482.25
+0.32
566.07
-3.09
8.39
+0.02
+8
Եղանակը Երևանում
Հայ
Տեսողության համաշխարհային օրը Երևանում բացվել է նկարների և լուսանկարների ցուցահանդես
18:23
11 Հոկտեմբերի 2007

Տեսողության համաշխարհային օրվան նվիրված մանկական նկարների և ուսանողական լուսանկարների ցուցահանդեսը բացվեց հինգշաբթի Հովհաննես Թումանյանի տուն-թանգարանում։

Ինչպես հայտնեց Հայաստանում «Հայկական ակնաբուժական նախագծի» գրասենյակի տնօրեն Նունե Եղիազարյանը, 2007-ին Տեսողության համաշխարհային օրն անցնում է «Լույս մանկանց աչքերին» կարգախոսով և նվիրված է երեխաների մոտ տեսողական բարդությունների կանխարգելմանը։

«Մեր միջոցառումով ուզում ենք գրավել հասարակության ուշադրությունը այս լուրջ խնդրին, ինչպես նաև հիշեցնել այն մասին, թե ինչ կարևոր է այս հարցերին հատուկ ուշադրություն բևեռել արդեն մանուկ հասակում»,-ասաց նա։

ՀԱՆ գրասենյակի տնօրենի խոսքերով, ներկայացված աշխատանքներում երիտասարդ նկարիչները ներկայացրել են աշխարհն իրենց աչքերով։ «Իրենց աշխատանքների միջոցով տեսողական խնդիրներ ունեցող երեխաները կիսվում են շրջապատող աշխարհի իրենց ընկալմամբ»,-պարզաբանեց նա։

Եղիազարյանը հավելեց, որ ցուցահանդեսում ներկայացված են երկրի մարզային, մասնավորապես Գյումրիի, Սիսիանի, Լաչինի և Վանաձորի գեղարվեստի դպրոցների 7-ից 15 տարեկան երեխաների նկարները։ Իրենց լուսանկարչական աշխատանքներն են ներկայացրել նաև Խաչատուր Աբովյանի անվան Երևանի մանկավարժական համալսարանի ուսանողները։

Հայաստանի առողջապահության նախարարության արտաքին կապերի վարչության ղեկավար Հայկ Գրիգորյանը կարևորեց նման միջոցառումների անցկացումը։

Նրա խոսքերով, Հայաստանում երեխաների շրջանում ամենից տարածված տեսողական հիվանդություններն են գլաուկոման և կատարախտը։

«Այսօրվա դրությամբ տեսողության լիակատար կորուստով երեխաների քանակը հասնում է 766-ի, ինչը կազմում է Հայաստանի հաշմանդամ երեխաների 10%-ը»,-ասաց նա։

Գրիգորյանի խոսքերով, այս ցուցանիշն անհանգստություն է ներշնչում, ինչի կապակցությամբ առողջապահության նախարարությունն այդ ուղղությամբ կոնկրետ քայլեր է ձեռնարկում։

«Կուրության դեմ պայքարի ազգային ռազմավարության շրջանակներում հիվանդանոցների համար ձեռք են բերվել անհրաժեշտ սարքավորումներ, կազմակերպվել են անձնակազմի որակավորման  բարձրացման դասընթացներ»,-հավելեց նա։

Տեսողության համաշխարհային օրվան նվիրված ցուցահանդեսի կազմակերպիչը «Հայկական ակնաբուժական նախագիծն է» Հայաստանի առողջապահության նախարարության հետ համատեղ և ԱՄՆ միջազգային զարգացման գործակալության աջակցությամբ (USAID)։

1998թ.-ից սկսած Առողջապահության համաշխարհային կազմակերպության որոշմամբ Տեսողության համաշխարհային օրը նշվում է ամեն տարի՝ կուրության դեմ պայքարի «Տեսողություն 2020՝ տեսնելու իրավունք» գլոբալ ծրագրի իրականացման շրջանակներում։

Այս օրը կոչված է բոլոր երկրների կառավարությունների ուշադրությունը հրավիրելու տեսողության պահպանման հիմնախնդիրներին և բոլոր կարիքավորների համար հասանելի դարձնել բժշկական ծառայությունները։ --0—

Loading...
Թեմատիկ նյութեր
Բաժնի այլ նյութեր
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը: