482.36
-0.38
568.99
-1.66
8.19
-0.05
+6
Եղանակը Երևանում
Հայ
ԱՄՆ-ի 106-րդ բանաձևի ընդունման դեմ պայքարելով՝ Թուրքիան կրկին ապացուցեց, որ քաղաքակիրթ երկիր չէ. ՀՅԴ ներկայացուցիչ
17:19
19 Հոկտեմբերի 2007

ԵՐԵՎԱՆ, 19 հոկտեմբերի./Նովոստի-Արմենիա/. ԱՄՆ-ի կոնգրեսի կողմից 106-րդ բանաձևի ընդունման դեմ ձեռնարկված իր գործողություններով, Թուրքիան ևս մեկ անգամ ապացուցեց  իր անքաղաքակիրթ լինելու փաստը։ Այս մասին ուրբաթ լրագրողներին հայտարարեց Հայաստանում ՀՅԴ Գերագույն մարմնի ներկայացուցիչ, արտաքին հարաբերությունների գծով խորհրդարանական հանձնաժողովի նախագահ Արմեն Ռուստամյանը։

«Սա ոչ թե անցյալի, այլ ներկայի հարց է, և քանի դեռ Թուրքիան չի ճանաչել ցեղասպանությունը, մենք վտանգի մեջ ենք։ Հիմա մենք երաշխիքներ չունենք, որ հայերի ցեղասպանությունը Թուրքիայում չի կրկնվի»,- ասաց Ռուստամյանը։

Նա ընդգծեց, որ ԱՄՆ Կոնգրեսի Ներկայացուցիչների պալատի արտաքին հարաբերությունների հանձնաժողովի կողմից այս բանաձևի սոսկ ընդունումը, որը որևէ իրավաբանական ուժ չունի, արդեն դարձել է Թուրքիայում հայերին հետապնդելու պատճառ։

«Թուրքիայի վերաբերմունքն ապացուցում է, որ աշխարհում սկսվել է ցեղասպանության ճանաչման շատ ճիշտ գործընթաց։ Հատկապես դրա ճանաչումը ԱՄՆ-ի կողմից, որը լուրջ ազդեցություն ունի Թուրքիայի վրա և երբեևէ թշնամական վերաբերմունք չի ունեցել նրա նկատմամբ, ցեղասպանության փաստն արդեն անվիճելի է դարձնում»,- կարծում է Ռուստամյանը։

Խորհրդարանականի կարծիքով, Թուրքիայի բոլոր հուսահատ ջանքերը, ուղղված ԱՄՆ կոնգրեսում 106-րդ բանաձևի դրական քվեարկությանը խանգարելուն, վկայում են Անկարայի արտաքին քաղաքականության համար այս հարցի էական նշանակության մասին։

«Հիմա Թուրքիան իր բոլոր ուժերն ուղղել է ԱՄՆ-ում այս բանաձևի ընդունման գործընթացին խանգարելուն և կոնգրեսականների վրա ազդելուն։ Սա պատճառ հանդիսացավ, որպեսզի նրանցից ոմանք հետ վերցնեն բանաձևի տակ դրված իրենց ստորագրությունները։ Սակայն Թուրքիային դժվար թե հաջողվի լուրջ արդյունքների հասնել նման քաղաքականությամբ»,- ասաց պատգամավորը։

ԱՄՆ Կոնգրեսի Ներկայացուցիչների պալատի խոսնակ, դեմոկրատ Նենսի Փելոսին կասկած է հայտնել 1915-1923 թթ.-ին Օսմանյան կայսրությունում թուրքական կողմից իրագործված Հայոց ցեղասպանության փաստը ճանաչող  106-րդբանաձևի քվեարկության դրական ընթացքի կապակցությամբ:

Հոկտեմբերի 10-ին,  27 կողմ և 21 դեմ ձայներով ԱՄՆ Կոնգրեսի ներկայացուցիչների պալատի արտաքին հարաբերությունների հանձնաժողովն անտեսեց Բուշի առարկությունները և հաստատեց բանաձևը՝ կոչ անելով Միացյալ Նահանգների արտաքին քաղաքականության մեջ արտահայտել Օսմանյան թուրքական կայսրության կողմից հայերի դեմ գործված ցեղասպանության փաստը։

Հայոց մեծ եղեռնը 20-րդ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին մոտ մեկ ու կես միլիոն հայերի ջարդը և շատ ցավագին է ընդունում Արևմուտքի քննադատությունը Հայոց ցեղասպանության հարցի վերաբերյալ։

1915-1923թթ. Օսմանյան Թուրքիայում իրագործված Հայոց ցեղասպանության փաստը ընդունվել է աշխարհի շատ երկրների, ինչպես նաև ԱՄՆ 40 նահագների կողմից։ --0—

Loading...
Թեմատիկ նյութեր
Բաժնի այլ նյութեր
16:47
16 Դեկտեմբերի 2017
Արձանագրությունների ստորագրումից հետո էլ, այսօր էլ գնդակը թուրքական կիսադաշտում է. ՀՀ ԱԳՆ
ՀՀ ԱԳՆ-ն հայտարարություն է տարածելցյուրիխյան արձանագրությունների վերաբերյալ Թուրքիայի վերջին հայտարարության վերաբերյալ:
17:36
15 Դեկտեմբերի 2017
Հայաստանում ԵՄ պատվիրակության ղեկավարը խոսել է ԵՄ–ի հետ ստորագրված համաձայնագրի դրական կողմերի մասին
Նա ընդգծեց նաև, որ հայկական իշխանությունները գործադրում են անհրաժեշտ բոլոր ջանքերը, որպեսզի երկրի քաղաքացիները ավելի շուտ զգան համաձայնագրի դրական ազդեցությունը:
13:09
15 Դեկտեմբերի 2017
Թուրք լրագրողը հարձակվել է հայ քաղաքագետի վրա «Զվեզդա» հեռուստաալիքի եթերում (ՎԻԴԵՈ)
Թուրք լրագրողը «Զվեզդա» հեռուստաալիքի «Process» (Процесс) հաղորդման ժամանակ հարձակվել է հայ քաղաքագետ Սարգիս Ծատուրյանի վրա:
20:09
14 Դեկտեմբերի 2017
Հայաստանի դիրքորոշումը հայ–թուրքական արձանագրությունների հարցում անփոփոխ է. ԱԳՆ
Հայաստանի դիրքորոշումը Թուրքիայի հետ հարաբերությունների բարելավման արձանագրությունների հարցում անփոփոխ է մնում:
19:21
14 Դեկտեմբերի 2017
Թուրքիան հայտարարել է, որ հավատարիմ է Հայաստանի հետ հարաբերությունների բարելավմանն ուղղված արձանագրություններին
Թուրքիան պահպանում է Հայաստանի հետ հարաբերությունների բարելավմանն ուղղված արձանագրությունների նկատմամբ իր հավատարմությունը:
15:29
13 Դեկտեմբերի 2017
Հայաստանը 2018–ը գարունը կդիմավորի առանց հայ-թուրքական արձանագրությունների. ԱԳՆ
Հայաստանի և Թուրքիայի հարաբերությունների կարգավորման գործընթացը 2008 թ.–ի աշնանը նախաձեռնել է ՀՀ նախագահ Սերժ Սարգսյանը։
18:19
12 Դեկտեմբերի 2017
ՄԻԵԴ–ը պարտավորեցրել է Ադրբեջանին 35000 եվրո վճարել հայ փախստականի ընտանիքին
Մարդու իրավունքների եվրոպական դատարանը հրապարակել է «Սարգսյանն ընդդեմ Ադրբեջանի» գործով փոխհատուցման որոշումը։
11:09
12 Դեկտեմբերի 2017
Հայաստանի ԱԳՆ ղեկավարը կմեկնի Հունաստան
Հայաստանի արտաքին գործերի նախարար Էդվարդ Նալբանդյանը դեկտեմբերի 12-13–ին պաշտոնական այցով կմեկնի Հունաստան։
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։