483.58
+0.74
513.85
-7.76
7.67
+0.05
-4
Եղանակը Երևանում
Հայ
Հայաստանը պատրաստ է Հունգարիայի հետ բոլոր ոլորտներում խորացնել երկկողմ հարաբերությունները. ՀՀ ԱԳՆ
10:40
31 Հոկտեմբերի 2007

ԵՐԵՎԱՆ, 31 հոկտեմբերի./Նովոստի-Արմենիա/. Հայաստանի արտգործնախարար Վարդան Օսկանյանը հայտարարել է, որ հայկական կողմը պատրաստ է Հունգարիայի հետ բոլոր ոլորտներում խորացնել երկկողմ հարաբերությունները:

Այս մասին ՀՀ ԱԳ նախարարն ասել է երեքշաբթի Բուդապեշտում՝ Հունգարիայի ԱԳ նախարար Քինգա Գյոնցի հետ հանդիպման ժամանակ։

«Հանդիպման ընթացքում կողմերն անդրադարձ կատարեցին երկկողմ հարաբերություններին, ներկա փուլում համագործակցության հնարավորություններին»,-«Նովոստի-Արմենիա» գործակալությանը հայտնեցին ՀՀ ԱԳՆ մամուլի և տեղեկատվության վարչությունից։

Մասնավորապես, Օսկանյանը և Գյոնցը կարևորեցին Հայաստան-ԵՄ Գործողությունների ծրագրի շրջանակում Հունգարիայի հետ գործակցության հնարավորությունը: «Նշելով, որ վերջին ժամանակներում զգալիորեն աճել է Հարավային Կովկասի պետությունների նկատմամբ հետաքրքրությունը ԵՄ-ում, տիկին Գյոնցը շեշտեց, որ պաշտոնական Բուդապեշտը քաջալերում է արևելյան ուղղության ակտիվացման ԵՄ ջանքերը»,-նշեցին ՀՀ արտաքին քաղաքական գերատեսչության մամուլի ծառայությունից:

Նախարարները քննարկեցին տնտեսական համագործակցության ակտիվացման հնարավորությունները` նշելով դեղագործությունը, տեղեկատվական տեխնոլոգիաները, տուրիզմը` որպես առաջնային ոլորտներ, որտեղ առկա է գործակցության զգալի ներուժ: Այս համատեքստում ձեռք բերվեց պայմանավորվածություն` նպաստելու երկու երկրների իրավապայնագրային դաշտի համալրմանը:

Տեղի ունեցավ մտքերի փոխանակում՝ միջազգային խնդիրների, տարածաշրջանային զարգացումների, հարևան պետությունների հետ հարաբերությունների վերաբերյալ:

Հունգարիայի ԱԳ նախարարը ներկայացրեց իր երկրի դիրքորոշումը Կոսովոյի հիմնահարցի վերաբերյալ, Վարդան Օսկանյանն էր խոսեց Լեռնային Ղարաբաղի խաղաղ գործընթացի վերջին զարգացումների մասին:

Գյոնցը նշեց երկու ժողովուրդների պատմական կապերը, մշակութային առնչությունները և առկա բարեկամական վերաբերմունքը:

Իր հերթին Օսկանյանը ջերմությամբ արտահայտվեց երկու ժողովուրդների` միմյանց նկատմամբ առկա համակրանքի, Հունգարիայի իշխանությունների կողմից հայկական համայնքի պահպանման և զարգացման համար ստեղծված նպաստավոր պայմանների մասին

Նույն օրը նախատեսված է նախարար Օսկանյանի ելույթը Բուդապեշտի Կենտրոնական եվրոպական համալսարանում (CEU), որը կունկնդրեն Հունգարիայում հավատարմագրված դեսպանությունների, հունգարահայ համայնքի ներկայացուցիչներ, համալսարանի ուսանողադասախոսական կազմը, լրագրողներ:

Նախատեսված է նաև նախարար Օսկանյանի հանդիպումը Հունգարահայ ազգային ինքնավարության վարչության անդամների հետ:

Բացի այց, ՀՀ ԱԳ նախարարն այցելելու է Հունգարիայի խորհրդարան, ուր տեղի կունենա հանդիպում խորհրդարանի Արտաքին հարաբերությունների մշտական հանձնաժողովի նախագահ Զորթ Նեմեթի հետ:-0-

 

Loading...
Թեմատիկ նյութեր
Բաժնի այլ նյութեր
20:43
09 Դեկտեմբերի 2016
Հայաստանի և Ադրբեջանի ղեկավարների հանդիպման հնարավորությունը չի բացառվում. Նալբանդյան
Հայաստանի և Ադրբեջանի նախագահների Սերժ Սարգսյանի և Իլհամ Ալիևի հանդիպումը չի բացառվում:
16:43
09 Դեկտեմբերի 2016
Նախագահ Սարգսյանը կգլխավորի ՀՀԿ նախընտրական ցուցակը
ՀՀ նախագահ, Հայաստանի իշխող կուսակցության նախագահ Սերժ Սարգսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
16:32
09 Դեկտեմբերի 2016
Հայաստանի առաջին նախագահը կգլխավորի ՀԱԿ–ի ցուցակը 2017թ.–ի ընտրություններում. խմբակցության ղեկավար
Հայ ազգային կոնգրես կուսակցության նախագահ, ՀՀ առաջին նախագահ Լևոն Տեր-Պետրոսյանը կգլխավորի կուսակցության ցուցակը 2017 թ.-ի ապրիլին կայանալիք խորհրդարանական ընտրություններում:
12:39
09 Դեկտեմբերի 2016
ՀՀԿ-ում բոլորը «փշերի» վրա են
Այսօր մամուլն արդեն գրում է, թե ովքեր են լինելու ՀՀԿ ցուցակում, և ովքեր են դուրս մնալու:
11:22
08 Դեկտեմբերի 2016
Գագիկ Ծառուկյանը մերժել է Սերժ Սարգսյանի առաջարկը
Սերժ Սարգսյան-Գագիկ Ծառուկյան հանդիպման ժամանակ Սերժ Սարգսյանը Գագիկ Ծառուկյանի հետ քննարկել է նախընտրական և հետընտրական զարգացումների հնարավոր բոլոր սցենարները:
16:51
07 Դեկտեմբերի 2016
Ֆրանսիայի ՆԳՆ նոր ղեկավարն Արցախի բարեկամն է և ընդգրկված է Ադրբեջանի «սև ցուցակներում»
Ֆրանսիայի ներքին գործերի նախարար Բրունո Լը Ռուն ներառված է ադրբեջանական արտաքին գերատեսչության «սև ցուցակում»:
11:52
07 Դեկտեմբերի 2016
«Դաշնակցությունը» ընտրություններից հետո հնարավոր է միանա իշխող ՀՀԿ-ին
ՀՅԴ-ն չի բացառում, որ ևս մաս կազմի իշխանական դաշինքին:
11:37
06 Դեկտեմբերի 2016
Չի բացառվում Դալլաքյան–Ծառուկյան քաղաքական տանդեմը
Չի բացառվում, որ Վիկտոր Դալլաքյանը միանալ Գագիկ Ծառուկյանի ստեղծելիք դաշինքին:
18:23
05 Դեկտեմբերի 2016
Քաղաքագետը պատմել է նախընտրական արշավի ընթացքում ՀՀԿ-ի ռազմավարության մասին
Հայաստանի հանրապետական կուսակցությունն արդեն սկսված նախընտրական արշավում ընդունել է երեք բաղկացուցիչներից կազմված ռազմավարություն:
16:02
05 Դեկտեմբերի 2016
ՀՀ ԱԺ խոսնակը սխալմամբ «կողմ» է քվեարկել ժողովրդի ապստամբության իրավունքին
ՀՀ ԱԺ խոսնակ Գալուստ Սահակյանը սխալմամբ «կողմ» է քվեարկել «Ժառանգության» պատգամավոր Զարուհի Փոստանջյանի «Ժողովրդի ապստամբության իրավունքի մասին» օրենքը ԱԺ քառօրյայի օրակարգում ավելացնելուն։
15:07
05 Դեկտեմբերի 2016
Գագիկ Ծառուկյանը վերադառնում է մեծ քաղաքականություն` որպես ընդդիմադիր գործիչ
«Բարգավաճ Հայաստան» կուսակցության հիմնադիր Գագիկ Ծառուկյանը, հազարավոր քաղաքացիների պահանջով, վերադառնում է ակտիվ քաղաքականություն, երկուշաբթի լրագրողներին ասաց «Բարգավաճ Հայաստան» խորհրդարանական խմբակցության ղեկավար Նաիրա Զոհրաբյանը։
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը: