478.42
-0.15
561.67
-0.12
8.1
+0.05
+24
Եղանակը Երևանում
Հայ
Մի շարք հայկական ընդդիմադիր կուսակցություններ նշել են Երրորդ հանրապետության առաջին նախագահի ընտրության օրը
15:42
16 Հոկտեմբերի 2007

Մի շարք հայկական ընդդիմադիր կուսակցություններ նշել են Հայաստանի երրորդ հանրապետության առաջին նախագահի ընտրության օրը։

Ինչպես միջոցառման ընթացքում նշեց կազմակերպիչներից մեկը՝ «Այլընտրանք» հասարակական քաղաքացիական նախաձեռնության անդամ Մուշեղ Միլիտոնյանը, 1991թ. հոկտեմբերի 16-ին ժողովրդի կամքի արտահայտությամբ ընտրվեց Երրորդ հայկական հանրապետության նախագահ Լևոն Տեր-Պետրոսյանը։

 «Դա բացառիկ ընտրություն էր, որի արդյունքում հայ ժողովուրդն ունեցավ ոչ թե արտասահմանյան պետությունների կողմից նշանակված նախագահ, այլ երկրի ղեկավար, որին ընտրել էր սեփական ժողովուրդը՝ ազատ և արդար ընտրությունների միջոցով»,-նշեց Միլիտոնյանը։

Քաղաքական ուժերի ներկայացուցիչները շնորհավորեցին հայ ժողովրդին՝ Հայաստանի պատմության մեջ կարևոր այդ տարեթվի կապակցությամբ՝ հույս հայտնելով, որ այդ օրը կհիշվի որպես Երրորդ հայկական անկախ հանրապետության կազմավորման կարևոր իրադարձություն։

Իր հերթին Հայոց համազգային շարժման երիտասարդական թևի  ղեկավար Կարեն Կարապետյանն ասաց, որ այդ օրը դրվեց հայկական պետականության, ազատության, ժողովրդավարության և անկախության հիմքը։

Նա նշեց, որ Հայաստանի առաջին նախագահի ժողովրդավարության, վստահության, պրագմատիզմի և շճգրիտ հաշվարկի հաշվին հնարավոր եղավ հաջողության հասնել ղարաբաղյան հակամարտության կարգավորման, հարևան երկրների հետ նորմալ հարաբերությունների հաստատման հարցում, հնարավոր եղավ հաղթահարել երկրի համար ծանր անցումային տարիները։

«Սակայն վերջին 9 տարիների ընթացքում հայ հասարակայնությանը էական վնաս է հասցվել, մասնավորապես, ղարաբաղյան հարցը փակուղի է մտցվել, Հայաստանը մեկուսացած է աշխարհից, դուրս է մնացել բոլոր խոշոր տարածաշրջանային նախագծերից»,-ասաց Կարապետյանը։

Ավելին, նա նշեց, որ անցած տարիների ընթացքում փոշիացվել է քաղաքական դաշտը, ընտրությունները սկսել են ձևական բնույթ կրել, ինչի արդյունքում ձևավորվել է մեր հասարակությանը ոչ արժանի իշխանություն։

«Վստահ եմ, որ շուտով Հայաստանը կրկին կկանգնի ժողովրդավարության ուղու վրա, իսկ նախագահ կդառնա ժողովրդի կողմից ընտրված առաջնորդը»,-ասաց Կարապետյանը։

Միջոցառման կազմակերպիչներն են «Այլընտրանք» հասարակական քաղաքացիական նախաձեռնությունը, «Երիտասարդ պահպանողականներ» հասարակական կազմակերպությունը, «Հանրապետություն» կուսակցությունը, ՀՀՇ-ն, Հնչակյան սոցիալ-դեմոկրատական կուսակցությունը։

1991թ. սեպտեմբերին Հայաստանի Հանրապետության պատմության մեջ նախագահական առաջին ընտրություններում հաղթեց Հայոց համազգային շարժում կուսակցության կողմից առաջադրված թեկնածու Լևոն Տեր-Պետրոսյանը։

Հինգ տարի անց՝ 1996թ. սեպտեմբերյան ընտրություններին Լ. Տեր-Պետրոսյանը պահպանեց նախագահի աթոռը, թեև ընդդիմությունը և մի շարք միջազգային հեղինակավոր կազմակերպություններ ընտրությունների արդյունքները կեղծված համարեցին։ 1998թ. փետրվարին Տեր-Պետրոսյանը, իշխանական վերնախավում ղարաբաղյան հիմնահարցի լուծման վերաբերյալ առաջացած տարաձայնությունների պատճառով, հայտարարեց իր լիազորությունների վաղաժամ դադարեցման մասին և հրաժարական տվեց։

Հայաստանում նախագահական ընտրությունները կանցկացվեն 2008 թ. առաջին կեսին։

Սեպտեմբերի 21-ին Հայաստանի նախկին նախագահ Լևոն Տեր-Պետրոսյանը ՀՀՇ-ի կողմից կազմակերպված ընդունելության ժամանակ առաջին անգամ խախտեց տասնամյա լռությունը՝ հայտարարելով, որ չի բացառում նախագահական ընտրություններում իր մասնակցությունը։--0--

Loading...
Թեմատիկ նյութեր
Բաժնի այլ նյութեր
11:27
21 Օգոստոսի 2017
ՀՀ ԱԳՆ–ն մեկնաբանել է ԵՏՄ մաքսային գոտուն միանալու Թուրքիայի մտադրությունը
ՀՀ փոխարտգործնախարար Շավարշ Քոչարյանը ԱԳՆ–ի Twitter–յան էջում մեկնաբանել է ԵՏՄ մաքսային գոտի մուտք գործելու Թուրքիայի ցանկությունը։
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։