482.13
-0.46
538.83
-4.47
8.55
+0.02
+9
Եղանակը Երևանում
Հայ
Հայաստանի վարչապետը բարձր է գնահատում հայ-ֆրանսիական համագործակցությունը
14:23
25 Հոկտեմբերի 2007

ԵՐԵՎԱՆ, 25 հոկտեմբերի. /Նովոստի-Արմենիա/. Հայաստանի վարչապետ Սերժ Սարգսյանը բարձր է գնահատում հայ-ֆրանսիական համագործակցությունը։

Ինչպես հինգշաբթի «Նովոստի-Արմենիա» գործակալությանը հայտնեցին ՀՀ կառավարության տեղեկատվության և հասարակայնության հետ կապերի վարչությունից, այս մասին Հայաստանի կառավարության ղեկավարը հայտարարել է նախօրեին Փարիզում՝ հանդիսավոր ընդունելության ժամանակ։

«Հանձին Ֆրանսիայի, մենք Եվրոպայում ունենք մեր հավատարիմ գործընկերը, որն անվերապահորեն աջակցում է եվրոպական կառույցներում Հայաստանի հետևողական ընդգրկմանը: Այս առումով մենք բարձր ենք գնահատում հատկապես ԵՄ Հարևանության քաղաքականության շրջանակներում Ֆրանսիայի կարևոր աջակցությունը»,- ասել է նա:

Սերժ Սարգսյանը նաև նշել է, որ հայկական ընդունելության հյուրերի նման բազմությունը վկայում է հավատարմությանը՝ հայ-ֆրանսիական բարեկամությանը: Նա ասաց, որ շատ ֆրանսիացի գործիչներ շատ լավ հայտնի են Հայաստանում և  հարգված՝ որպես հայ-ֆրանսիական բարեկամության այսօրվա կերտողներ։

«Այսօր հայկական պատվիրակությունը  գտնվում է Ֆրանսիայում, որպեսզի երկրի բարձր ղեկավարության հետ քննարկի հայ-ֆրանսիական օրակարգի կարևոր հարցերը և մեր համագործակցության հեռանկարները, և վստահ եմ, որ մեր հանդիպումները, ինչպես միշտ, կընթանան փոխըմբռնման մթնոլորտում», նշել է Հայաստանի կառավարության ղեկավարը:

Միաժամանակ Սարգսյանը հավաստիացրել է, որ այդ վստահությունը պատահական չէ, այն հիմնված է ինչպես անցյալ, այնպես էլ հատկապես ներկա ջերմ և սերտ կապերի վրա, որոնք «առանց վարանելու մենք բնորոշում ենք որպես առանձնաշնորհյալ»:

Հայաստանի և Ֆրանսիայի բարձր ղեկավարության միջև հաստատված փոխըմբռնումը և սերտ ու հաճախակի շփումները, վարչապետի խոսքերով, արդեն դարձել են ավանդական՝ չխոսելով արդեն կառավարության անդամների, խորհրդարանականների, տեղական իշխանությունների ներկայացուցիչների բազմաթիվ փոխայցելությունների մասին:

«Հավատացնում եմ, որ այս մակարդակով և այս ծավալի համագործակցությունը եզակիներից է ոչ միայն եվրոպական երկրների առումով»,- նշել է Սարգսյանը:

Հայաստանի վարչապետը հատոկ նշել է այն, որ Ֆրանսիան անկեղծորեն շահագրգռված է Հարավային Կովկասում լարվածության թուլացման և կայունության հաստատման մեջ և կառուցողական ջանքեր է գործադրում այդ ուղղությամբ: Սարգսյանը օգտակար է համարել Ֆրանսիայի ներառվածությունը ԵԱՀԿ Մինսկի խմբի մյուս համանախագահող երկրների՝ ԱՄՆ-ի և Ռուսաստանի հետ, Լեռնային Ղարաբաղի հակամարտության կարգավորման բանակցություններում:

«Ֆրանսիայի հետ այսօր մենք հաջողությամբ համագործակցում ենք ամենաբազմազան ոլորտներում: Այսօր Հայաստանում ֆրանսիական կապիտալով գործում են 120 ձեռնարկություններ, այդ թվում՝ համաշխարհային հեղինակության անուններ՝ «Ալկատել», «Վեոլիա», «Սոր», «Կրեդիտ Ագրիկոլ»,  «Էր Ֆրանս», «Պեռնո Ռիկար» և այլն: Պատրաստվում են մեր երկիր մուտք գործել «Սանոֆի-Ավենտիսը», «Սոսիետե Ժեներալը»»- տեղեկացրել է նա:

2007թ. հունվար-օգոստոս ամիսներին Հայաստանի և Ֆրանսիայի արտաքին առևտրաշրջանառությունն աճել է ավելի քան երկու անգամ՝ կազմելով 85,5 մլն դոլար։--0--

Loading...
Թեմատիկ նյութեր
Բաժնի այլ նյութեր
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա:
11:26
03 Մայիսի 2017
Ի՞նչ պաշտոն կզբաղեցնի Արփինե Հովհաննիսյանը և ո՞վ կփոխարինի նրան նախարարի պաշտոնում
Արդարադատության նախարար Արփինե Հովհաննիսյանն առաջիկայում հրաժարական կտա զբաղեցվրած պաշտոնից։