478.23
-0.15
574.4
+0.97
8.26
+0.03
+26
Եղանակը Երևանում
Հայ
Լիտվայի ԱԳ նախարարը առաջարկում է Հայաստանին՝ միանալ արբանյակային գնացքների գործունեության մասին համաձայնագրին
12:10
09 Նոյեմբերի 2007

Լիտվայի ԱԳ նախարար Պետրաս Վայտեիկունասն առաջարկում է Հայաստանին՝ միանալ արբանյակային գնացքների գործունեության մասին համաձայնագրին։

Ինչպես «Նովոստի-Արմենիա» գործակալությանը տեղեկացրեցին ՀՀ ԱԺ հասարակայնության հետ կապերի վարչությունից ՀՀ խորհրդարանի խոսնակ Տիգրան Թորոսյանի հետ նախօրեին ունեցած հանդիպման ժամանակ Վայտեիկունասն առաջարկել է Հայաստանին՝ միանալ Ուկրաինայի, Բելառուսի և Լիտվայի միջև ստորագրած համաձայնագրին։

Սույն համաձայնագրի շրջանակներում արբանյակային գնացքներ են գործում Կլայպեդա-Իլյիչովսկ երթուղով։ Լիտվայի նախարարն առաջարկել է, որ Փոթիի միջոցով Հայաստանը նույնպես միանա այդ ծրագրին: Համապատասխան ‎ֆինանսատնտեսական փաստաթղթերը հայկական կողմին կներկայացվեն ցանկության դեպքում:  

Հիմք ընդունելով երկու երկրներում գրանցվող տնտեսական աճը` Վայտեիկունասը ներդրումների ծավալն ու ապրանքաշրջանառությունը երկու երկրների միջև համարել է անբավարար մակարդակի: Նա առաջարկել է Աժ ներկայացուցիչներին գործուղել Լիտվայի նախաձեռնությամբ Վիլնյուսում և Բրյուսելում անցկացվելիք սեմինարներին, որտեղ քննարկվելու են եվրոպական հարևանության քաղաքականության և եվրոպական անվտանգության ու պաշտպանության հարցերը:

Նախարարը տեղեկացրել է, որ 2008թ.-ին նախատեսվում է Լիտվայի վարչապետ Գեդիմինաս Կիրկիլասի այցը Հայաստան, որի ընթացքում նա առաջարկել է կազմակերպել երկու երկրների գործարարների համաժողով: Նկատի ունենալով զբոսաշրջության զարգացման մեծ հեռանկարները Հայաստանում՝ Վայտեիկունասն առաջարկել է նաև զբոսաշրջությամբ զբաղվող կազմակերպությունների միջազգային ցուցահանդես կազմակերպել Լիտվայում և ներկայացնել հայկական փորձը` վստահ, որ այն կհետաքրքրի ոչ միայն լիտվացիներին, այլև այլ երկրների:

Իրազեկելով, որ հոկտեմբերին Լիտվայի կառավարությունը որոշում է ընդունել Հայաստանում դեսպանատուն բացելու մասին՝  Լիտվայի արտաքին գործերի նախարարը կարևորել է Վիլնյուսում ևս Հայաստանի դեսպանատան բացումը, որը մեծապես կնպաստի հարաբերությունների զարգացմանը: 

Պետրաս Վայտեիկունասը, հիշատակելով Հայաստանի հազարամյակներ հաշվող պատմությունը և մշակույթը, հավաստել է, որ Լիտվայի ու Եվրոպայի համար Հայաստանը եղել ու մնում է եվրոպական երկիր, և իր այցի նպատակը համարել է բոլոր ոլորտներում համագործակցության խորացումը:

Աժ նախագահ Տիգրան Թորոսյանն իր կողմից կարևորելով համագործակցության կոնկրետ առաջարկներն ու ծրագրերը՝ անհրաժեշտ է համարել  համապատասխան նախարարությունների և գործարարների շրջանակում առաջարկվող ծրագրի քննարկումը: Թորոսյանը կարևորել է նաև դեսպանատների բացումը` այդ քայլը որակելով որպես համագործակցության զարգացման ազդակ:

Հանդիպման ընթացքում երկկողմանիորեն կարևորվել է միջխորհրդրանական կապերի զարգացումը։ Լիտվայի նախարարն իրազեկել է, որ Լիտվայի խորհրդարանում արդեն գործում է Հայաստանի հետ պատգամավորական բարեկամության խումբ, Աժ նախագահ Տիգրան Թորոսյանը հավաստել է, որ Ազգային ժողովում ևս առաջիկայում կստեղծվի նման խումբ:

Լիտվայի պատվիրակությունը՝ ԱԳ նախարար Պետրաս Վայտեիկունասի գլխավորությամբ, նոյեմբերի 8-9-ը երկօրյա այցով ժամանել է Հայաստան։ Այցի շրջանակներում Լիտվայի ԱԳ նախարարը հանդիպել է ՀՀ նախագահ Ռոբերտ Քոչարյանի, ԱԺ խոսնակ Տիգրան Թորոսյանի և արտաքին հարաբերությունների և եվրոպական ինտեգրման հարցերի մշտական հանձնաժողովների նախագահներ Արմեն Ռուսաստամյանի և  Ավետ Ադոնցի հետ։-0-

Loading...
Թեմատիկ նյութեր
Բաժնի այլ նյութեր
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին:
16:46
14 Սեպտեմբերի 2017
ՌԴ վարչապետ Դմիտրի Մեդվեդևը մոտ ապագայում կայցելի Երևան
ՀՀ վարչապետ Կարեն Կարապետյանն այսօր հեռախոսազրույց է ունեցել ՌԴ կառավարության ղեկավար Դմիտրի Մեդվեդևի հետ: