485.25
-0.08
569.44
-2.72
8.18
-0.02
+3
Եղանակը Երևանում
Հայ
ԿԱՅԾԱԿ «ԱՄԻ Նովոստի–Արմենիա». երկու տարի վերագործարկումից հետո. ի՞նչ է արվել և դեռ ի՞նչ ենք ուզում անել
ՀՀ Ռազմական դոկտրինը սահմանել է երկրի ներքին և արտաքին հիմնական սպառնալիքները. նախարար
17:53
24 Հոկտեմբերի 2007

ԵՐԵՎԱՆ, 24 հոկտեմբերի./Նովոստի-Արմենիա/. Հայաստանի Ռազմական դոկտրինի նախագծում սահմանված են երկրի հիմնական ներքին և արտաքին սպառնալիքները, հայտարարեց ՀՀ պաշտպանության նախարար Միքայել Հարությունյանը` չորեքշաբթի Պաշտպանության նախարարության Ազգային ռազմավարական հետազոտությունների ինստիտուտում ՀՀ Ռազմական դոկտրինի նախագծի փորձագիտական և հասարակական քննարկումների ընթացքում։

Նրա խոսքերով, արտաքին հիմնական սպառնալիքներն են Հայաստանի Հանրապետության ինքնիշխանության, տարածքային ամբողջականության և սահմանների անձեռնմխելիության նկատմամբ ոտնձգությունները, ԼՂՀ հակամարտության առկայությունը և Ադրբեջանի կողմից ռազմական գործողությունների նախապատրաստումը։ Դրանց թվին են պատկանում նաև տարածաշրջանում անվերահսկելի սպառազինման գործընթացները, Հայաստանի դեմ ուղղված դաշինքների ստեղծումը, սահմանակից պետություններում ներքաղաքական միջավայրի ապակայունացումը, միջազգային անվտանգության համակարգերի տարաձայնությունները, Հայաստանի մեկուսացման փորձերը, ինչպես նաև անդրազգային հանցավորությունը։
  
«Փաստաթղթում որպես ներքին սպառնալիքներ նշված են սահմանադրական կարգին սպառնացող անմիջական վտանգը, ռազմական անվտանգության համակարգի արդյունավետության նվազումը, անօրինական զինված խմբավորումների ստեղծումը, տնտեսական անվտանգության ցուցանիշների անկումը, բարոյահոգեբանական վիճակի վատթարացումը, ինչպես նաև արտակարգ իրավիճակները»,- ասաց պաշտպանության նախարարը։

«Ռազմական անվտանգության ապահովումը ենթադրում է վերոհիշյալ սպառնալիքների ու վտանգների ժամանակին բացահայտումն ու գնահատումը, դրանց հասունացման կանխատեսումը, կանխումը, կասեցումը և չեզոքացումը»,- ասաց Հարությունյանն՝ ավելացնլելով, որ փաստաթղթի համաձայն, Հայաստանն ապահովում է իր ռազմական անվտանգությունը՝ իր բոլոր ուժերի, միջոցների և ռեսուրսների համընդհանուր և ամբողջական կիրառմամբ։

Ըստ նրա, Հայաստանի ռազմական անվտանգությունն ամբողջովին ապահովելու համար հարկավոր է ստեղծել համապատասխան երաշխիքներ։ «Ազգային երաշխիք են հանդիսանում մարտունակ և արդիական զինված ուժերը, իսկ միջազգային երաշխիք են միջազգային անվտանգության ապահովման ուղղությամբ համարժեք պարտավորությունների ստանձնումը, դաշնակցային և գործընկերային հարաբերությունների հաստատումն ու շարունակական զարգացումը»,- ասաց պաշտպանության նախարարը։

Նախարարը նշեց, որ ոչ պակաս կարևոր է ռազմական անվտանգության ապահովման ճիշտ ուղիների ընտրությունը։ Նա պարզաբանեց, որ այդ ուղիներն են պետության պաշտպանական ներուժի զարգացումը և զինված ուժերի բարեփոխումները, համակողմանի պաշտպանական համագործակցության խորացումը, միջազգային արդի ռազմական գիտության վրա հիմնված ուժերի, միջոցների և պաշարների ստեղծումը, ինչպես նաև միջազգային և տարածաշրջանային ռազմաքաղաքական իրադրության վերլուծությունը, ռազմական սպառնալիքների բացահայտումն ու դասակարգումը, և դրանց արձագանքման միջոցառումների իրականացումը։

Հարությունյանն ընդգծեց, որ վերոհիշյալ սպառնալիքների հետ մեկտեղ առկա են նաև մի շարք գործոններ, որոնք դրական են անդրադառնում Հայաստանի և տարածաշրջանի անվտանգության ապահովման վրա։

Նա պարզաբանեց, որ որպես այդպիսի գործոններ փաստաթղթում մատնանշված են ռազմական անվտանգության սպառնալիքները չեզոքացնելու ունակ Զինված ուժերը, միջազգային ինտեգրացման գործընթացները, տարածաշրջանային պետությունների միջև զինված հակամարտությունների ու նոր սպառնալիքների հավանականությանը միտված գործոնները, ինչպես նաև տարածաշրջանային կայունության ամրապդնմանը նպաստող միջազգային կազմակերպությունների գործունեությունը։
 
Հայաստանի ռազմական դոկտրինը հանրապետության նախագահի հաստատմանը կներկայացվի 2007թ. դեկտեմբերին՝ միջազգային փորձաքննությունից և կառավարությունում, ԱԺ-ում և Ազգային անվտանգության խորհրդում կայանալիք քննարկումներից հետո։ Ռազմական դոկտրինը ուղենիշ է բոլոր պետական գերատեսչությունների համար, որոնք պատասխանատու են ռազմական անվտանգության համակարգի համար և ապահովում են նրանց միասնական ռազմավարությունը երկրի պաշտպանության գործում։--0--

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։