ժանտախտի  վերացման և տարածման կանխարգելման միջոցառումների ծրագիրը համակարգող  հանձնաժողովի հերթական նիստի ժամանակ։  

Ինչպես «Նովոստի-Արմենիա» գործակալությանը հայտնեցին ՀՀ տարածքային կառավարման նախարարության հասարակայնության հետ կապերի բաժնից, ըստ հաշվարկների, գյուղացիական տնտեսությունները կրել են 220 տոննայի վնաս:   

Նախարարի ներկայացմամբ, կատարված հակահամաճարակային միջոցառումների արդյունքում Տավուշից և Լոռուց վարակն այլ մարզեր չի  թափանցել. այս երկու մարզերում է առաջին անգամ հիվանդությունն արձանագրվել 2007 թ. օգոստոսին։ Լոռու մարզում գործում է 7 , Տավուշում՝ 4  կարանտինային ծառայություն: Եզակի դեպքեր են արձանագրվել Արարատի, Արմավիրի, Արագածոտնի և Կոտայքի   մարզերում:

Լոքյանի խոսքերով, ներկայումս մշակված է Համաշխարհային բանկի  ընթացակարգերից բխող կարգ, թե ինչպես են այլ երկրներում հարկադիր ոչնչացման պարագայում վերաբերել տնտեսվարող սուբյեկտներին: Կարգը կներկայացվի ՀՀ կառավարություն:

Նախարարը տեղեկացրեց, որ ՀՀ կառավարությունը շուրջ 36 մլն դրամ (113 հազ. դոլար) է տրամադրել սպանդի ենթարկված խոզերի թաղման և տարածքի ախտահանման համար։ Լոքյանը նաև տեղեկացրեց, որ  ՄԱԿ-ի Պարենի և գյուղատնտեսության համաշխարհային կազմակերպությունը (ՖԱՕ-ն)  նախատեսում է  500 հազար դոլարի չափով արագ արձագանքման ծրագիր իրականացնել Հայաստանում: Ծրագիրը կօժանդակի նաև խոզերի թաղման հետ կապված որոշ տեխնիկական խնդիրների: 

Իր հերթին փոխվարչապետ, տարածքային կառավարման նախարար Հովիկ Աբրահամյանը հետաքրքրվեց նաև Վրաստանի փորձով, թե ինչպես են նրանք պայքարում վարակի դեմ  և աջակցության ինչ ձևեր են կիրառում:

Հանձնաժողովը որոշեց  տուժած սեփականատերերին աջակցության  վերջնական ձևը վճռել հանձնաժողովի դեկտեմբերի նիստի ժամանակ  և համապատասխան  առաջարկություն ներկայացնել ՀՀ վարչապետին։ Հանձնաժողովի նախագահը հանձնարարեց  մինչև դեկտեմբերի 15-ը հանրապետությունում մանրամասն ուսումնասիրել աֆրիկյան ժանտախտի հետ կապված իրավիճակը։

Հայաստանում աֆրիկյան ժանտախտի առաջին դեպքն արձանագրվել էր օգոստոսի 7-ին՝ Տավուշի և Լոռու մարզերում, որտեղ հայտարարվել էր կարանտին և փողոցներում սահմանվել էին բիովերահսկման կետեր՝ ոստիկանության ներկայացուցիչների և անասնաբուժական տեսչության աշխատակիցների մասնակցությամբ։

Խոզերի աֆրիկյան ժանտախտը կամ Մոնթգոմերի հիվանդությունն առաջին անգամ գրանցվել է 1903թ. Հարավային Աֆրիկայում։

Բնական պայմաններում հիվանդության նկատմամբ առավել զգայուն են տնային և վայրի խոզերը, վարակը փոխանցվում է առողջ և հիվանդ խոզերի շփման ժամանակ, վարակը տարածվում է հիվանդ կենդանիների արտազատումներով աղտոտված  կերի, արոտավայրի, տրանսպորտային միջոցի միջոցով։ -0-

Loading...
Թեմատիկ նյութեր

Բաժնի այլ նյութեր
21:09
27 Ապրիլի 2017
Շարմազանով. տեսանելի ապագայում ՀՀԿ-ն ու ՀՅԴ-ն համագործակցության նոր փաստաթուղթ կստորագրեն
Տեսանելի ապագայում ՀՀԿ-ն ու ՀՅԴ-ն կստորագրեն համագործակցության նոր փաստաթուղթ:
14:04
26 Ապրիլի 2017
Մոսկվայում կկայանա Հայաստանի, ՌԴ-ի և Ադրբեջանի ԱԳ նախարարների հանդիպումը
Մոսկվայում կկայանա Ռուսաստանի, Հայաստանի և Ադրբեջանի արտգործնախարարների եռակողմ հանդիպումը։
11:13
26 Ապրիլի 2017
Նախօրեին վիճել են ՀՀ վարչապետ Կարեն Կարապետյանն ու ՀՅԴ բյուրոյի պատասխանատուն
Խոսակցության թեման եղել է նոր կառավարության կազմը և ՀՅԴ-ի պորտֆելները:
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով: