486.74
+0.05
517.99
+0.2
8.43
-0.08
-5
Եղանակը Երևանում
Հայ
ԵԱՀԿ-ն պատրաստ է համագործակցել Հայաստանի իշխանությունների հետ՝ երկրում ժողովրդավարության ամրապնդման գործում
11:05
21 Նոյեմբերի 2007

Եվրոպայի անվտանգության և համագործակցության կազմակերպությունը պատրաստ է համագործակցել Հայաստանի իշխանությունների հետ՝ երկրում ժողովրդավարության ամրապնդման գործում։

Այս մասին երեքշաբթի հայտարարել է Հայաստանում ԵԱՀԿ գրասենյակի ղեկավար, դեսպան Սերգեյ Կապինոսը՝  Հայաստանի Վճռաբեկ դատարանի նախագահ Հովհաննես Մանուկյանի հետ հանդիպման ժամանակ։  

«Հանդիպման ժամանակ Կապինոսը պատրաստակամություն է հայտնել համագործակցել առկա այնպիսի ուղղությունների և ծրագրերի շրջանակներում, որոնք վերաբերում են մարդու իրավունքներին, ժողովրդավարական կառավարմանը և կոչված են աջակցելու հայաստանյան իշխանություններին օրենսդրական համակարգի կատարելագործման, դատական իշխանության մարմինների անկախության ամրապնդման, ինչպես նաև իշխանությունների տարանջատման ապահովման գործընթացներին»,- «Նովոստի-Արմենիա» գործակալությանը հայտնեց Վճռաբեկ դատարանի մամուլի քարտուղար Ալինա Ենգոյանը։

Կապինոսը նշել է, որ հայաստանյան իշխանությունները մեծ ուշադրություն են դարձնում օրենսդրական դաշտի կատարելագործմանը, մասնավորապես՝ ընտրական իրավունքի հետ կապված։

Նա նշել է նաև, որ տեղյակ է այն փոփոխություններին, որոնք կատարվել և կատարվում են ընտրական և վարչական օրենսդրական դաշտում, ինչպես նաև դատաիրավական ոլորտում։

Սերգեյ Կապինոսը նշել է, որ ուշադրությամբ հետևում է Հայաստանում ընթացող զարգացումներին, և որ դրանք առավել հետաքրքիր են այն առումով, որ ավարտվել են խորհրդարանական և մոտենում են նախագահական ընտրությունները։

Հայաստանի Վճռաբեկ դատարանի նախագահն իր հերթին ներկայացրել է Հայաստանում իրականացվող բարեփոխումները՝ մասնավորապես 2005 թվականի սահմանադրական բարեփոխումները, որոնք երկու հիմնական և կարևոր փոփոխություններ նախատեսեցին երկրի դատական համակարգում։

Ինչպես նշել է Հովհաննես Մանուկյանը, փոփոխություններից առաջինն այն էր, որ ՀՀ Սահմանադրությամբ ամրագրվեց Վճռաբեկ դատարանի դերը՝ որպես բարձրագույն դատական ատյանի, որը կոչված է ապահովելու օրենքների միատեսակ կիրառությունը։

«Երկրորդ կարևորագույն փոփոխությունը կապված էր Արդարադատության խորհրդի հետ, որը վերաբերում էր թե՛ խորհրդի լիազորությունների ծավալին և թե՛ նրա կազմին»,- ասել է Վճռաբեկ դատարանի ղեկավարը։

Մանուկյանի խոսքերով, այսօր Արդարադատության խորհուրդն, ըստ էության, ամբողջությամբ կազմված է դատավորներից, և այսուհետ Խորհրդի կողմից կայացված որևէ որոշման համար ամբողջովին պատասխանատու են հենց դատավորները և դատական համակարգը։

Վճռաբեկ դատարանի նախագահն անդրադարձե է նաև փոփոխություններին, որոնք տեղի են ունեցել սահմանադրական արդարադատության ոլորտում, մասնավորապես այն սուբյեկտների շրջանակի ընդլայնմանը, ովքեր Հայաստանի Հանրապետության սահմանադրական դատարան դիմելու իրավունք են ձեռք բերել։ --0--


Loading...
Թեմատիկ նյութեր
Բաժնի այլ նյութեր
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։
21:05
12 Փետրվարի 2017
Հայաստանի ԱԳ նախարարը շնորհավորել է Շթայնմայերին
Հայաստանի արտաքին գործերի նախարար Էդվարդ Նալբանդյանը սրտանց շնորհավորել է Ֆրանկ Վալտեր Շթայնմայերին Գերմանիայի նախագահի պաշտոնում ընտրվելու կապակցությամբ:
20:58
12 Փետրվարի 2017
Ընտրվել է Գերմանիայի 12-րդ նախագահը
Գերմանիայի արտաքին գործերի նախկին նախարար Ֆրանկ Վալտեր Շթայնմայերը դարձել է երկրի 12-րդ նախագահը:
20:16
10 Փետրվարի 2017
Արտահոսք Օհանյան–Օսկանյան դաշինքից
Խորհրդարանական ընտրությունների նախաշեմին պաշտպանության նախկին նախարար Սեյրան Օհանյանի և ԱԳ նախկին նախարար Վարդան Օսկանյանի ձևավորած դաշինքից արտահոսքը շարունակվում է։
18:53
10 Փետրվարի 2017
Ֆրանսիայի նախագահը հրավիրել է հայ գործընկերոջը պաշտոնական այցով այցելել Փարիզ
Ֆրանսիայի նախագահ Ֆրանսուա Օլանդը հրավիրել է իր հայ գործընկեր Սերժ Սարգսյանին պաշտոնական այցով այցելել Փարիզ:
17:20
10 Փետրվարի 2017
Հովիկ Աբրահամյանի որդին չի բացառել, որ կմասնակցի ընտրություններին` ներկայացնելով «Ծառուկյան դաշինքը»
Հովիկ Աբրահամյանի որդին` Արտաշատի քաղաքապետ Արգամ Աբրահամյանը, չի բացառել, որ ապրիլի 2–ին նախատեսված խորհրդարանական ընտրություններին կառաջադրի իր թեկնածությունը` ներկայացնելով «Ծառուկյան դաշինքը»։
15:42
10 Փետրվարի 2017
Լապշինը չի հետախուզվել Ինտերպոլի կողմից. կազմակերպության քարտուղարություն
Բելառուսում ձերբակալված և Բաքվին արտահանձնված ռուս-իսրայելցի բլոգեր Ալեքսանդր Լապշինը չի հետախուզվել Ինտերպոլի կողմից: