478.23
-0.15
574.4
+0.97
8.26
+0.03
+21
Եղանակը Երևանում
Հայ
Նախագահական ընտրություններին Տեր-Պետրոսյանի թեկնածության առաջադրումը կարող է փոխել Հայաստանում ուժերի դասավորվածությունը. փորձագետ
14:17
29 Հոկտեմբերի 2007

2008 թ.-ին կայանալիք նախագահական ընտրություններին անկախ Հայաստանի առաջին նախագահ Լևոն Տեր-Պետրոսյանի թեկնածության առաջադրումը կարող է փոխել Հայաստանում քաղաքական ուժերի դասավորվածությունը, կարծում է անկախ քաղաքագետ Մանվել Սարգսյանը։

Անցած ուրբաթ տեղի ունեցած ընդդիմության հանրահավաքի ժամանակ Տեր-Պետրոսյանը հայտարարեց 2008 թ. նախագահական ընտրություններին իր թեկնածության առաջադրման մտադրության մասին։

«Հայաստանի առաջին նախագահի մուտքը քաղաքական գործընթաց տեղի է ունեցել  մայիսյան խորհրդարանական ընտրություններից հետո իշխանական ճամբարում ձևավորված ոչ միանշանակ  իրավիճակի ֆոնի վրա։ Խոսքը, առաջին հերթին, նախագահական ընտրություններին ինքնուրույն մասնակցելու «Դաշնակցություն» իշխանամետ կուսակցության մտադրության մասին է։ Գործերի նման դրվածքը  միանգամից Տեր-Պետրոսյանի գործոնին հաղորդեց նշանակալի իմաստ», - ասել է Սարգսյանը երկուշաբթի «ՌԻԱ Նովոստիին»։

Նրա կարծիքով, թվում էր, թե ներքին քաղաքական դաշտում կձևավորվի   «Դաշնակցություն» - Տեր-Պետորսյան դիմակայության առանցք, ինչը նախագահական ընտրությունների շրջանում միանշանակ կավելացներ իշխող Հանրապետական կուսակցության թեկնածուի հաջողության հնարավորությունը։

«Ընդդիմադիր դաշտում երկու անհաշտ բևեռների առկայությունը միշտ ձեռնտու է գործող ռեժիմին», - ասել է փորձագետը։

«Սակայն տեղի ունեցավ անկանխատեսելին. Տեր-Պետրոսյանն ի սկզբանե չգնաց վաղեմի թշնամի՝ «Դաշնակցության» հետ դիմակայության ուղիով։ Այս հանգամանքը արմատապես փոխեց ներքին քաղաքական զարգացման ուղին», - նշել է Սարգսյանը։

Նա կարծում է, որ այս պայմաններում գործող իշխանությունները գնացին մյուս ընդդիմադիր բևեռների խթանման ճանապարհով՝ Տեր-Պետրոսյանի կերպարի շուրջ ընդդիմության միավորումը թույլ չտալու նպատակով։

«Մասնավորապես, դա նկատելի է «Օրինաց Երկիր» և «Ազգային միաբանություն» կուսակցությունների առաջնորդներ Արթուր Բաղդասարյանի և Արտաշես Գեղամյանի ակտիվացմամբ։ Այս գործիչները հեռուստաեթեր մուտքի իրավունք ստացան, ինչը տեղեկատվական դաշտի նկատմամբ իշխանությունների խիստ վերահսկողության պայմաններում ևս մեկ անգամ հաստատում է ասվածը», - ասել է քաղաքագետը։

Նրա կարծիքով, եթե նշված միտումները դիմացկունություն դրսևորեն, ապա կարելի կլինի պնդել, որ ընտրությունների նախօրեին Հայաստանի քաղաքական դաշտը կարող է էական փոփոխություններ կրել և միանգամայն նոր ձև ստանալ։

Սարգսյանը նաև կարծում է, որ նախագահական ընտրություններին Տեր-Պետրոսյանի հաղթանակը չի անդրադառնա հայ-ռուսական հարաբերությունների վրա։ «Տեր-Պետրոսյանն արդեն եղել է երկրի նախագահ, և այդ ժամանակաշրջանում Ռուսաստանի հետ էական խնդիրներ չէին նկատվում», - ասել է փորձագետը։

Միաժամանակ նա նշել է, որ այս հարաբերություններում քիչ բան է ենթակա  արմատական փոփոխությունների ժամանակի մեջ։ «Այս կամ այն իշխանությունը քիչ բան կարող է ներմուծել ռուս-հայկական հարաբերությունների կտրուկ փոփոխության գործընթաց», - եզրափակել է Սարգսյանը։

Ենթադրաբար, 2008 թ. փետրվար-մարտ ամիսներին Հայաստանում կկայանան նախագահական ընտրությունները։

Նախագահի պաշտոնի համար պայքարելու իրենց մտադրության մասին հայտարարել են, մասնավորապես, ԱԺՄ առաջնորդ, նախկին վարչապետ Վազգեն Մանուկյանը,  Ժողովրդական  կուսակցության առաջնորդ, ԱԼՄ մեդիա-հոլդինգի ղեկավար Տիգրան Կարապետյանը, «Նոր ժամանակներ» կուսակցության առաջնորդ Արամ Կարապետյանը, Մարքսիստական կուսակցության առաջնորդ Դավիթ Հակոբյանը։ Իշխող կոալիցիայի ներկայացուցիչ «Դաշնակցություն» կուսակցությունը նախագահական ընտրություններին որպես հնարավոր երկու թեկնածուներ է առաջադրել խորհրդարանի փոխխոսնակ Վահան Հովհաննիսյանին և խորհրդարանի արտաքին հարաբերությունների մշտական հանձնաժողովի նախագահ Արմեն Ռուստամյանին։ 

Քաղաքագետների կարծիքով, երկրի նախագահի առավել հավանական թեկնածու է համարվում, հաշվի առնելով մայիսին խորհրդարանական ընտրություններին Հայաստանի Հանրապետական Կուսակցության հաղթանակը, վարչապետ, ՀՀԿ առաջնորդ Սերժ Սարգսյանը։

«Հայոց Համազգային Շարժում» կուսակցության ներկայացուցիչ Լևոն Տեր-Պետրոսյանը հաղթանակ տարավ 1991թ. սեպտեմբերին՝ Հայաստանի անկախ Հանրապետության պատմության մեջ նախագահական առաջին ընտրություններին։

Հինգ տարի անց՝ 1996թ. սեպտեմբերյան ընտրություններին Լ. Տեր-Պետրոսյանը պահպանեց նախագահի աթոռը, թեև ընդդիմությունը և մի շարք միջազգային հեղինակավոր կազմակերպություններ ընտրությունների արդյունքները կեղծված համարեցին։

1998թ. փետրվարին Տեր-Պետրոսյանը, հանգամանքների ճնշման տակ, հայտարարեց իր լիազորությունների վաղաժամ դադարեցման մասին և հրաժարական տվեց։-0-

Loading...
Թեմատիկ նյութեր
Բաժնի այլ նյութեր
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին:
16:46
14 Սեպտեմբերի 2017
ՌԴ վարչապետ Դմիտրի Մեդվեդևը մոտ ապագայում կայցելի Երևան
ՀՀ վարչապետ Կարեն Կարապետյանն այսօր հեռախոսազրույց է ունեցել ՌԴ կառավարության ղեկավար Դմիտրի Մեդվեդևի հետ: