483.01
-0.2
590.82
-1.55
8.56
-0.01
-3
Եղանակը Երևանում
Հայ
Երևանում նշել են հունվարին Ստամբուլում սպանված լրագրող Հրանտ Դինքի 53-ամյակը
19:04
08 Հոկտեմբերի 2007

ԵՐԵՎԱՆ, 8 հոկտեմբերի./Նովոստի-Արմենիա/. Երևանում երկուշաբթի նշեցին Ստամբուլի հայկական «Ակոս» թերթի գլխավոր խմբագիր Հրանտ Դինքի 53-ամյակը, որն այս տարվա հունվարին զոհ գնաց ահաբեկչի գնդակին։
 
Այս կապակցությամբ Երևանի պետական համալսարանում (ԵՊՀ) զոհված լրագրողի այրու՝ Ռաքել Դինքի մասնակցությամբ տեղի ունեցավ 25-րոպեանոց «Հավերժ թռիչք. Հրանտ Դինք» վավերագրական ֆիլմի առաջին ցուցադրումը։

Ինչպես լրագրողներին հայտնեց սցենարի հեղինակ և ֆիլմի ռեժիսոր Հրանտ Հակոբյանը, ֆիլմը պատմում է Հրանտ Դինքի մարդկային որակների մասին։

«Ֆիլմը ստեղծվել է հոգու մղումով։ Ֆիլմի համար նյութեր հավաքելու համար ես եղա Ստամբուլում, հանդիպեցի նրա հարազատներին, ընկերներին, գրծընկերներին»,-ասաց նա։

Դինքի 53-ամյակի կապակցությամբ ԵՊՀ-ում բացվեց նաև «Պատում հայկական լեռների մասին» լուսանկարչական ցուցահանդեսը։

Լուսանկարների հեղինակ, ԵՊՀ հայագիտության կենտրոնի գիտաշխատող Քեթի Ղոնթախչյանի խոսքերով, ցուցահանդեսում ներկայացված են Արևմտյան Հայաստանի երկու շրջանների՝ Ղարսի և Վասպուրականի (այժմ գտնվում են ներկայիս Թուրքիայի տարածքում) 102 լուսանկարներ։

«Լուսանկարները նվիրված են Հրանտ Դինքին, քանի որ նա մեծ հայրենասեր էր և մեծատառով մարդ»,-ասաց նա։

Հրանտ Դինքը ծնվել է 1954թ.-ին թուրքական Մալաթիա մարզում։ Նա յոթ տարեկան էր, երբ ծնողները տեղափոխվել են Ստամբուլ։ Միջնակարգ կրթությունը նա ստացել է Ստամբուլի հայկական դպրոցում, ապա ավարտել է Ստամբուլի համալսարանը՝ ստանալով կենդանաբանի, ապա և փիլիսոփայի մասնագիտություն։

1996թ.-ից Դինքը ղեկավարել է հայերեն և թուրքերեն լույս տեսնող «Ակոս» թերթը։

Դինքը Թուրքիայում հայտնի է դարձել նրանով, որ գրել է սուր, այդ թվում՝ Օսմանյան Կայսրությունում տեղի ունեցած Հայոց Մեծ Եղեռնին (որին զոհ գնաց ավելի քան 1,5 մլն. հայ) վերաբերող թեմաներով։

Դինքի մասնագիտական գործունեությունը դժգոհություն էր առաջացնում՝ նախևառաջ թուրք ազգայնականների մոտ. նա բազմիցս ենթարկվել է դատական հետապնդման։ 2005թ.-ին նրան Թուրքիայի ՔՕ 301-րդ հոդվածով («թուրք ազգությանը  հասցված վիրավորանք») դատապարտեցին վեց ամսվա ազատազրկման, բայց հետո մեղադրանքը նրա վրայից վերցվեց։

«Ակոսի» գլխավոր խմբագիրը սպանվեց հունվարի 19-ին Ստամբուլում՝ իր թերթի խմբագրության մոտ։ Մեկ օր անց ձերբակալվեց նրա վրա կրակած Սամաստը, որը խոստովանեց մեղքը՝ խոստովանագրում գրելով, որ հանցանքը գործել է Դինքի՝ հայերի ցեղասպանությանը նվիրված հոդվածների ազդեցության տակ։

Մեղադրյալի աթոռին 19 կասկածյալներ են։ Պետական մեղադրող կողմը պահանջում է Դինքի սպանության կազմակերպիչներին և կատարողին դատապարտել ցմահ բանտարկության, իսկ այն անձանց, որոնք առնչվել են գործին՝ 18-24 տարվա ազատազրկման։ Իր պահանջները մեղադրող կողմը հիմնավորում է թուրքական ՔՕ «ահաբեկչական կազմակերպության գործունեությանը մասնակցության», «սպանության», «հրազենի ապօրինի պահպանման», «պայթուցիկ նյութերի արտադրության, պահպանման և  կիրառության», «ֆիզիկական հաշվեհարդարի սպառնալիք» հոդվածներով։

Քրեական գործերով Ստամբուլի դատարանի որոշմամբ, Դինքի սպանության գործով դատը տեղափոխվել է մյուս տարվա փետրվար։ Հերթական դատական նիստը տեղի կունենա փետրվարի 11-ին։—0--

Loading...
Թեմատիկ նյութեր
Բաժնի այլ նյութեր
12:33
16 Հունվարի 2018
Հայտնի է Հայաստանի և Ադրբեջանի ԱԳ նախարարների հանդիպման տեղն ու օրը
Հայաստանի արտաքին գործերի նախարարությունը տեղեկություն է տրամադրել Հայաստանի և Ադրբեջանի ԱԳ նախարարների հանդիպման վերաբերյալ։
10:22
16 Հունվարի 2018
Հայտնի է դարձել Հայաստանի նախագահի պաշտոնի անսպասելի թեկնածությունը
ՀՀԿ վերնախավի ներկայացուցիչները պնդում են, թե Հայաստանի նախագահի պաշտոնի առավել հավանական թեկնածությունն անակնկալ կդառնա հասարակայնության համար:
16:04
15 Հունվարի 2018
Տեղափոխություններ ԵԽԽՎ հայկական պատվիրակությունում. Հերմինե Նաղդալյանը փոխարինվել է
Հայաստանի Ազգային ժողովի խորհուրդը հաստատել է ԵԽԽՎ–ի հայկական պատվիրակության կազմում ՀՀԿ խմբակցության պատգամավոր Հերմինե Նաղդալյանի փոխարինումը։
16:00
15 Հունվարի 2018
ՀՀԿ–ն հայտնել է ՀՀ նախագահի ընտրությունների հավանական ամսաթիվը
Խմբակցությունը դեռ չի կողմնորոշվել նախագահի պաշտոնում հնարավոր թեկնածուի հարցում
20:11
12 Հունվարի 2018
Հայաստանը թևակոխում է լուրջ քաղաքական շրջափուլ. ՀՀ նախագահ
Հայաստանի Հանրապետությունը թևակոխում է լուրջ քաղաքական շրջափուլ, ասել է ՀՀ նախագահը։
15:32
12 Հունվարի 2018
Հայաստանը վերջին տարիների ընթացքում առաջին անգամ կմասնակցի Դավոսի Համաշխարհային տնտեսական ֆորումին
Վարչապետ Կարեն Կարապետյանը կմասնակցի Դավոսում հունվարի 23-ից 26-ը կայանալիք Համաշխարհային տնտեսական ֆորումին:
11:55
12 Հունվարի 2018
ՍԴ նախագահի Գագիկ Հարությունյանի համար նոր պաշտոն են պատրաստում
Այս տարվա մարտի 23-ին լրանում է Գագիկ Հարությունյանի 70-ամյակը, հետևաբար՝ նաև պաշտոնավարման ժամկետը:
11:25
12 Հունվարի 2018
Գեներալական «սխոդկա». զինվորական բարձրագույն շրջանակը ՀՀ պաշտպանության նախարարի իր թեկնածուն ունի
Հայաստանի հանրապետական կուսակցութունը քննարկում է ՀՀ պաշտպանության նախարար Վիգեն Սարգսյանի պաշտոնանկության հարցը:
16:21
11 Հունվարի 2018
ԱՄՆ-ի պետդեպը Հայաստանը ճանաչել է ուղևորությունների համար ամենաանվտանգ երկրներից մեկը
Բացի Հայաստանից, նույն խմբում է ներառվել նաև Վրաստանը: Իսկ Ադրբեջանը ներառվել է երկրորդ խմբում:
13:43
11 Հունվարի 2018
ԶԼՄ-ները հրապարակել են ՀՀ պաշտպանության նախարարի թեկնածուի անունը
Հրապարակվել է ՀՀ պաշտպանության նախարարի հավանական թեկնածուի անունը:
10:41
09 Հունվարի 2018
Հայտնի է ՍԴ նախագահ Գագիկ Հարությունյանի նոր պաշտոնն ապրիլից հետո
Հայտնի է դարձել, թե ՍԴ նախագահ Գագիկ Հարությունյանն ինչ նոր պաշտոն է զբաղեցնելու:
17:14
28 Դեկտեմբերի 2017
ԵՄ–ի հետ գործընկերության համաձայնագիրն ուղղվել է վավերացման
Հայաստանի կառավարությունը հինգշաբթի հավանություն է տվել 2017 թվականի նոյեմբերի 24–ին ստորագրված ԵՄ–ի հետ համապարփակ և ընդլայնված համաձայնագրին։