477.88
-0.42
573.6
-0.5
8.31
+0.05
+17
Եղանակը Երևանում
Հայ
ՀՀ մշակույթի նախարարը կողմ է արտահայտվել Բելառուսի հետ մշակութային համագործակցության ամրապնդմանը
12:36
23 Հոկտեմբերի 2007

Մշակույթի բնագավաառում Հայաստանի և Բելառուսի համագործակցության 2008-2010 թթ. ծրագիրը լինելու է բավականին հագեցած, հստակ և լայնածավալ, կարծում է ՀՀ մշակույթի նախարար Հասմիկ Պողոսյանը։

Փաստաթղթի ստորագրման համար Երևան կհրավիրվի Բելառուսի մշակույթի նախարարը, տեղեկացրել է նա Բելառուսում Հայաստանի մշակույթի օրերի բացման առիթով նախօրեին Մինսկում կազմակերպված մամուլի ասուլիսի ժամանակ։

Պողոսյանն ավելացրել է, որ 2008 թ.-ին նշվելու է կոմպոզիտոր Արամ Խաչատրյանի ծննդյան 105-ամյակը։ «Կարծում եմ, որ այս անունը թանկ է բոլորի համար, և անհրաժեշտ է օգտվել այս առիթից՝ նոր կապեր հաստատելու համար», - մեջբերում է  Պողոսյանի խոսքերը «Բելառուսկիե նովոստի» լրատվական գործակալությունը։

 Գնահատելով վերջին տարիների ընթացքում երկու երկրների  համագործակցությունը՝ նախարարը տեղեկացրել է, որ պետությունները «հասցրել են հաստատել մշակութային կանոնավոր կապեր»։

Հ. Պողոսյանի խոսքերով, Հայաստանը կանոնավոր մասնակցում է Բելառուսում անցկացվող երեք միջազգային փառատոններին՝ «Սլավյանսկի բազարին Վիտեբսկում», «Բելայա վեժային» և «Լիստապադին»։ Վերջին երեք տարիների ընթացքում Մինսկում երկու անգամ բացվել են հայկական ժամանակակից արվեստի խոշոր ցուցահանդեսներ՝ նկարիչներ Մարտիրոս Սարյանի և Հակոբ Հակոբյանի աշխատանքների ցուցահանդեսները։

Նա նշել է, որ հոկտեմբերի 21-ին Երևանում բացվել է տպագրական գրաֆիկայի «Էստամպ» միջազգային ցուցահանդեսը, որին ներկայացված են երիտասարդ բելառուս և հայ գրաֆիկների աշխատանքները։

Բելառուսում անցկացվող Հայաստանի մշակույթի օրերի մասնակիցներին ողջույնի ուղերձ է հղել Բելառուսի նախագահ Ալեքսանդր Լուկաշենկոն։ «Մեր երկրների փոխշահավետ համագործացկությունը տարեցտարի ավելի ակտիվորեն է զարգանում, աճում է եկուստեք հետաքրքրությունը քաղաքական, տնտեսական և սոցիալական բնագավառներում, ամրանում է Բելառուսի և Հայաստանի ժողովուրդների բարեկամությունը», - նշել է նախագահը, հաղորդում է ԲելաՊԱՆ-ը։

Բելառուսում Հայաստանի մշակույթի օրերը կշարունակվեն մինչև հոկտեմբերի 28-ը։ Օրերի շրջանակներում Հայաստանի արվեստի վարպետները ելույթ կունենան Մինսկում, ինչպես նաև Բրեստում, Բոբրույսկում և Մոլոդեչնոյում։

Բելառուսի հանդիսատեսը կարող է ծանոթանալ Երիտասարդական սիմֆոնիկ նվագախմբի, «Շողակն» ազգագրական անսամբլի արվեստին, իսկ Էստրադայի երիտասարդական թատրոնի բեմում կներկայացվի Երևանի կամերային թատրոնի «Կաբարե» երաժշտական շոուն։

Ծրագրված է ցուցադրել Գեորգի Փարաջանովի «Ես մահացել եմ մանուկ հասակում» ֆիլմը, որը պատմում է  հայտնի ռեժիսորի կյանքի և ստեղծագործական ուղու մասին։ Բելառուսի Մշակույթի պատմության ազգային թանգարանում կբացվի «Արվեստ առանց սահմանների. Սերգեյ Փարաջանովի աշխարհը» ցուցահանդեսը, որի ժամանակ կցուցադրվեն Սերգեյ Փարաջանովի թանգարանից բերված աշխատանքները։

Բելառուսի պետական ֆիլհարմոնիայում տեղի կունենա գալա-համերգ՝ Հայաստանի արվեստի վարպետների մասնակցությամբ։

Մշակութային միջոցառումներին մասնակցելու նպատակով Բելառուսում է գտնվում արվեստի գործիչների ներկայացուցչական պատվիրակություն՝ ՀՀ մշակույթի նախարար Հասմիկ Պողոսյանի գլխավորությամբ։

Ինքնավար պետությունների միջև դիվանագիտական հարաբերությունների հաստատումից հետո Բելառուսում Հայաստանի մշակույթի օրեր անցկացվում են առաջին անգամ՝ ըստ երկու պետությունների մշակույթի նախարարությունների միջև գործող համագործակցության մասին պայմանագրի։

Բելառուսում հայկական արվեստի ներկայացումը պատասխան  քայլ է՝ Հայաստանում 2005 թ. վերջին անցկացված Բելառուսի մշակույթի լայնամասշտաբ օրերի։-0-

Loading...
Թեմատիկ նյութեր
Բաժնի այլ նյութեր
17:06
23 Սեպտեմբերի 2017
Հայաստանի և Ադրբեջանի ԱԳՆ ղեկավարները կհանդիպեն Նյու Յորքում
Հայաստանի և Ադրբեջանի ԱԳ նախարարներ Էդվարդ Նալբանդյանը և Էլմար Մամեդյարովի հանդիպումը կկայանա  Նյու Յորքում:
15:38
20 Սեպտեմբերի 2017
Ղարաբաղյան հակամարտությունը կարող է կարգավորվել բացառապես խաղաղ ճանապարհով. Լեհաստանի նախագահ
Ղարաբաղյան հակամարտությունը կարող է կարգավորվել բացառապես խաղաղ ճանապարհով:
12:02
20 Սեպտեմբերի 2017
ՀՀ նախագահ. Հայաստանը հայ–թուրքական արձանագրությունները հայտարարելու է առ ոչինչ
Հայ–թուրքական արձանագրությունների կենսագործման ուղղությամբ որևէ դրական տեղաշարժի բացակայության պայմաններում Հայաստանը այդ արձանագրությունները հայտարարելու է առ ոչինչ, հայտարարել է ՀՀ նախագահ Սերժ Սարգսյանը:
21:05
19 Սեպտեմբերի 2017
Շավարշ Քոչարյանը` ղարաբաղյան հակամարտության մասին. ոչ մեկը ոչ մեկին ոչ մի տարածք չի տալիս
Շավարշ Քոչարյանը տարակուսանք է հայտնել այն իրարանցման կապակցությամբ, որն առաջացրել է ղարաբաղյան հարցի վերաբերյալ ՀՀ ԱԳ նախարարի արված հայտարարությունը։
16:03
19 Սեպտեմբերի 2017
ՀՀԿ–ն դեռ վերջնական որոշում չի ընդունել վարչապետի թեկնածության հարցում
ՀՀԿ–ն դեռ պաշտոնական որոշում չի ընդունել, թե ով է զբաղեցնելու վարչապետի պաշտոնը 2018 թվականի ընտրություններից հետո։
14:25
19 Սեպտեմբերի 2017
Գարո Փայլան. միայն ժողովրդական Թուրքիան կարող է ճանաչել Հայոց ցեղասպանությունը
Միայն ժողովրդական Թուրքիան կարող է ճանաչել Հայոց ցեխասպանությունը և բացել սահմանները:
12:51
19 Սեպտեմբերի 2017
Նալբանդյանը չի բացառում Արցախի անվտանգությանը չսպառնացող տարածքների վերադարձը
Հայաստանի արտաքին գործերի նախարար Էդվարդ Նալբանդյանը չի բացառում Արցախի անվտանգությանը չսպառնացող տարածքների վերադարձը։
19:25
18 Սեպտեմբերի 2017
Նալբանդյան. Հայաստանը մտադիր է դիվանագիտական հարաբերություններ հաստատել վեց երկրների հետ
Հայաստանը մտադիր է դիվանագիտական հարաբերությունների մասին համաձայնագրեր ստորագրել վեց երկրների հետ:
17:39
18 Սեպտեմբերի 2017
ՀՀ պաշտպանության նախարարը ներկայացրել է Ռուսաստանից սպառազինություն գնելու պայմանները
Ռուսաստանը Հայաստանին սպառազինություն է վաճառում ներքին գներով:
16:47
18 Սեպտեմբերի 2017
ԱԳ նախարար. հայկական կողմը ԵՄ-ի հետ շրջանակային համաձայնագրի ստորագրման խոչընդոտներ չի տեսնում
Հայկական կողմից Եվրամիության հետ շրջանակային համաձայնագիր ստորագրելու խոչընդոտներ չկան:
11:17
18 Սեպտեմբերի 2017
Ամենայն Հայոց Կաթողիկոս. Հայաստան-Սփյուռք համաժողովները կարևոր հարթակ են Հայաստանի, Արցախի և սփյուռքի միասնության զորացման համար
Երևանում մեկնարկել է Հայաստան–Սփյուռք «Փոխադարձ վստահություն, միասնականություն և պատասխանատվություն» վեցերորդ համաժողովը:
21:56
15 Սեպտեմբերի 2017
Լապշինը` հայերին. եթե կորցնեք Ղարաբաղը, ադրբեջանցիները գալու են ձեզ մորթելու
Հայտնի ռուս բլոգեր Ալեքսանդր Լապշինն ուղերձով դիմել է հայերին: