485.25
-0.08
569.44
-2.72
8.18
-0.02
+3
Եղանակը Երևանում
Հայ
Համագործակցությունը ԱՊՀ երկրների շրջանակներում հանցավորության դեմ արդյունավետ պայքարի երաշխիքն է. ՀՀ գլխավոր դատախազ
18:16
09 Հոկտեմբերի 2007

Համագործակցությունը ԱՊՀ երկրների շրջանակներում հանցավորության դեմ արդյունավետ պայքարի երաշխիքն է։ Այս մասին հայտարարեց ՀՀ գլխավոր դատախազ Աղվան Հովսեփյանը՝ ելույթ ունենալով երեքշաբթի Երևանում տեղի ունեցած ԱՊՀ երկրների գլխավոր դատախազների համակարգող խորհրդի 8-րդ նիստի ընթացքում։

«ԱՊՀ երկրների շրջանակներում համագործակցությունը հանցավորության դեմ արդյունավետ պայքարի երաշխիքն է, ապահովում է մեր երկրների բազմակողմանի ինտեգրացիան միջազգային բոլոր գործընթացներում։ Այս համագործակցությունը մենք դիտարկում ենք որպես մեր քաղաքացիների անվտանգությունն ու իրավունքների պաշտպանությունն ապահովող պայման»,- ասաց նա։

Միաժամանակ, Հովսեփյանը նշեց, որ Հայաստանը ձգտում է ստեղծել կայուն զարգացող հասարակություն, ինչը հանդիսանում է խաղաղության և բարեկեցության գրավական։

Գլխավոր դատախազն ասաց, որ մարդկության զարգացման այս փուլը, որը նոր հնարավորություններ է ստեղծում աշխարհի միլիոնավոր մարդկանց համար, միաժամանակ ունի նաև իր բացասական հետևանքները։

«Գլոբալիզացիան բարենպաստ պայմաններ է ստեղծում նոր տեսակի հանցագործությունների տարածման համար, այնպիսի, ինչպիսիք են անօրինական միգրացիան և մարդկանց առևտուրը, դրամալվացումը, կոռուպցիան, բանկային խարդախությունները, թմրաբիզնեսը»,- նշեց Հովսեփյանն՝ ընդգծելով, որ այս հանցագործությունները ստեղծում են հանցավոր խմբերի ճյուղավորված ցանցեր։

Հովսեփյանի կարծիքով, այս հանցագործությունները, ծնելով սոցիալական խնդիրներ և լարվածություններ, սպառնալիք ներկայացնելով ԱՊՀ երկրների հանրության անվտանգության համար, նոր խնդիրներ են դնում Համագործակցության դատախազների առջև։

«Համակարգող խորհրդի նիստը կնպաստի այս հանցագործությունների դեմ պայքարին, կամրացնի և կզարգացնի գործնական կապերը, կհարստացնի ԱՊՀ երկրների իրավապահ մարմինների համագործակցությունը»,- ասաց Հովսեփյանը։

ԱՊՀ երկրների գլխավոր դատախազների համակարգող խորհրդի նիստը Երևանում մեկնարկեց հոկտեմբերի 9-ին։

Գլխավոր դատախազների և առաջին տեղակալների մակարդակով նիստին մասնակցում են պատվիրակություններ Բելառուսից, Ղազախստանից, Ղրղզստանից, Մոլդովայից, Ուկրաիանայից, Թուրքմենիայից, Ռուսաստանից, Վրաստանից։ Ադրբեջանը հրաժարվել է մասնակցել նիստին։

Նիստի օրակարգում ընդգրկվել է շուրջ տասը հարց, այդ թվում մարդավաճառության դեմ պայքարում ԱՊՀ երկրների դատախազությունների համագործակցությունը, հանցավորության հաշվառման և վիճակագրության միասնական համակարգի ստեղծումը, ԱՊՀ տարածքում մարդու իրավունքների պաշտպանությանը նվիրված Համակարգող խորհրդի նախորդ որոշումների իրականացման ընթացքի քննարկումը։

ԱՊՀ երկրների գլխավոր դատախազությունների համակարգող խորհուրդը գործում է 1995-ից։ Կազմակերպությունն իր գործունեությունն իրականացնում է ԱՊՀ հիմնարար փաստաթղթերի սկզբունքների հիման վրա՝ ապահովելով հանցավորության դեմ պայքարում և դատախազական վերահսկման մեջ գլխավոր դատախազների համագործակցությունը։

ԱՊՀ երկրների ղեկավարների 2000-ի հունվարի 25-ի որոշմամբ Համակարգող խորհրդին շնորհվել է միջպետական կառույցի կարգավիճակ։--0--

Loading...
Թեմատիկ նյութեր
Բաժնի այլ նյութեր
11:07
08 Դեկտեմբերի 2017
Հայաստանի նախագահի պաշտոնում կարող է միասնական թեկնածու առաջադրվել
Սահմանադրության բարեփոխված 125–րդ հոդվածի համաձայն, «հանրապետության նախագահի պաշտոնում թեկնածության առաջադրման իրավունք ունի պատգամավորների ընդհանուր թվի առնվազն ¼–ը»։
21:28
07 Դեկտեմբերի 2017
Կոչ ենք անում կենտրոնանալ ղարաբաղյան հակամարտության փոխզիջումային լուծումների վրա. ՄԽ համանախագահ երկրների ներկայացուցիչներ
ԵԱՀԿ Մինսկի խմբի համանխագահ երկրների պատվիրակությունների ղեկավարները Վիեննայում ԵԱՀԿ նախարարների խորհրդի նիստի ավարտին հանդես են եկել համատեղ հայտարարությամբ։
21:20
06 Դեկտեմբերի 2017
Հայաստանի և Ադրբեջանի ԱԳՆ ղեկավարների հանդիպումն է մեկնարկել Վիեննայում
Վիեննայում մեկնարկել է Հայաստանի և Ադրբեջանի ԱԳ նախարարներ Էդվարդ Նալբանդյանի և Էլմար Մամեդյարովի հանդիպումը։
21:07
06 Դեկտեմբերի 2017
Հայտնի են Հայաստանի ԱԳ նախարարի և համանախագահների հանդիպման թեմաները (ՎԻԴԵՈ)
Էդվարդ Նալբանդյանը հանդիպել է ԵԱՀԿ Մինսկի խմբի համանախագահներին։
18:53
06 Դեկտեմբերի 2017
Պուտինն առաջադրվելու է ՌԴ նախագահի պաշտոնում
Ռուսաստանի նախագահ Վլադիմիր Պուտինը հայտարարել է նախագահի պաշտոնում առաջրվելու մտադրության մասին:
10:35
05 Դեկտեմբերի 2017
Հայտնի է Հայաստանի նախագահի ամենահավանական թեկնածուի անունը
«Ժամանակ» թերթը գրում է, թե ով է Հայաստանի հաջորդ նախագահական ընտրությունների ամենահավանական թեկնածուն։
19:17
01 Դեկտեմբերի 2017
Արա Աբրահամյանը պահանջել է եթերից հեռացնել հակահայկական արշավ սկսած լրագրողներին և քաղաքագետներին
ՌՀՄ նախագահը կոչ է արել եթերից հեռացնել ծախու լրագրողներին, քաղաքագետներին և փորձագետներին, ովքեր հակահայկական արշավ են սկսել ռուսական հեռուստատեսությամբ։
18:14
30 Նոյեմբերի 2017
Վրաստանի վարչապետի այցը Հայաստան հետաձգվել է
Գիորգի Կվիրիկաշվիլիի այցը Հայաստան հետաձգվել է անորոշ ժամանակով:
17:48
30 Նոյեմբերի 2017
Հայաստան կժամանի Վրաստանի վարչապետ Գիորգի Կվիրիկաշվիլին
Այցի շրջանակներում նախատեսված են նրա հանդիպումները ՀՀ բարձրագույն ղեկավարության՝ ՀՀ նախագահի, ԱԺ նախագահի և վարչապետի հետ:
13:10
30 Նոյեմբերի 2017
Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան
Քաղաքագետ Սերգեյ Մարկեդոնովը կոչ է արել դադարեցնել ռուսական հեռուստատեսությամբ Հայաստան–ԵՄ համաձայնագրի շուրջ հնչող հիստերիան։
11:15
30 Նոյեմբերի 2017
ՀՀԿ–ում անհեթեթ են անվանել ռուս քաղաքագետների վիրավորական հայտարարությունները Հայաստան–ԵՄ համաձայնագրի ստորագրման վերաբերյալ
Էդուարդ Շարմազանովը մեկնաբանել է НТВ ռուսական հեռուստաալիքի talk show–ի ընթացքում Հայաստանի հասցեին հնչած հայտարարությունները։
20:35
28 Նոյեմբերի 2017
ՀՀ նախագահ. Հայաստանը շահագրգռված է բարեկամ Իրանի զարգացմամբ ու տարածաշրջանի կայունությամբ
ՀՀ նախագահն ընդունել է Իրանի Իսլամական Հանրապետության արտաքին գործերի նախարար Մոհամմադ Ջավադ Զարիֆին։