481.79
+0.02
538.93
-1.33
8.53
+0.03
+18
Եղանակը Երևանում
Հայ
Հայաստանի ռազմական դոկտրինը նախագահի հաստատմանը կներկայացվի դեկտեմբերին. նախարար
16:17
24 Հոկտեմբերի 2007

Հայաստանի ռազմական դոկտրինը  նախագահի հաստատմանը կներկայացվի 2007թ. դեկտեմբերին, հայտարարեց ՀՀ պաշտպանության նախարար Միքայել Հարությունյանը՝ չորեքշաբթի հանդես գալով ՊՆ Ազգային ռազմավարական հետազոտությունների ինստիտուտում Ռազմական դոկտրինի փորձագիտական և հասարակական քննարկումների ժամանակ։

Նրա խոսքերով, Ռազմական դոկտրինի մշակման՝ Հայաստանի նախագահի կողմից հաստատված ժամանակացույցի համաձայն, փաստաթուղթը միջազգային փորձաքննության է ուղարկվել Ռուսաստանի Դաշնություն, ՆԱՏՕ և ԱՄՆ։

«Մինչև հոկտեմբերի վերջը մենք կստանանք և կուսումնասիրենք փորձաքննության արդյունքները, ինչից հետո Ռազմական դոկտրինի նախագիծը կներկայացվի կառավարություն, կանցնի լսումներ Ազգային ժողովում և Ազգային անվտանգության խորհրդում։ Արդյունքում մենք կկարողանանք փաստաթուղթը ներկայացնել Հայաստանի նախագահի հաստատմանը 2007թ. դեկտեմբերին»,-ասաց Հարությունյանը։

Նա նշեց, որ Հայաստանի ռազմական դոկտրինը բաղկացած է տեսականորեն հիմնավորված պաշտոնական դիրքորոշումներից, որոնք վերաբերում են Հայաստանի առջև ծառացած ռազմական սպառնալիքներին և դրանց չեզոքացմանը, պետության պաշտպանության կազմակերպմանը, կառույցին, խնդիրներին, նպատակներին և Զինված ուժերի գործունեությանը։

«Ռազմական դոկտրինի հիմնական իմաստը պետության անվտանգության սպառնալիքների որոշումն ու դրանց կանխումն է։ Բայց դոկտրինը չի սահմանափակվում միայն դրանով։ Դա ընդհանուր փաստաթուղթ է, որի մեջ ընդհանուր գծերով նշված են պետության ռազմական անվտանգության, Զինված ուժերի և պաշտպանության համակարգի կազմակերպման բոլոր ուղղությունները»,-ասաց Հարությունյանը։

Նրա խոսքերով, Ռազմական դոկտրինը ուղենիշ է ռազմական անվտանգության համակարգի համար պատասխանատու բոլոր պետական գերատեսչությունների համար և ապահովում է դրանց միասնական ռազմավարությունը՝ երկրի պաշտպանության գործում։

Պաշտպանության նախարարը նշեց, որ Ռազմական դոկտրինի մշակման ժամանակ մանրամասնորեն ուսումնասիրվել է միջազգային փորձը և տարբեր երկրների համանման փաստաթղթերը։
 
«Բայց մենք մեր առջև որևէ երկրի մոդելը վերցնելու նպատակ չենք դրել։ Մենք, օգտագործելով առավել արդյունավետ մոտեցումներն ու մեթոդները, փորձել ենք ստեղծել այնպիսի փաստաթուղթ, որն առավելագույնս կհամապատասխանի մեր պահանջներին և առանձնահատկություններին՝ միաժամանակ հասկանալի լինելով միջազգային հանրության համար»,-ասաց Հարությունյանը։

Ինչ վերաբերում է փաստաթղթի բովանդակությանը, ապա, նրա խոսքերով, այս իմաստով փաստաթուղթը մշակվել է բացառապես Հայաստանի և տարածաշրջանի առանձնահատկություններից ելնելով՝ երկրի Ազգային անվտանգության ռազմավարության հիման վրա։--0--

Loading...
Թեմատիկ նյութեր
Բաժնի այլ նյութեր
11:29
27 Մայիսի 2017
Արդարադատության նախարարությունում լարված մթնոլորտ է
Նոր կառավարության միակ «սյուրպրիզը» արդարադատության նախարարի պաշտոնում Դավիթ Հարությունյանի նշանակումն էր:
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա: