478.42
-0.15
561.67
-0.12
8.1
+0.05
+21
Եղանակը Երևանում
Հայ
ԱՄՆ-ի Կոնգրեսի կողմից Հայոց Ցեղասպության մասին բանաձևի ընդունումը անհրաժեշտ է Թուրքիային՝«ոճրագործի դարավոր խարանից ձերբազատվելու» համար. ՀՀ ԱԺ խոսնակ
12:25
12 Հոկտեմբերի 2007

ԵՐԵՎԱՆ, 12 հոկտեմբերի. /Նովոստի-Արմենիա/. ԱՄՆ-ի Կոնգրեսի կողմից Հայոց Ցեղասպանությունը ճանաչող 106-րդ բանաձևի ընդունումը անհրաժեշտ է առաջին հերթին Թուրքիային՝ «ոճրագործի դարավոր խարանից ձերբազատվելու» համար։ Այս մասին հինգշաբթի Երևանում հայտարարել է Հայաստանի խորհրդարանի խոսնակ Տիգրան Թորոսյանը Հայաստանում Ավստրիայի նորանշանակ դեսպան Մարիուս Կալիգարիսի հետ հանդիպման ընթացքում։

Ինչպես հինգշաբթի «Նովոստի-Արմենիա» գործակալությանը տեղեկացրեցին Հայաստանի ազգային ժողովի հասարակայնության հետ կապերի վարչությունից, Տ. Թորոսյանը կարծում է, որ նրանք, ովքեր տարբեր քաղաքական նպատակներով տուրք  են տալիս թուրքական ճնշումներին, փաստորեն խրախուսում են այսօրվա Թուրքիայի իշխանություններին՝ չճանաչել և խեղաթյուրել ակնհայտ փաստերը, և առաջին հերթին վնասում են հենց Թուրքիային և թուրք ժողովրդին։

«Երկրի հայտարարությունները, որ մենք չենք ժխտում այդ իրադարձության փաստը, բայց դրա վերաբերյալ բանաձևի ընդունումը դեմ է մեր երկրի շահերին, ամենակոպիտ ոտնահարումն է թե մարդու իրավունքների, թե համամարդկային արժեքների և թե տարրական բարոյականության», - ասել է Տ. Թորոսյանը։

 Հայաստանի խորհրդարանի խոսնակի գնահատմամբ՝ այս կամ այն երկրի կողմից Հայոց Ցեղասպանության ճանաչումը ոչ թե Հայաստանի հանդեպ  բարեհաճ վերաբերմունքի խնդիր է, այլ Հայոց Ցեղասպանությունը ճանաչած պետության բարոյական նկարագրի։ «Եվ ԱՄՆ-ի կոնգրեսականները հենց այդ նկատառումով էլ քվեարկել են», - ընդգծել է նա։

 Տ. Թորոսյանը նշել է, որ որպես անկախ պետություն` Հայաստանի Հանրապետությունն ունի իր շահերը հետապնդելու քաղաքական հնարավորություններ և երբեք ցեղասպանության խնդիրը չի դարձրել քաղաքական առևտրի առարկա:

Խոսելով Թուրքիայի ԵՄ-ին անդամակցելու մասին՝ Տ. Թորոսյանը անընդունելի է համարել քաղաքական ու տնտեսական օրընթաց շահերին միջազգայնորեն ընդունված սկզբունքների ստորադասումը։

 Նա նշել է, որ ԵՄ-ին անդամակցության ցանկություն ունեցող որևէ երկիր չի կարող հարևանի հետ փակ սահման ունենալ։

Կարևորելով միջազգային հանրության հստակ ու սկզբունքային դիրքորոշումը` Աժ նախագահը նշել է, որ կատարված փաստերն ընդունելու դիրքորոշումը ի վերջո Թուրքիային էլ կհամոզի վերաբերմունքը փոխել` ազատվելով բարդույթավորվածությունից և հրաժարվել շանտաժի միջոցով այս կամ այն երկրից այս կամ այն քաղաքական դիրքորոշումը կորզելու արատավոր գործելաոճից:

ԱՄՆ  Կոնգրեսի  Ներկայացուցիչների պալատի արտաքին հարաբերությունների  հանձնաժողովն անտեսելով ԱՄՆ նախագահ Ջորջ Բուշի դիտողությունները հոկտեմբերի 10-ի նիստում 27 կողմ և 21 դեմ ձայներով ընդունեց 106-րդ բանաձևը՝ կոչ անելով ԱՄՆ արտաքին քաղաքականության մեջ արտացոլել թուրքերի կողմից Օսմանյան կայսրությունում հայերի Ցեղասպանության փաստը։

«Կոնգրեսը կոչ է անում ԱՄՆ նախագահին՝ ամենամյա նախագահական ուղերձում, որով նա հանդես է գալիս ապրիլի 24-ին՝ Հայոց ցեղասպանության տարելիցին, մեկուկես միլիոն հայերի համակարգված և կանխամտածված ոչնչացումը հստակ բնութագրել որպես ցեղասպանություն»,- ասվում է հաստատված փաստաթղթի տեքստում։

Հայերի ցեղասպանության մասին 106-րդ բանաձևը ԱՄՆ Ներկայացուցիչների պալատ էր ներկայացվել 2007թ. հունվարի 30-ին։ Այդ բանաձևը կոչվում է «Պալատի բանաձև» (House resolution) և նրա ընդունման համար պարտադիր չէ Սենատի հավանությունն ու նախագահի ստորագրությունը։

Հայոց Ցեղասպանությունը ХХ դարի առաջին ցեղասպանությունն է։ Թուրքիան ավանդաբար մերժում է Առաջին համաշխարհային պատերազմի տարիներին մոտ մեկուկես միլիոն հայերի զանգվածային ջարդեր իրականացնելու մեղադրանքները և չափազանց ցավագին է վերաբերվում Հայոց Ցեղասպանության հարցի վերաբերյալ Արևմուտքի կողմից արվող քննադատություններին։

Հայոց ցեղասպանության փաստը ճանաչել են բազմաթիվ երկրներ, մասնավորապես, Ուրուգվայը, Լիտվան, Ռուսաստանը, Ֆրանսիան, Իտալիայի խորհրդարանի ստորին պալատը, ԱՄՆ-ի մեծ թվով նահանգներ, ինչպես նաև Հունաստանի, Կիպրոսի, Արգենտինայի, Բելգիայի, Ուելսի խորհրդարանները, Շվեյցարիայի ազգային խորուրդը, Կանադայի խորհրդարանի համայնքների պալատը և Լեհաստանի սեյմը։--0—

Loading...
Թեմատիկ նյութեր
Բաժնի այլ նյութեր
11:27
21 Օգոստոսի 2017
ՀՀ ԱԳՆ–ն մեկնաբանել է ԵՏՄ մաքսային գոտուն միանալու Թուրքիայի մտադրությունը
ՀՀ փոխարտգործնախարար Շավարշ Քոչարյանը ԱԳՆ–ի Twitter–յան էջում մեկնաբանել է ԵՏՄ մաքսային գոտի մուտք գործելու Թուրքիայի ցանկությունը։
21:01
16 Օգոստոսի 2017
Միջնորդները Հայաստանի և Ադրբեջանի առաջնորդների հանդիպման հույս ունեն
ԵԱՀԿ Մինսկի խմբի համանախագահներն աշխատում են Հայաստանի և Ադրբեջանի ԱԳՆ ղեկավարների հանդիպման կազմակերպման ուղղությամբ:
20:55
09 Օգոստոսի 2017
Նալբանդյանը հնչեցրել է Հայաստանի և Ադրբեջանի ԱԳՆ ղեկավարների ծրագրվող հանդիպման վայրը
Հայաստանի արտաքին գործերի նախարար Էդվարդ Նալբանդյանը լրագրողներին հայտնել է Հայաստանի և Ադրբեջանի ԱԳՆ ղեկավարների կայանալիք հանդիպման մասին։

15:41
27 Հուլիսի 2017
Հայաստանի և Ադրբեջանի ԱԳ նախարարներն աշխատում են նախագահների հանդիպման ուղղությամբ
Հայաստանի և Ադրբեջանի ԱԳ նախարարներն աշխատում են երկու երկրների նախագահեր Սերժ Սարգսյանի և Իլհամ Ալիևի հանդիպման ուղղությամբ:
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։