487.19
+0.52
519.34
-1.15
8.11
-0.11
-7
Եղանակը Երևանում
Հայ
Հայաստանի հանդեպ Թուրքիայի քաղաքանության մեջ էական փոփոխություններ չկան. Վ. Օսկանյան
14:36
25 Հոկտեմբերի 2007

Հայաստանի հանդեպ Թուրքիայի արտաքին քաղաքանության մեջ էական փոփոխություններ չկան։ Այս մասին հինգշաբթի Երևանում մամուլի ասուլիսի ժամանակ հայտարարեց ՀՀ արտգործնախարար Վարդան Օսկանյանը՝ ներկայացնելով վերջին ամսվա ընթացքում իր արտասահմանյան այցերի արդյունքները։

Նա նշեց, որ հոկտեմբերի սկզբին Նյու-Յորքում տեղի ունեցավ իր առաջին հանդիպումը իր թուրք գործընկեր Ալի Բաբաջանի հետ, որը վերջերս է նշանակվել այդ պաշտոնում։ Հայաստանի նախարարը նշեց, որ սա բարձր մակարդակով առաջին հանդիպումն էր՝ Թուրքիայում տեղի ունեցած ընտրություններից, իշխող կուսակցության մանդատի հաստատումից և նրա կողմից իշխանության նոր լծակների ձեռքբերումից հետո։

«Այս ենթատեքստում մենք սպասումներ ունեինք, սակայն Հայաստանի հանդեպ Թուրքիայի արտաքին քաղաքականության մեջ էական փոփոխություններ չկան», - ընդգծեց Օսկանյանը։ Նախարարը հավաստեց, որ անկախ դրանից՝ Հայաստանը չի խոչընդոտի՝ ԱԳ նախարարների և փոխնախարարների մակարդակով թուրք գործընկերների հետ հանդիպումների կազմակերպմանը։

«Սակայն մենք դրանց չենք վերաբերվի՝ որպես Հայաստանի և Թուրքիայի միջև բանակցային գործընթացի մի մաս, քանի որ այսօրվա դրությամբ նման գործընթաց երկրների միջև, փաստորեն, գոյություն չունի», - ասաց Օսկանյանը։ Նրա խոսքերով, այդ հանդիպումները կկրեն հատուկենտ բնույթ՝ ելնելով ծագած անհրաժեշտությունից։

Նա նշեց, որ այժմ ՀՀ փոխարգտործնախարար Արման Կիրակոսյանը գտնվում է Անկարայում, որտեղ մասնակցում է Սևծովյան տնտեսական համագործակցության կազմակերպության անդամ-երկրների նախարարների հերթական հանդիպմանը։ «Ես չեմ բացառում, որ Կիրակոսյանը հանդիպում կունենա իր թուրք գործընկերոջ հետ, սակայն այդ հանդիպումները ևս հատուկենտ բնույթ կկրեն և մեր երկրների միջև բանակցային գործընթացի մի մաս չեն դառնա», - ասաց Օսկանյանը։

ՀՀ արտգործնախարար Վարդան Օսկանյանը հոկտեմբերի 1-3-ը գտնվում էր Նյու-Յորքում՝ ՄԱԿ-ի գլխավոր ասամբլեայի 62-րդ նստաշրջանի բացմանը մասնակցելու համար։

Հոկտեմբերի 25-ին Թուրքիայի մայրաքաղաքում կանցկացվի Սևծովյան տնտեսական համագործակցության կազմակերպության անդամ-երկրների արտգործնախարարների խորհրդի նիստը, որի ժամանակ կքննարկվեն, մասնավորապես, տրանսպորտի, առևտրի, կազմակերպված հանցագործության դեմ պայքարի և համագործակցության այլ կոնկրետ ոլորտներում փոխգործակցության արդյունքները՝ Սևծովյան տնտեսական համագործակցության կազմակերպությունում Թուրքիայի նախագահության ընթացքում (2007 թ. մայիս-հոկտեմբեր)։-0-

Loading...
Թեմատիկ նյութեր
Բաժնի այլ նյութեր
19:48
19 Հունվարի 2017
Խաչատուր Սուքիասյանը չի պատրաստվում գլխավորել ԲՀԿ շտաբը
Հայ խոշոր գործարար Խաչատուր Սուքիասյանը չի պատրաստվում գլխավորել «Բարգավաճ Հայաստան» կուսակցության շտաբն առաջիկա խորհրդարանական ընտրություններում:
10:57
19 Հունվարի 2017
Խաչատուր Սուքիասյանը կլինի Գագիկ Ծառուկյանի դաշինքի շտաբի պետը
Երկար քննարկումներից հետո Խաչատուր Սուքիասյանը որոշել է առաջիկա ընտրություններին մասնակցել Գագիկ Ծառուկյանի դաշինքով։
12:37
18 Հունվարի 2017
Հայաստանի խորհրդարանի աշխատակազմի ղեկավարը ցանկանում է վերադառնալ արդարադատության նախարարի պաշտոնին
Հայաստանի խորհրդարանի աշխատակազմի ղեկավար Հրայր Թովմասյանը ցանկանում է վերադառնալ արդարադատության նախարարի պաշտոնին:
11:43
18 Հունվարի 2017
Գագիկ Ծառուկյանի կողմնակիցների թիվը սրընթաց աճում է
Գագիկ Ծառուկյանի պոտենցիալ կողմնակիցների թիվը սրընթաց աճում է:
17:19
17 Հունվարի 2017
Ծառուկյանի վերադարձը կազդի Հայաստանի խորհրդարանական ընտրությունների արդյունքների վրա. փորձագետ
«Բարգավաճ Հայաստան» կուսակցության հիմնադիր Գագիկ Ծառուկյանի վերադարձը մեծ քաղաքականություն, անկասկած, կազդի առաջիկա խորհրդարանական ընտրությունների արդյունքների վրա։
15:50
17 Հունվարի 2017
Լավրովը` Արցախ այցելած բլոգերի կալանավորման մասին. մենք դեմ ենք այս կամ այն տարածք անհատի այցելության քրեականացմանը
ՌԴ ԱԳ նախարար Սերգեյ Լավրովը, մեկնաբանելով Ադրբեջանի պահանջով Մինսկում բլոգեր Ալեքսանդր Լապշինի կալանավորման մասին տեղեկությունը, հայտարարել է, որ Մոսկվան դեմ է այս կամ այն տարածք անհատի այցելության քրեականացմանը։
13:52
17 Հունվարի 2017
Գագիկ Ծառուկյան. բացում եմ քաղաքական գործունեության փակված էջը և մասնակցելու եմ 2017 թ.–ի խորհրդարանական ընտրություններին
«Բարգավաճ Հայաստան» կուսակցության հիմնադիր և նախկին առաջնորդ Գագիկ Ծառուկյանը հայտարարում է քաղաքականություն վերադառնալու և 2017 թ.–ի խորհրդարանական ընտրություններին մասնակցելու մասին։
13:10
17 Հունվարի 2017
Սեյրան Օհանյանն ու Վարդան Օսկանյանը քննարկել են առաջիկա խորհրդարանական ընտրություններին առնչվող հարցեր
ՀՀ պաշտպանության նախկին նախարար Սեյրան Օհանյանը երեքշաբթի հանդիպել է նախկին արտգործնախարար, «Համախմբում» կուսակցության նախագահ Վարդան Օսկանյանի հետ:
11:03
17 Հունվարի 2017
ՀՀ վարչապետը պաշտոնական այցով կմեկնի ՌԴ
Այցի շրջանակում Կարեն Կարապետյանը Մոսկվայում հանդիպում կունենա ՌԴ վարչապետ Դմիտրի Մեդվեդևի հետ:
16:32
16 Հունվարի 2017
ՀՀ նոր վարչապետից հարկավոր չէ սպասել լուրջ փոփոխություններ. քաղաքագետ
Իրավիճակի լուրջ բարելավում, որին սպասում է Հայաստանի բնակչությունը նոր վարչապետից և կառավարությունից, սկզբունքորեն չի կարող լինել, հայտարարեց քաղաքագետ, Կովկասի ինստիտուտի տնօրեն Ալեքսանդր Իսկանդարյանը:
13:37
13 Հունվարի 2017
Հայաստանի վարչապետը նշում է, որ կարող է չհայտնվել ՀՀԿ ընտրացուցակներում
Հայաստանի վարչապետ Կարեն Կարապետյանը հավանական է համարում, որ կարող է չհայտնվել Հայաստանի հանրապետական կուսակցության ընտրացուցակներում։
11:42
12 Հունվարի 2017
ԱՄՆ դեսպանատունն ու ԵՄ պատվիրակությունը որոշել են չֆինանսավորել Հայաստանի քաղաքական ուժերից և ոչ մեկին
Արևմուտքը, մասնավորապես ԱՄՆ դեսպանատունը և ԵՄ պատվիրակությունը, որոշել են առավելապես չեզոքություն ցուցաբերել և ուղղակի կամ անուղղակի չֆինանսավորել քաղաքական ուժերից և ոչ մեկին: