482.01
-0.12
540.96
+2.13
8.56
+0.01
+14
Եղանակը Երևանում
Հայ
ԱՄՓՈՓՈՒՄ - ԱՄՆ Կոնգրեսի Ներկայացուցիչների պալատն ընդունեց բանաձև Հայոց Ցեղասպանության փաստի վերաբերյալ
13:00
12 Հոկտեմբերի 2007

«Մենք ակնկալում ենք, որ այս գործընթացը կհանգեցնի ԱՄՆ-ի կողմից Եղեռնի լիակատար ճանաչմանը»,-նշել է նախագահը։

ՀՀ Ազգայի ժողովի նախագահ Տիգրան Թորոսյանը շնորհակալություն է հայտնել ամերիկացի կոնգրեսականներին՝ Հայոց Ցեղասպանության մասին 106-րդ բանաձևին հավանություն տալու համար։

«Մենք շնորհակալություն ենք հայտնում Կոնգրեսի մեր գործընկերներին, որոնք դրսևորեցին բարձր բարոյական որակներ և չենթարկվեցին բազմաթիվ ճնշումների՝ Ներկայացուցիչների պալատի արտաքին հարաբերությունների հանձնաժողովում կողմ քվեարկելով Ցեղասպանության մասին բանաձևին», - հայտարարել է Տիգրան Թորոսյանը՝ հինգշաբթի խորհրդարանի արտահերթ նիստի ժամանակ։

Բանաձևը ողջյունել է նաև Հայաստանի ԱԳՆ-ն։

«Դա արդարության հաստատման ուղղությամբ կարեւոր քայլ էր»,- ասված է  Հայաստանի ԱԳ նախարարի մամլո քարտուղար Վլադիմիր Կարապետյանի հաղորդագրությունում։

ՀՀ ԱԺ փոխխոսնակ Վահան Հովհաննիսյանի խոսքերով, ամերիկյան կոնգրեսականների հավանությանն արժանացած 106-րդ բանաձևը լուրջ խթան է հայ-թուրքական հարաբերությունների զարգացման համար։

«Լուրջ հիմքեր կան կարծելու, որ Կոնգրեսի լիագումար նիստը փաստաթուղթ կընդունի, և մենք կկարողանանք ապացուցել, որ հայությունը լուրջ գործոն է միջազգային քաղաքականության մեջ»,- ասաց Հովհաննիսյանը։

Նա նշել է, որ երեկ հանձնաժողովում տեղի ունեցած քվեարկությունը վկայում է պատմական արդարադատության մասին։

«Սա, իսկապես, կարող է լուրջ խթան դառնալ հայ-թուրքական հարաբերությունների զարգացման համար, քանի որ «ցեղասպանությունը խանգարում է հայ-թուրքական հարաբերություններին» թեզը պարզապես սուտ է»,- համարում է Հովհաննիսյանը։

 Հայաստանում և Ղարաբաղում Ամերիկայի հայկական համագումարի տարածաշրջանային տնօրեն Արփի Վարդանյանի կարծիքով ամերիկացի կոնգրեսականների կողմից Օսմանյան Թուրքիայում իրագործված հայոց ցեղասպանության ընդունման փաստի օրինակին կարող են հետևել աշխարհի շատ երկրներ։

«ԱՄՆ Կոնգրեսի կարծիքը մեծ հեղինակություն ունի աշխարհի շատ երկրների համար, և ԱՄՆ Կոնգրեսի Ներկայացուցիչների պալատի արտաքին հարաբերությունների հանձնախմբի կողմից Հայոց ցեղասպանության մասին 106-րդ բանաձևի ընդունումը կարող է օրինակ դառնալ նրանց համար»,- ասել է նա։

Վարդանյանը նշել է, որ Թուրքիան ինքն է գիտակցում ամբողջ աշխարհում շղթայական ռեակցիայի վտանգավորությունը և միջոցներ է ձեռնարկում նման իրավիճակը կանխելու համար։

Իր հերթին Լրատվամիջոցների կովկասյան ինստիտուտի տնօրեն, «ՌԻԱ-Նովոստիի» փորձագիտական խորհրդի անդամ Ալեքսանդր Իսկանդարյանը հայտարարել է, որ Եղեռնի հարցը Թուրքիայի վրա Արևմուտքի ճնշման փաստարկներից մեկն է։

 «Հայերի Ցեղասպանության հարցը այն ոչ մեծ, բայցևայնպես փաստարկներից մեկն է, որոնք ցույց են տալիս, թե ինչպես է Արևմուտքը ազդում Թուրքիայի վրա։ Դա Թուրքիայի Արևմուտքի հետ մեծ խաղի կետերից մեկն է»,-հայտարարել է քաղաքագետը։

Ինչպես կարծում է Իսկանդարյանը, 106-րդ բանաձևի ընդունումը դժվար թե գլոբալ և  ուժեղ կերպով ազդի Հայաստանի և Թուրքիայի հարաբերություների վրա, քանի որ երկու երկրների միջև գրեթե ոչ մի կապ չկա։

Քաղաքագետը կանխատեսում է, որ ԱՄՆ-ի կոնգրեսի կոմիտեի որոշումից հետո պաշտոնական Անկարայի և թուրքական մամուլի կողմից բացասական հայտարարություններ կլինեն և, միևնույն ժամանակ, դրական արձագանքներ սփյուռքի և Հայաստանի կողմից։

Կես տարի անց, ըստ Իսկանդարյանի, այդ ամենը կանցնի, և բանաձևի ընդունման փաստը կմնա անցյալում, ինչպես աշխարհում ընդունված տասնյակ նման բանաձևերից մեկը։

«Բայց գործընթացը կմնա, և Թուրքիան կշարունակի արձագանքել նրան»,-վստահ է փորձագետը։

ՀՀ ԳԱԱ արևելագիտության ինստիտուտի տնօրեն Ռուբեն Սաֆրաստյանը գտնում է, որ հայոց ցեղասպանության մասին բանաձևը  մեծ շանսեր ունի ԱՄՆ կոնգրեսի Ներկայացուցիչների պալատի կողմից ընդունվելու համար, եթե քվեարկության դրվի մինչև նոյեմբերի կեսերը։

«Այն, որ Ներկայացուցիչների պալատի միջազգային գործերով հանձնախումբը նախօրեին դրական որոշում է ընդունել այս օրինագծի վերաբերյալ և այն ներկայացրել է Կոնգրեսի ներքին պալատի նախագահ Նենսի Փըլոսիին՝ բավական դրական երևույթ է։

Սակայն արտաքին կապերով հանձնախմբի և Կոնգրեսի կողմից  բանաձևի քննարկման միջև ընկած ժամանակահատվածում Թուրքիան կեռապատկի այս օրինագիծը փակելու իր ջանքերը»,- ասել է Սաֆրաստյանը։

Նրա խոսքերով, հարկավոր է հաշվի առնել ժամանակի գործոնը։ Մասնավորապես՝ Սաֆրաստյանը նշել է, որ Փըլոսին իրավունք ունի ընտրել բանաձևը պալատի քննարկմանը ներկայացնելու պահը։

«Նոյեմբերի կեսին Կոնգրեսի ներքին պալատի ներկայիս նստաշրջանը վերջացնում է իր աշխատանքը, և Փըլոսին կարող է բանաձևը քննարկման ներկայացնել մինչ այդ կամ հաջորդ տարվա սկզբին։ Ժամանակը շատ մեծ նշանակություն ունի, քանի որ Սպիտակ տան վարչակազմը մեծ ջանքեր է գործադրում, որպեսզի արգելափակի որոշման ընդունումը»,- ասել է փորձագետը։

Հայոց ցեղասպանության փաստի վերաբերյալ ԱՄՆ կոնգրեսի բանաձևի ընդունումը մեծ արձագանք է ստացել Թուրքիայում։

Թուրքիայի արտաքին գործերի նախարարությունը հայտարարել է, որ ԱՄՆ Կոնգրեսի կողմից Առաջին Համաշխարհային Պատերազմի տարիներին Օսմանյան կայսրության  իրականացրած Հայոց Ցեղասպանության փաստի ճանաչումը կվնասի ամերիկա-թուրքական հարաբերություններին։

Ջորջ Բուշի վարչակազմը  վերջին օրերին մեկ անգամ չէ, որ բոլոր հնարավոր մակարդակնեից հանդես է եկել բանաձևի ընդունման դեմ։

Ջորջ Բուշի վարչակազմը ափսոսանք է հայտնել, որ ԱՄՆ Կոնգրեսի արտաքին հարաբերությունների հանձնաժողովը որոշում է ընդունել հաստատելու Հայոց Ցեղասպանության մասին բանաձևը, և նախկինի պես դեմ է այդ փաստաթղթին, ասվում է Վաշինգտոնում տարածված ԱՄՆ պետդեպարտամենտի հայտարարության մեջ։

«Վարչակազմը շարունակում է վճռականորեն առարկել այդ բանաձևի դեմ, որի ընդունումը հսկայական վնաս կհասցնի ամերիկա-թուրքական հարաբերություններին, ինչպես նաև ԱՄՆ շահերին Եվրոպայում և Մերձավոր Արևելքում», - ասվում է հայտարարության մեջ։

Այդ հայտարարության մեջ ընդգծվում է, որ բանաձևի ընդունումը «չի բարելավի հայ-թուրքական հարաբերությունները և առաջ չի մղի թուրքերի և հայերի  հաշտեցումը՝ 1915 թ.-ի սարսափելի դեպքերին առնչվող հարցի վերաբերյալ»։

«ԱՄՆ-ն ընդունում է հայ ժողովրդի կրած սարսափելի տառապանքները՝ առաջացած  Օսմանյան կայսրության վերջին տարիների զանգվածային սպանությունների և բռնի տեղահանությունների պատճառով։ Մենք կողմ ենք, որպեսզի Առաջին Համաշխարհային Պատերազմի տարիներին մեկուկես միլիոն հայերի մահված պատճառ դարձած վայրագությունները լիարժեք և անկեղծ պատասխան ստանան, սակայն սույն բանաձևը դա չի ապահովում», - ասվում է փաստաթղթում։

Նախօեին ԱՄՆ պետքարտուղար Կոնդոլիզա Ռայսը և պաշտպանության նախարար Ռոբբերտ Գեյթսը Կոնգրեսին նամակ էին հղել, որում ընդգծել էին, թե բանաձևի ընդունումը «զգալի սպառնալիք է ԱՄՆ ազգային անվտանգության համար»։

Մինչ այդ, ԱՄՆ-ի նախկին ութ պետքարտուղարներ Մադլեն Օլբրայթը, Ջեյմս Բեյքերը, Ուորեն Քրիստոֆերը, Լորենս Իգլբերգերը, Ալեքսանդր Հայգը, Հենրի Կիսենջերը, Քոլին Փաուելը և Ջորջ Շուլցը դիմել են Նենսի Փըլոսիին՝ պահանջելով Ներկայացուցիչների պալատի քվեարկությանը չդնել Հայոց ցեղասպանության ճանաչումը նախատեսող106-րդ բանաձևը։

Նրանց կարծիքով այս հարցը քննարկման դնելով, նրանք անհնարին կդարձնեն Թուրքիայի և Հայաստանի հաշտությունը, դա կփչացնի ԱՄՆ-ի հարաբերությունները պաշտոնական Թուրքիայի հետ, կհարվածի ԱՄՆ-ի միջազգային և ազգային շահերին, ինչպես նաև Իրաքում և Աֆղանստանում ռազմական գործողություններ իրականացնելու սպառանլիք կստեղծի։

Ամերիկայի հայկական ազգային կոմիտեի՝ ԱՄՆ-ի հայկական համայնքի խոշորագուն կազմակերպության տվյալներով, իր նախընտրական արշավի ժամանակ Ջ. Բուշը խոստացել էր հրապարակայնորեն ընդունել Հայոց Ցեղասպանությունը, սակայն դառնալով նախագահ՝ նա իր խոստումը չէր կատարել։

Անցած տարիներին նման բանաձևերն արդեն մի քանի անգամ հաստատվել են այդ հանձնաժողովի կողմից, և հարցի ողջ պատմության ընթացքում Հայոց Ցեղասպանության մասին բանաձևը ողջ կազմով ներկայացուցիչների պալատում երկու անգամ դրվել է քվեարկության, սակայն ոչ մի անգամ չի հավաքել անհրաժեշտ քանակով ձայներ։

Բանաձևը նման տեսքով առաջին անգամ է վայելում ներկայացուցիչների պալատի կազմի ավելի քան կեսի աջակցությունը, ինչը գործնականորեն երաշխավորում է նրա հաստատումը, եթե այն դրվի ողջ կազմով պալատի նիստի քվեարկությանը։-0-

Loading...
Թեմատիկ նյութեր
Բաժնի այլ նյութեր
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա:
11:26
03 Մայիսի 2017
Ի՞նչ պաշտոն կզբաղեցնի Արփինե Հովհաննիսյանը և ո՞վ կփոխարինի նրան նախարարի պաշտոնում
Արդարադատության նախարար Արփինե Հովհաննիսյանն առաջիկայում հրաժարական կտա զբաղեցվրած պաշտոնից։