478.42
-0.15
561.67
-0.12
8.1
+0.05
+24
Եղանակը Երևանում
Հայ
Մոտ 50 ուսումնական հաստատություն է ներկայացված Երևանում անցկացվող «Կրթություն և կարիերա EXPO 2007» միջազգային ցուցահանդեսին
14:57
16 Հոկտեմբերի 2007

Երևանի «Մոսկվայի տանը» երեքշաբթի մեկնարկել է «Կրթություն և կարիերա EXPO 2007» ութերորդ միջազգային մասնագիտացված ցուցահանդեսը։

Ինչպես բացման արարողությանը տեղեկացրեց «LOGOS EXPO» ցուցահանդեսային ընկերության գործադիր տնօրեն Արա Ստեփանյանը, երեք աշխատանքային օրերի ընթացքում ցուցահանդեսի այցելուներին կներկայացվի կարևորագույն բնագավառներից մեկը՝ կրթությունը։ «Նման ցուցահանդեսի անցկացումը առանձնապես հրատապ է այսօր, երբ Հայաստանում տեղի է ունենում կրթության ողջ բնագավառի բարեփոխման գործընթաց», - նշեց նա։

 Միաժամանակ Ստեփանյանը ավելացրեց, որ ցուցահանդեսի հիմնական այցելուները կլինեն դիմորդներ, ինչպես նաև բուհերի շրջանավարտներ։ «Ցուցահանդեսը նաև աջակցում է կրթական հաստատությունների և ձեռնարկությունների միջև, ինչպես նաև գործատուի և աշխատողի միջև կապերի հաստատմանը», - ավելացրեց նա։

Ցուցահանդեսին մասնակցում են Հայաստանում և արտասահմանում գործող ավելի քան 50 կրթական հաստատություններ և կազմակերպություններ, այդ թվում նաև ՀՀ կրթության և գիտության նախարարության կրթության ազգային ինստիտուտը, Երևանի պետական համալսարանը, Ռուս-հայկական (Սլավոնական) պետական համալսարանը, Կոմիտասի անվ. Երևանի պետական կոնսերվատորիան, բիզնեսի միջազգային մոսկովյան բարձրագույն դպրոցը։ Բացի դրանից, ցուցահանդեսի շրջանակներում բացվել են Հայաստանում կրթական ծրագրեր իրագործող միջազգային դոնորային կազմակերպությունների տաղավարներ։

 «Կրթություն և կարիերա EXPO 2007» ցուցահանդեսը անց է կացվում հետևյալ թեմատիկ բաժիններով. բարձրագույն կրթություն (ակադեմիաներ, համալսարաններ, ինստիտուտներ), միջին մասնագիտական կրթություն (քոլեջներ, տեխնիկումներ, գիմնազիաներ), կադրերի վերապատրաստում, օտար լեզուներ, կրթություն արտասահմանում, փոխանակման ծրագրեր, աշխատանքի տեղավորում, միջազգային կազմակերպություններ, տեղեկատվական տեխնոլոգիաները կրթական համակարգում, դասագրքեր, գրենական պիտույքներ, գրենական և դպրոցական կահույք։

«Կրթություն և կարիերա EXPO 2007» ցուցահանդեսը կազմակերպվել է LOGOS EXPO Center ընկերության կողմից՝ ՀՀ կրթության և գիտության նախարարության պաշտոնական աջակցությամբ։

 LOGOS EXPO Center-ը առաջին մասնավոր ցուցահանդեսային ընկերությունն է Հայաստանում, որը համարվում է առաջատար Հայաստանում և արտասահմանում ոլորտային, արդյունաբերական, ազգային և միջազգային ցուցահանդեսների ու կոնգրեսների կազմակերպման գործում։

Ընկերությունը գործում է Հայաստանում 1999 թ.-ից։ Գործունեության տարիներին ընկերության կողմից կազմակերպված ցուցահանդեսներին մասնակցել է Հայաստանի և արտասահմանի ավելի քան 1000 կազմակերպություն, իսկ այցելուների թիվը հասել է 45 հազ.։

Վերջին վեց տարիների ընթացքում LOGOS EXPO Center-ը կազմակերպել է տնտեսության տարբեր սեկտորների ավելի քան 72 մասնագիտական և միջազգային ցուցահանդեսներ։-0-

Loading...
Թեմատիկ նյութեր
Բաժնի այլ նյութեր
11:27
21 Օգոստոսի 2017
ՀՀ ԱԳՆ–ն մեկնաբանել է ԵՏՄ մաքսային գոտուն միանալու Թուրքիայի մտադրությունը
ՀՀ փոխարտգործնախարար Շավարշ Քոչարյանը ԱԳՆ–ի Twitter–յան էջում մեկնաբանել է ԵՏՄ մաքսային գոտի մուտք գործելու Թուրքիայի ցանկությունը։
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։