478.82
+0.2
557.59
+7.08
8.14
+0.04
+29
Եղանակը Երևանում
Հայ
ԼՂՀ նախագահը մի շարք հանդիպումներ է ունեցել Մասաչուսեթսի հայ համայնքի ներկայացուցիչների հետ
18:33
15 Նոյեմբերի 2007

ՍՏԵՓԱՆԱԿԵՐՏ, 15 նոյեմբերի./Նովոստի-Արմենիա/. Այցով ԱՄՆ-ում գտնվող ԼՂՀ նախագահ Բակո Սահակյանը Բոստոնում հանդիպել է Հայ օգնության միության (ՀՕՄ) կենտրոնական վարչության ներկայացուցիչների հետ:

Ինչպես «Նովոստի-Արմենիային» տեղեկացրեցին ԼՂՀ նախագահի աշխատակազմի տեղեկատվական վարչությունից, նախօրեին կայացած հանդիպման ընթացքում քննարկվել են Միության կողմից Արցախում իրականացվող ծրագրերին առնչվող հարցեր:

Բակո Սահակյանը կարևորել է ՀՕՄ-ի գործունեությունը ԼՂՀ-ում՝ ընդգծելով կատարվող աշխատանքների բարձր որակի ապահովման անհրաժեշտությունը:

Նախագահն առաջարկել է Արցախում հրավիրել ՀՕՄ-ի հաշվետու ժողով, լայնորեն լուսաբանել այն, ինչը հնարավորություն կտա ապահովել կազմակերպության գործունեության թափանցիկությունը:

Նույն օրը Բակո Սահակյանը հանդիպել է ՀՅԴ Կենտրոնական կոմիտեի ներկայացուցիչներ Կարո Կեցեմանյանի և Իվան Արտահալջյանի հետ: Զրուցակիցները քննարկել են տնտեսական և քաղաքական խնդիրների լայն շրջանակ, ինչպես նաև Արցախի քաղաքական կյանքում Դաշնակցության դերին առնչվող հարցեր:

ԼՂՀ Նախագահի հետ հանդիպումներ են ունեցել նաև Մասաչուսեթս նահանգի խորհրդարանի Ներկայացուցիչների պալատի անդամներ Պիտեր Կուտուջյանը և Ռեյչլ Կապրիելյանը։

Զրուցակիցները քննարկել են ԼՂՀ ներքին և արտաքին քաղաքականությանը, ինչպես նաև փոխգործակցության զարգացման հեռանկարներին վերաբերող հարցեր:

Նախագահը բարձր է գնահատել հայ պատգամավորների ջանքերը` համայն հայության համար կարևոր նշանակության հարցերի պաշտպանությանը հետամուտ լինելու ուղղությամբ:

Նոյեմբերի 14-ին Բակո Սահակյանը հանդիպել է Ամերիկայի հայկական համագումարի գործադիր մարմնի անդամների հետ` նախագահ Կարոլին Մուգարի գլխավորությամբ: Քննարկվել են Արցախում տարբեր ծրագրերի իրականացման հնարավորությունները, մասնավորապես, գյուղատնտեսության և ջրամատակարարման ոլորտներում:

ԼՂՀ նախագահը բարձր է գնահատել Համագումարի կողմից կատարվող աշխատանքները` ուղղված Արցախի շենացմանն ու զարգացմանը, ինչպես նաև ամերիկյան տարբեր ատյաններում ղարաբաղյան հակամարտության արդարացի լուսաբանմանը և մեր շահերի հետևողական պաշտպանությանը:

Նույն օրը Բակո Սահակյանը հարցազրույց է տվել «Հայրենիք», «Մինոր Սպեկտեյտոր», «Արմենիա ուիկլի»  շաբաթաթերթերին: Հարցազրույցում արծարծվել են ղարաբաղյան հակամարտության կարգավորման, Լեռնային Ղարաբաղի սոցիալ-տնտեսական զարգացման և Հայրենիք- Սփյուռք կապերին վերաբերող հարցեր: --0--

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: