485.25
-0.08
569.44
-2.72
8.18
-0.02
+2
Եղանակը Երևանում
Հայ
«Հայաստան» համահայկական հիմնադրամի հեռուստամարաթոնը նշանակալի կլինի Հայաստանի և Լեռնային Ղարաբաղի զարգացման համար. ՀՀ արտգործնախարար
16:24
20 Նոյեմբերի 2007

ԵՐԵՎԱՆ, 20 նոյեմբերի./Նովոստի-Արմենիա/. «Հայաստան» համահայկական հիմնադրամի հեռուստամարաթոնը, որը տեղի կունենա Լոս-Անջելեսում՝ նոյեմբերի 22-ին,  նշանակալի իրադարձություն  կլինի Հայաստանի և Լեռնային Ղարաբաղի զարգացման համար։

Այս մասին Հայաստանի Հանրային հեռուստաընկերությանը  տված հարցազրույցում հայտարարեց ՀՀ արտգործնախարար Վարդան Օսկանյանը։ Նա նշեց, որ այս հեռուստամարաթոնն անցկացվելու է հոբելյանական՝ տասներորդ տարում, իսկ կազմակերպիչ՝ «Հայաստան» համահայկական հիմնադրամն արդեն 15 տարեկան է։

«Մենք մեր առջև մեծ համազգային խնդիր ենք դրել և հանրությանը կներկայացնենք ընդարձակ ծրագիր, որն առնչվում է Հայաստանի և Լեռնային Ղարաբաղի գյուղական շրջանների զարգացմանը»,- ասաց նախարարը։

Օսկանյանն ընդգծեց գյուղական բնակավայրերի համաչափ զարգացմանն ուղղված ջանքերի անհրաժեշտությունը։ «Այլապես տարիներ անց մենք կունենանք քաղաք-պետություն, գյուղերի բնակիչները կմեկնեն քաղաքներ, իսկ գյուղերը կամայանան, այն դեպքում, երբ գյուղական բնակավայրերը մեզ համար ռազմավարական նշանակություն ունեն, քանի որ Հայաստանը փոքր երկիր է, և գյուղերի մեծ մասը սահմանամերձ են»,- ավելացրեց նախարարը։

ՀՀ արտգործնախարարը կարծում է, որ անհրաժեշտ է մեր հայրենակիցներին ներգրավել Հայաստանի և Լեռնային Ղարաբաղի գյուղերի զարգացման գործընթացին, որովհետև կառավարության ռեսուրսները սահմանափակ են։

Նրա կարծիքով, այդ ծրագրի առավելությունն այն է, որ թույլ է տալիս համակողմանի օգնություն ցուցաբերել գյուղերին՝ զարգացնելով բոլոր ենթակառուցվածքները՝ դպրոցները, ճանապարհները, ջրատարները, ինչպես նաև ֆերմերներին ներգրավել տնտեսական նախագծերի մեջ։

Օսկանյանը նշեց, որ ծրագրերը բավականին հավակնոտ են, բայց՝ իրագործելի։ «Երևանը և որոշ առումով՝ նաև մյուս քաղաքները որևէ աստիճանով զարգանում են, սակայն գյուղական բնակավայրեր  ներդրումների ծավալը շատ փոքր է, իսկ տնտեսական աճի արագ տեմպերն ազդեցություն չեն թողնում գյուղերի վրա»,- ասաց նա։

ՀՀ արտգործնախարարի կարծիքով, կարևոր է կարողանալ պահպանել մրցունակությունը տարածաշրջանում։ «Անկախության 15 տարիների ընթացքում Հայաստանը կարողացավ ամենածանր պայմաններում մրցել հարևանների հետ և լինել առաջատար դիրքերում։ Այսօր իրավիճակը փոխվել է, և մենք պետք է կարողանանք առավելագույնս օգտագործել մեր ռեսուրսները»,- ասաց Օսկանյանը՝ ավելացնելով, որ հայ ժողովրդի ներուժը կենտրոնացված է երկրի ներսում և սփյուռքում։

Այս առումով Օսկանյանն ասել է, որ հեռուստամարաթոնի անցկացումը սփյուռքի ներուժն օգտագործելու մեխանիզմներից մեկն է։

Ինչպես ավելի վաղ լրագրողներին տեղեկացրել էր «Հայաստան» համահայկական հիմնադրամի գործադիր տնօրեն Նաիրա Մելքումյանը, հիմնադրամի համար միջոցների հավաքի ավանդական հեռուստամարաթոնը տեղի կունենա նոյեմբերի 22-ին։

Հեռուստամարաթոնին նախորդող թելեթոնը տեղի ունեցավ նոյեմբերի 15-17-ը՝ Հայաստանում և նոյեմբերի 16-19-ը՝ Փարիզում։

Մելքումյանը նաև նշեց, որ հեռուստամարաթոնի կազմակերպիչներն ակնկալում են անցյալ տարվա ֆինանսական ցուցանիշի գերազանցում. անցյալ տարի հավաքվել էր 7,7 մլն. դոլար։ --0—

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։