484.68
+0.06
530.14
+2.1
8.5
-0.03
+9
Եղանակը Երևանում
Հայ
Հայկական ներուժի դրսևորման գլխավոր ուղին կայուն ժողովրդավարական Հայաստանի կառուցումն է. վարչապետ
17:22
16 Հոկտեմբերի 2007

ԵՐԵՎԱՆ, 16 հոկտեմբերի./Նովոստի-Արմենիա/. Հայոց ներուժի դրսևորման միակ արդյունավետ ճանապարհը կայուն ժողովրդավարական Հայաստանի կառուցումն է` ազատական տնտեսությամբ և մարտունակ բանակով: Այս մասին երեքշաբթի հայտարարեց Հայաստանի վարչապետ Սերժ Սարգսյանը՝ ընդունելով  Համաշխարհային հայկական կոնգրեսի (ՀՀԿ) և Ռուսաստանի հայերի միության (ՌՀՄ) նախագահ Արա Աբրահամյանի գլխավորած պատվիրակությանը:

Ինչպես «Նովոստի-Արմենիա» գործակալությանը հայտնեցին ՀՀ կառավարության տեղեկատվության և հասարակայնության հետ կապերի վարչությունից, Սերժ Սարգսյանն ընդգծել է, որ Հայաստանը քիչ բնական ռեսուրսներ ունի, նրա հարստությունը կրթված, աշխատասեր, ձեռներեց ժողովուրդն է։

Ողջունելով պատվիրակության անդամներին` վարչապետը նշել է, որ Հայաստանում մշտապես հետաքրքրությամբ են հետևում Ռուսաստանի հայերի միության և Համաշխարհային հայկական կոնգրեսի հայանպաստ գործունեությանը:

Նրա խոսքերով, Հայրենիքի և Սփյուռքի ծրագրերը` նպատակաուղղված ուժեղ պետություն և ուժեղ սփյուռք ձևավորելու գործընթացին, համահունչ են, և այդ նպատակներին հասնելու ճանապարհի համագործակցությունը կարելի է բնութագրել որպես արդյունավետ։

Կարևորելով  Հայաստան-Սփյուռք կապերի զարգացման նշանակությունը մեր պետության և ժողովրդի առջև ծառացած հիմնախնդիրների լուծման գործում` Հայաստանի կառավարության ղեկավարը միաժամանակ ընդգծել է, որ, ցավոք, Սփյուռքի ներուժը դեռևս լիարժեքորեն չի օգտագործվում:

Միաժամանակ, ըստ նրա, այդ հնարավորությունները շատ մեծ են և նպատակային աշխատանքի դեպքում արդյունքները շոշափելի կլինեն:

Այդ ուղղությամբ նախատեսվող որոշակի քայլերի թվում Սերժ Սարգսյանը կարևորել է Հայաստանում և Սփյուռքում` հատկապես հայապահպանության բնագավառում, իրականացվող ծրագրերին պետության մասնակցության և նախաձեռնությունների ակտիվացումը, ինչը, նրա կարծիքով, ոչ միայն կխթանի բարերարների գործունեությունը, այլև կնպաստի գործարարների շրջանում պետության նկատմամբ վստահության աճին:

Իր հերթին, շնորհակալություն հայտնելով վարչապետին` Սփյուռքի հայկական կազմակերպությունների և, մասնավորապես, Ռուսաստանի հայերի միության գործունեությանը տված բարձր գնահատականի համար, Արա Աբրահամյանը ևս արտահայտվել է սփյուռքի ներուժն առավել արդյունավետորեն օգտագործելու օգտին:

Նա ներկայացրեց վերջին մի քանի տարիներին Հայաստանում և Լեռնային Ղարաբաղում Ռուսաստանի հայերի միության կողմից գյուղատնտեսության, բնակարանաշինության, առողջապահության, կրթության, գիտության, մշակույթի և այլ ոլորտներում իրականացվող ծրագրերը։

Հանդիպման ժամանակ սփյուռքի հայ համայնքների ղեկավարները ևս իրենց աջակցությունն են հայտնել  Հայրենիք-Սփյուռք կապերի հետագա սերտացմանը` առաջարկություններ ներկայացնելով համագործակցության տարբեր խնդիրների վերաբերյալ:

Մասնավորապես, Վրաստանի հայերի միության փոխնախագահ, Համաշխարհային հայկական կոնգրեսի գլխավոր խորհրդի բյուրոյի անդամ Վան Բայբուրդյանը շնորհակալություն է հայտնել ՀՀ վարչապետին և ՀՀ կառավարությանը` վիրահայությանը, մասնավորապես, Ջավախքին, նրա մշակութային  ու կրթական օջախներին ցուցաբերվող օգնության համար:

Ռամկավար ազատական կուսակցության փոխատենապետ, Համաշխարհային հայկական կոնգրեսի գլխավոր խորհրդի անդամ Երվանդ Ազատյանը, ողջունելով Սփյուռքի հարցերով պետական կառույցի ստեղծման գաղափարը, նշել է, որ դա կնպաստի սփյուռքահայ համայնքների հետ հայրենիքի կապերի ամրապնդմանը, ինչպես նաև այդ համայնքների գործունեության համակարգմանը` ի շահ համազգային նպատակների իրագործման: --0—

Loading...
Թեմատիկ նյութեր

Բաժնի այլ նյութեր
21:09
27 Ապրիլի 2017
Շարմազանով. տեսանելի ապագայում ՀՀԿ-ն ու ՀՅԴ-ն համագործակցության նոր փաստաթուղթ կստորագրեն
Տեսանելի ապագայում ՀՀԿ-ն ու ՀՅԴ-ն կստորագրեն համագործակցության նոր փաստաթուղթ:
14:04
26 Ապրիլի 2017
Մոսկվայում կկայանա Հայաստանի, ՌԴ-ի և Ադրբեջանի ԱԳ նախարարների հանդիպումը
Մոսկվայում կկայանա Ռուսաստանի, Հայաստանի և Ադրբեջանի արտգործնախարարների եռակողմ հանդիպումը։
11:13
26 Ապրիլի 2017
Նախօրեին վիճել են ՀՀ վարչապետ Կարեն Կարապետյանն ու ՀՅԴ բյուրոյի պատասխանատուն
Խոսակցության թեման եղել է նոր կառավարության կազմը և ՀՅԴ-ի պորտֆելները:
13:47
15 Ապրիլի 2017
ՌԴ-ում ՀՀ դեսպան. Անկարան տարածաշրջանային ապակառուցողական քաղաքականություն է վարում
Ռուսաստանում Հայաստանի դեսպան Վարդան Տողանյանը կարծում է, որ Անկարան տարածաշրջանային ապակառուցողական քաղաքականություն է վարում:
14:52
13 Ապրիլի 2017
ՀՀ նախագահն աշխատանքային այցով մեկնել է Ղրղըզստան
ՀՀ նախագահ Սերժ Սարգսյանն այսօր աշխատանքային այցով մեկնել է Ղրղըզստանի Հանրապետություն:
17:26
12 Ապրիլի 2017
Թրամփը, հնարավոր է, ապրիլի 24-ին արտասանի «ցեղասպանություն» բառը
ԱՄՆ նախագահ Դոնալդ Թրամփն ապրիլի 24-ի ելույթում, հնարավոր է, օգտագործի «ցեղասպանություն» եզրը:
12:09
12 Ապրիլի 2017
Դաշնակների ախորժակն էլ ավելի է մեծացել
Խորհրդարանական ընտրություններում ՀՅԴ-ի հաջողություններով պայմանավորված՝ պարզվում է՝ նրանց ախորժակն էլ է մեծացել։
11:14
12 Ապրիլի 2017
Շառլ Ազնավուրն այլևս չի լինելու ՀՀ դեսպանը Շվեյցարիայում. հայտնի է դեսպանի նոր թեկնածուի անունը
93-ամյա աշխարհահռչակ շանսոնյե Շառլ Ազնավուրն այլևս չի լինելու Հայաստանի արտակարգ և լիազոր դեսպանը Շվեյցարիայում և ՄԱԿ-ի Ժնևյան գրասենյակում:
20:17
11 Ապրիլի 2017
ՀՀ նախագահ. Հայաստանի համար բարեկամ Վրաստանի հետ հարաբերությունները թանկ են
ՀՀ նախագահ Սերժ Սարգսյանը երեքշաբթի ընդունել է Վրաստանի արտաքին գործերի նախարար Միխեիլ Ջանելիձեին։
17:10
11 Ապրիլի 2017
Նալբանդյան. Հայաստանի և Վրաստանի միջև խնդիրներ չկան
Երկու երկրների միջև հարաբերությունները զարգանում են փոխշահավետ համագործակցության ոգով, երեքշաբթի լրագրողներին ասաց ՀՀ արտգործնախարարը:
11:14
11 Ապրիլի 2017
Գագիկ Ծառուկյանն անձամբ է գլխավորելու «Ծառուկյան» խմբակցությունը
«ԲՀԿ նախագահ Գագիկ Ծառուկյանը որոշել է անձամբ գլխավորել «Ծառուկյան» խմբակցությունը:
20:45
07 Ապրիլի 2017
Կոնգրես-ՀԺԿ դաշինքը կդիմի ԿԸՀ և ՍԴ ընտրությունները անվավեր ճանաչելու պահանջով
ՀՀ առաջին նախագահ Լևոն Տեր–Պետրոսյանի գլխավորած Կոնգրես-ՀԺԿ դաշինքը կպահանջի անվավեր ճանաչել ապրիլի 2–ին կայացած խորհրդարանական ընտրությունները գրանցված խախտումների պատճառով: