481.77
-0.24
540.26
-0.7
8.5
-0.06
+19
Եղանակը Երևանում
Հայ
ՀՀ ԱԳ նախարարը պարգևատրվել է Ֆլետչերի դպրոցի «Դեկանի շքանշանով»
18:11
08 Հոկտեմբերի 2007

ԵՐԵՎԱՆ, 8 հոկտեմբերի. /Նովոստի-Արմենիա/. ՀՀ ԱԳ նախարար Վարդան Օսկանյանը պարգևատրվել է Մասաչուսեթսի Թաֆթսի համալսարանի Ֆլետչերի իրավունքի և դիվանագիտության դպրոցի «Դեկանի շքանշանով»։

Ինչպես «Նովոստի-Արմենիա» գործակալությանը հայտնեցին ՀՀ ԱԳՆ մամուլի և տեղեկատվության վարչությունից,  Հայաստանի արտաքին գերատեսչության ղեկավարին պարգևը հանձնեց Ֆլետչերի դեկան, ԱՄՆ նախկին դեսպան Սթիվեն Բոսվորվը։

Վարդան Օսկանյանը Ֆլետչերի դպրոցի շրջանավարտ է և «Դեկանի շքանշանը» ստացավ այնպիսի ականավոր շրջանավարտների շարքում, ինչպիսիք են՝ Նոբելյան մրցանակակիր Շիրին Էբադին (Shirin Ebadi),  Ինդոնոզիայի արտգործնախարար Հասան Վիրաջուդան (Hassan Wirajuda), ԱՄՆ Նյու Մեքսիկոյի նահանգապետ Բիլ Ռիչարդսոնը (Bill Richardson), ՄԱԿ-ի գլխավոր քարտուղարի նախկին օգնական Շաշի Թարուրը  (Shashi Tharoor), Կորեայի Դեմոկրատական Հանրապետությունում Չինաստանի դեսպան Լիու Քսիաոմինգը (Liu Xiaoming)։

Շնորհակալություն հայտնելով առանձնահատուկ պարգևի համար` Օսկանյանը երախտագիտությամբ խոսեց ՀՀ արտգործնախարարության հետ Ֆլետչերի դպրոցի շարունակվող համագործակցության վերաբերյալ:

Պարգևատրման արարողությունից հետո ՀՀ արտաքին քաղաքական գերատեսչության ղեկավարը դասախոսություն կարդաց «Փոքր երկրների դիվանագիտությունը» խորագրով, որում անդրադարձավ այն գլոբալ և տարածաշրջանային մարտահրավերներին, որոնք բացասական ազդեցություն են ունենում փոքր երկրների վրա:

Նախարարը ներկայացրեց նաև անկախությունից ի վեր Հայաստանի ռազմավարական առաջնայնությունների մասին: Նա անդրադարձավ նաև տարածաշրջանային խնդիրներին, ներկայացրեց Հայաստանի արտաքին քաղաքականության հիմնական մարտահրավերները և պատմեց հարևանների հետ հարաբերությունների մասին:

Հատուկ ծրագրով 1999 թվականից սկսած՝ ՀՀ ԱԳՆ-ի հետ համագործակցության ընթացքում Ֆլետչերի դպրոցն ընդունել է տասնհինգ դիվանագետներից և քաղծառայողներից բաղկացած հինգ խումբ:

ՀՀ ԱԳՆ դիվանագետների հետ մեկտեղ ծրագրին մասնակցել են նաև քաղծառայողներ` ֆինանսների, առևտրի, արդարադատության, առողջապահության նախարարություններից, նախագահի աշխատակազմից, ՀՀ Գլխավոր դատախազությունից։

Ծրագիրն ամբողջապես աջակցություն է ստանում Դավիդյան հիմնադրամի (Tavitian Foundation) կողմից, որը ղեկավարում է գործարար և բարեգործ Ասո Դավիդյանը:

Հիմնադրամի նպատակն է զարգացնել Հայաստանի կարողությունները` խրախուսելով և կրթությունը շարունակելու հնարավորություն տալով պաշտոնյաներին և մասնագետներին:

Ծրագիրը ձևավորվել է Թաֆթսի համալսարանի Հոգաբարձուների խորհրդի և Դավիդյան հիմնադրամի անդամ Ջոյս Բարսամի (Joyce Barsam) գլխավորությամբ:-0-

Loading...
Թեմատիկ նյութեր
Բաժնի այլ նյութեր
11:29
27 Մայիսի 2017
Արդարադատության նախարարությունում լարված մթնոլորտ է
Նոր կառավարության միակ «սյուրպրիզը» արդարադատության նախարարի պաշտոնում Դավիթ Հարությունյանի նշանակումն էր:
15:08
24 Մայիսի 2017
ՀՀ վարչապետն աշխատանքային այցով կմեկնի Կազան
ՀՀ վարչապետ Կարեն Կարապետյանը մայիսի 25–ին աշխատանքային այցով կմեկնի ՌԴ։
18:34
19 Մայիսի 2017
ՀՀ ԱԺ–ն կրճատեց հանձնաժողովների թիվը
ԱԺ պատգամավորներն ուրբաթ նիստի ժամանակ որոշեցին կրճատել մշտական հանձնաժողովների թիվը։
16:58
19 Մայիսի 2017
Կարեն Քոչարյանը ներկայացրել է ԱԺ խոսնակի պաշտոնում Բաբլոյանի ընտրվելու պատճառները
6–րդ գումարման ԱԺ–ի խոսնակ Արա Բաբլոյանը փոխզիջումային ֆիգուր է։
20:55
17 Մայիսի 2017
ՀՀԿ–ն կողմնորոշվել է, թե ում է առաջադրելու Հայաստանի ԱԺ խոսնակի պաշտոնում
Հայաստանի հանրապետական կուսակցությունն իր թեկնածուներին է առաջադրել նորընտիր Ազգային ժողովի խոսնակի, փոխխոսնակների և հանձնաժողովների ղեկավարների պաշտոնում։
18:13
11 Մայիսի 2017
Ադրբեջանի «սև ցուցակը» ֆարսի է վերածվում
Ադրբեջանի «սև ցուցակն» ավելի շատ սկսում է ֆարս հիշեցնել:
16:21
11 Մայիսի 2017
ՀՀԿ–ն ու ՀՅԴ–ն կոալիցիոն հուշագիր ստորագրեցին
Նախագահական նստավայրում ՀՀԿ–ն ու ՀՅԴ–ին կոալիցիոն հուշագիր ստորագրեցին։
11:41
10 Մայիսի 2017
ՀՅԴ-ին հաջողվել է ավելին «պոկել» ՀՀԿ–ից
Առաջիկայում ստորագրվելիք ՀՅԴ-ՀՀԿ կոալիցիոն հուշագրով կպահպանվեն դաշնակցական երեք նախարարների պորտֆելները։
11:16
10 Մայիսի 2017
Հովիկ Աբրահամյան. քաղաքականությունից չեմ հեռացել, շարունակելու եմ հայանպաստ գործունեությունս
Հովիկ Աբրահամյանը նշել է, որ քաղաքականությունից չի հեռացել։
11:04
10 Մայիսի 2017
«Ծառուկյան» դաշինքում իսկական խառնաշփոթ է
«Ծառուկյան» դաշինքի շուրջ ստեղծված ինքնաբացարկների աղմուկը մոտենում է իր տրամաբանական հանգուցալուծմանը։
10:51
06 Մայիսի 2017
Հայտնի է արդարադատության նոր նախարարի անունը
Ըն¬դամենը մի քանի օր առաջ հայտնի դարձավ, որ արդարադատության նախարար Արփինե Հովհաննիսյանին, այնուամենայնիվ, խորհրդարան են տանում
11:43
03 Մայիսի 2017
Աշոտյանին բարձր պաշտոն է սպասվում ԱԺ–ում
Ըստ կուսակիցների` նա ավելի խելացի է, կազմակերպչական առումով ավելի գործունյա: