478.85
+0.03
558.1
+0.51
7.99
-0.15
+26
Եղանակը Երևանում
Հայ
Բուլղարիայի վարչապետի այցը Հայաստան խթանում է երկկողմ համագործակցության ընդլայնմանը
19:11
13 Նոյեմբերի 2007

ԵՐԵՎԱՆ, 13 նոյեմբերի./Նովոստի-Արմենիա/. Բուլղարիայի վարչապետ Սերգեյ Ստանիշևի այցը Հայաստան խթանում է երկկողմ համագործակցության ընդլայնմանը։ Այս մասին երեքշաբթի հայտարարեց վարչապետ Սերժ Սարգսյանն իր բուլղարացի գործընկերոջ հետ Երևանում ունեցած մամուլի ասուլիսում։

«Կողմերի միջև բանակցություններն անցել են կառուցողական և բարի մթնոլորտում։ Սա Բուլղարիայի վարչապետի առաջին այցն է Հայաստան, և ես վստահ եմ, որ այս այցը նոր խթան կդառնա հայ-բուլղարական համագործակցության զարգացման համար»,-ասաց նա։

Հայաստանի վարչապետը նշեց, որ երկու երկրները ընդհանուր շահեր ունեն, որոնք ժամանակի հետ ընդլայնվելու են։ Սարգսյանը տեղեկացրեց, որ այսօրվա այցի շրջանակներում Հայաստանի և Բուլղարիայի միջև ստորագրվել է մի քանի պայմանագիր, որոնք խթանում են միջպետական հարաբերությունների զարգացումը։

Հայաստանի վարչապետը շնորհակալություն է հայտնել Բուլղարիայի վարչապետին՝ Հայաստան այցի և մեր երկրի հանդեպ հետաքրքրության համար։

Երեքշաբթի՝ նոյեմբերի 13-ին եռօրյա պաշտոնական  այցով Հայաստան է ժամանել Բուլղարիայի Հանրապետության  վարչապետ Սերգեյ Ստանիշևը։

Պաշտոնական այցի ընթացքում Սերգեյ Ստանիշևը հանդիպումներ կունենա  ՀՀ  նախագահ  Ռոբերտ Քոչարյանի, ՀՀ ԱԺ նախագահ Տիգրան Թորոսյանի, ՀՀ  վարչապետ Սերժ Սարգսյանի, Ն.Ս.Օ.Տ.Տ. Ամենայն  Հայոց Կաթողիկոս Գարեգին Բ-ի հետ:

Հայաստանում Բուլղարիայի վարչապետը  կայցելի  Ծիծեռնակաբերդ և ծաղկեպսակ կդնի Հայոց Մեծ եղեռնի զոհերի  հուշահամալիրին, ինչպես նաև Երևանի պետական համալսարանում կհանդիպի պրոֆեսորադասախոսական  կազմի և ուսանողության, իսկ Մշակութային  կապերի հայկական  միությունում` Հայ-բուլղարական բարեկամության  խմբի անդամների և բուլղարական  համայնքի  ներկայացուցիչների հետ:

Բուլղարիայի վարչապետը կլինի նաև Մատենադարանում,  Պ. Յավորովի  անվան թիվ 131 միջնակարգ դպրոցում, Երևանի Կոնյակի  գործարանում, Մայր Աթոռ Սուրբ Էջմիածնում կայցելի  Գանձարան և Մայր տաճար:

Բուլղարիայի  վարչապետի  գլխավորած պատվիրակության  կազմում են ՀՀ-ում ԲՀ դեսպան Ստեֆան Դիմիտրովը,  «Կոալիցիա  հանուն Բուլղարիայի» խորհրդարանական խմբի նախագահ Միխայիլ Միկովը,  Բուլղարիայի ԱԺ   Հայաստանի հետ բարեկամության  խմբի նախագահ Ռուբեն Կրիկորյանը,  ԲՀ  վարչապետի  աշխատակազմի ղեկավար Ֆիլիպ Բոկովը, երիտասարդության և սպորտի  հարցերով  պետական  գործակալության  նախագահ Վեսելա Լեչևան, ԲՀ  նախագահի արտաքին  քաղաքականության  հարցերով  քարտուղար Էմիլ  Վիլևը,  ԲՀ արտաքին գործերի  փոխնախարար  Եվգենիա Կոլդանովան, Էկոնոմիկայի  և էներգետիկայի  փոխնախարար Յավոր Կույումջիևը, հողագործության և պարենի  փոխնախարար Սվետլա Բաչվարովան, ֆինանսների փոխնախարար Կիրիլ Ժելևը, ԱԺ-ի  հետ համագործակցության հարցերով  ԲՀ կառավարության  քարտուղար  Վելադին  Բիտոլսկին, ԲՀ  կառավարությանն առընթեր  ռազմաարդյունաբերական համալիրի  և մոբիլիզացիոն պատրաստվածության  հարցերով  միջգերատեսչական խորհրդի  քարտուղար Իվան Դոչևը։-0-

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: