478.76
-0.07
556.89
-1.04
7.99
+0.01
+26
Եղանակը Երևանում
Հայ
Թրաֆիկինգի դեմ պայքարը Հայաստանի համար հայեցակարգային և առաջնահերթ խնդիր է. ՀՀ գլխավոր դատախազ
18:31
09 Հոկտեմբերի 2007

Կառավարության և ՀՀ գլխավոր դատախազության համար թրաֆիկինգի դեմ պայքարը հայեցակարգային և առաջնահերթ խնդիրներից մեկն է։ Այս մասին հայտարարեց ՀՀ գլխավոր դատախազ Աղվան Հովսեփյանը՝ ելույթ ունենալով երեքշաբթի Երևանում տեղի ունեցած ԱՊՀ երկրների գլխավոր դատախազների համակարգող խորհրդի 8-րդ նիստի ընթացքում։

«Միջազգային բնույթ կրող այս հանցագործության դեմ նպատակամղված պայքար կազմակերպելու համար, 2005թ. հունիսի 8-ին ՀՀ գլխավոր դատախազության հետաքննչական վարչության կազմում ստեղծվեց Մարդկանց առևտրի և նրանց անօրինական միգրացիայի դեմ պայքարի բաժին»,- ասաց գլխավոր դատախազը։

Հովսեփյանը նշեց, որ թրաֆիկինգի դեմ պայքարի վերաբերյալ որոշումներն իրագործելու համար նաև հատուկ հրամանագիր է հրապարակվել՝ դատախազության կառուցվածքային ստորաբաժանումների ղեկավարներին կոնկրետ հանձնարարություններով, մեթոդական նամակներ են հասցեագրվել համայնքների և մարզերի դատախազներին։

Գլխավոր դատախազի խոսքերով, թրաֆիկինգի դեմ պայքարի արդյունավետությունը բարձրացնելու նպատակով փոփոխություններ են կատարվել հանրապետության Քրեական օրենսգրքում, ձևավորվել է լիարժեք դատական պրակտիկա։

«Մեր հանրապետության քաղաքացիների թրաֆիկինգի նպատակային երկրներն հիմնականում ԱՄԷ և Թուրքիան են։ Նարնց տեղափոխումն այս երկրներ գլխավորապես կատարվում է տարանցիկ ճանապարհով. ԱՄԷ-ներ՝ Մոսկվայի միջով, իսկ Թուրքիա՝ Վրաստանի միջով»,- հայտարարեց ՀՀ գլխավոր դատախազը։

Այլ երկրների իրավապահ մարմինների հետ միջազգային համագործակցության առնչությամբ Ա. Հովսեփյանը նշեց, որ ԱՊՀ երկրների հետ այդ հարաբերությունները կանոնակարգվում են բազմակողմանի և երկկողմանի պայմանագրերով, ինչպես նաև համագործակցություն է հաստատվել ԱՄԷ-ի հետ։

Սակայն, ինչպես նշեց գլխավոր դատախազը, հիմնախնդիրներ կան Թուրքիայի հետ համագործակցության առումով, քանի որ Հայաստանը նրա հետ չունի դիվանագիտական հարաբերություններ։

«Թեև Հայաստանի իրավապահ մարմինները որոշակի աշխատանք են ձեռնարկել թրաֆիկինգի դեմ պայքարում, դեռևս կան մի շարք թերություններ և բացթողումներ, թույլ է համագործակցությունը միգրացիայի, փախստականների, որդեգրման, զբոսաշրջության, հյուրանոցների պահպանության ծառայությունների հետ»,- նշեց Հովսեփյանն՝ ավելացնելով, որ բավականաչափ վերահսկողություն չի ապահովվում նաև այն անձանց վարքագծի նկատմամբ, որոնք կրում են իրենց պատիժը, որը կապված չէ ազատազրկության կամ քրեական դատվածության հետ։

Այս ասպեկտում նա նշեց թրաֆիկինգի դեմ պայքարի աշխատանքների ակտիվացման կարևորությունը, այդ թվում՝ միջազգային մակարդակով։

ԱՊՀ երկրների գլխավոր դատախազների Համակարգող խորհրդի նիստը Երևանում մեկնարկեց հոկտեմբերի 9-ին։

Գլխավոր դատախազների և առաջին տեղակալների մակարդակով նիստին մասնակցում են պատվիրակություններ Բելառուսից, Ղազախստանից, Ղրղզստանից, Մոլդովայից, Ուկրաիանայից, Թուրքմենիայից, Ռուսաստանից, Վրաստանից։ Ադրբեջանը հրաժարվել է մասնակցել նիստին։

Նիստի օրակարգ է մտցվել շուրջ տասը հարց, այդ թվում մարդավաճառության դեմ պայքարում ԱՊՀ երկրների դատախազությունների համագործակցությունը, հանցավորության հաշվառման և վիճակագրության միասնական համակարգի ստեղծումը, ԱՊՀ տարածքում մարդու իրավունքների պաշտպանությանը նվիրված Համակարգող խորհրդի նախորդ որոշումների իրականացման ընթացքի քննարկումը։

ԱՊՀ երկրների գլխավոր դատախազությունների Համակարգող  խորհուրդը գործում է 1995-ից։ Կազմակերպությունն իր գործունեությունն իրականացնում է ԱՊՀ հիմնարար փաստաթղթերի սկզբունքների հիման վրա՝ ապահովելով հանցավորության դեմ պայքարում և դատախազական վերահսկման մեջ գլխավոր դատախազների համագործակցությունը։

ԱՊՀ երկրների ղեկավարների 2000-ի հունվարի 25-ի որոշմամբ Համակարգող խորհրդին շնորհվել է միջպետական կառույցի կարգավիճակ։--0--

Loading...
Թեմատիկ նյութեր
Բաժնի այլ նյութեր
12:37
20 Հուլիսի 2017
Բլոգեր Լապշինը դատապարտվեց 3 տարվա ազատազրկման Արցախ այցելելու համար
Բաքվի դատարանը 3 տարվա ազատազրկման դատապարտեց բլոգեր, Ռուսաստանի և Իսրայելի քաղաքացի Ալեքսանդր Լապշինին։
20:14
19 Հուլիսի 2017
Սերժ Սարգսյանը շնորհավորել է արցախցի գործընկերոջը` նախագահի պաշտոնում ընտրվելու կապակցությամբ
Հայաստանի նախագահ Սերժ Սարգսյանն այսօր շնորհավորական ուղերձ է հղել Բակո Սահակյանին:
12:46
17 Հուլիսի 2017
ՀՀ նախագահը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ
ՀՀ նախագահ Սերժ Սարգսյանը խոսել է այն մասին, թե արդյոք 2018 թ–ին հավակնելու՞ է վարչապետի պաշտոնին, թե ոչ։
01:30
17 Հուլիսի 2017
ՀՀ նախագահը հրապարակեց Ալիևի հետ հանդիպման ամսաթիվն ու խոսեց սպասումների մասին
ՀՀ նախագահ հրապարակեց Ալիևի հետ հանդիպման ամսաթիվն ու խոսեց սպասումների մասին:
09:00
16 Հուլիսի 2017
Հայտնի գրող և լրագրող Սևան Նիշանյանը փախել է թուրքական բանտից
Հայտնի գրող, լրագրող, լեզվաբան և հրապարակախոս Սևան Նիշանյանը, ով Թուրքիայում դատապարտվել էր 17 տարվա ազատազրկման, փախել է բանտից և լքել երկիրը:
12:43
12 Հուլիսի 2017
Հայտնի շոումենի եղբայրը նշանակվել է Կանադայում ՀՀ դեսպան
Հայաստանի նախագահը հրամանագիր է ստորագրել Կանադայում գործող դեսպան Արմեն Եգանյանին պաշտոնից ազատելու մասին։
12:30
12 Հուլիսի 2017
ՀՀ նախկին արտգործնախարարը` Դանիայում երկրի դեսպան
Հայաստանի նախագահը հրամանագիր է ստորագրել Հայաստանում Դանիայի գործող դեսպանին պաշտոնից ազատելու մասին։
11:14
11 Հուլիսի 2017
Հաստատվել է Վրաստանում Հայաստանի դեսպանի թեկնածությունը
Վրաստանում Հայաստանի դեսպանությունը նոր ղեկավար ունի։
18:23
10 Հուլիսի 2017
Ռուսաստանն Ադրբեջանին «Սոլնցեպյոկ» ՏՕՍ-1Ա հրթիռներ է մատակարարել
Հուլիսի 10-ին Ադրբեջանի ՊՆ-ն հրապարակել է տեսանյութ:
17:24
06 Հուլիսի 2017
ՌԴ քաղաքացիները կարող են Բաքվի կամայականությունների զոհ դառնալ հայկական արմատների պատճառով. ՌԴ ԱԳՆ
Ադրբեջան ՌԴ քաղաքացիների մուտքի արգելքի վերաբերյալ ՌԴ ԱԳՆ-ն հայտարարություն է տարածել:
13:04
06 Հուլիսի 2017
Ադրբեջանում արգելափակել են Հայաստանի հանրային ռադիոյի կայքը
Ադրբեջանն արգելափակել է Հայաստանի հանրային ռադիոյի կայքի հասանելիությունը։
14:39
05 Հուլիսի 2017
Մոսկվան պահանջում է Բաքվից դադարեցնել հայկական ազգանուններով ՌԴ քացաքացիների խտրականությունը
Ռուսաստանը պահանջում է Ադրբեջանից դադարեցնել երկիր ժամանող հայկական ազգանուններով ՌԴ քաղաքացիների խտրականությունը: