486.66
-0.08
513.23
+1.81
8.4
-0.01
-2
Եղանակը Երևանում
Հայ
Հոկտեմբերին Վաշինգտոնում ՀՀ վարչապետը կմասնակցի ՀԲ-ի եւ Արժույթի միջազգային հիմնադրամի տարեկան համաժողովին
19:26
05 Հոկտեմբերի 2007

ԵՐԵՎԱՆ, 5 հոկտեմբերի./Նովոստի-Արմենիա/. Հոկտեմբերի երկրորդ տասնօրյակում ՀՀ  վարչապետ Սերժ Սարգսյանը Վաշինգտոնում  կմասնակցի ՀԲ-ի  եւ  Արժույթի միջազգային հիմնադրամի (ԱՄՀ)  տարեկան  համաժողովին ու Հայ-ամերիկյան  տնտեսական համագործակցության  միջկառավարական  հանձնաժողովի  նիստին։

Ինչպես, «Նովոստի-Արմենիային» տեղեկացրեցին ՀՀ կառավարության տեղեկատվության և հասարակայնության հետ կապերի վարչությունից, Հայաստանում ՀԲ-ի կողմից  իրականացվող  ընթացիկ  ծրագրերին, ՀՀ կառավարության  հետ  բանկի հետագա  համագործակցությանը վերաբերող հարցեր քննարկելու նպատակով,  ՀՀ վարչապետ Սերժ Սարգսյանն ընդունել է Համաշխարհային բանկի երեւանյան  գրասենյակի տնօրեն Արիստոմենե Վարուդակիսին:

ՀԲ-ի երեւանյան գրասենյակի  տնօրեն Արիստոմենե Վարուդակիսը բարձր է գնահատել Հայաստանում  մինչ այժմ իրականացված  ծրագրերի կատարողականությունը, «դա կարեւոր չափանիշ է հետագայում  նաեւ Զարգացման միջազգային ընկերակցության, Վերակառուցման եւ զարգացման  միջազգային  բանկի ու այլ դոնորների եւ ֆինանսական կազմակերպությունների կողմից Հայաստանում  ծրագրեր իրականացնելու համար»,-նշել է նա.

Իր հերթին, վարչապետը նշել է, թե  ՀՀ  կառավարությունը բարձր է գնահատում  ՀԲ-ի հետ  համագործակցությունը  եւ տրամադրված է  ՀԲ- երկրի օժանդակության  ռազմավարության  հաջորդ փուլում ևս այդ գործակցությունը շարունակել ու  զարգացնել:

 

ՀՀ վարչապետ Սերժ Սարգսյանը եւ ՀԲ-ի երեւանյան  գրասենյակի տնօրեն Արիստոմենե Վարուդակիսը հանգամանորեն անդրադարձել են «Համաշխարհային բանկը եւ Հայաստանը.  գործընկերություն  հանուն լավագույն ապագայի» փաստաթղթին, որտեղ  ներկայացված են  Հայաստանի հետ  բանկի գործընկերության  անցած  ամբողջ ուղին,  բանկի առաքելությունը, ծրագրերի փաթեթը, իրականացված ծրագրերի մասով  ձեռքբերված արդյունքները, նախապատրաստման  փուլում գտնվող  ծրագրերը, 2008-2012թթ. երկրի օժանդակության  նոր  ռազմավարության  հնարավոր ուղղությունները,  մարտահրավերներն ու  գերակա  ուղղությունները եւ  մի շարք այլ խնդիրներ:

Այդ առումով, կողմերը քննարկել են առաջիկա 4 տարիներին  ՀՀ կառավարության  հետ ՀԲ-ի  համագործակցության հնարավոր ուղղությունները:

Նախատեսվում է, որ  այդ ուղղությունները  կլինեն` ներդրումային միջավայրի բարելավումն  ու մրցունակության բարձրացումը` տնտեսական աճի բարձր տեմպերը պահպանելու և  աճի կառուցվածքն  ավելի  բազմազան դարձնելու համար,  ինչպես նաև`  գիտելիքային տնտեսության  խթանումը,  սոցիալական  ծախսերի  ավելացման տեմպերի պահպանումն  ու սոցիալական ծառայությունների  որակի և  հասանելիության  բարելավումը:

Վարչապետ Սերժ Սարգսյանը  կարեւորել է  տարածաշրջանային  զարգացման  ծրագրերի իրագործումը, որն  ունի  քաղաքական և տնտեսական  բաղկացուցիչ: 

«Տնտեսական առումով,  ըստ վարչապետի,  դա հնարավորություն   կտա զարգացնել  երկաթուղային  եւ ավտոմոբիլային հաղորդակցության ուղիները եւ տնտեսապես շահեկան կլինի  մասնակից  բոլոր կողմերի համար»,-ասված է հաղորդագրությունում:

Իր հերթին, ՀԲ-ի երեւանյան  գրասենյակի տնօրենը հնարավոր է համարել այս ուղղությամբ ևս ջանքերի նպատակաուղղումը, նշելով, որ  առաջիկա տարիների համար նախատեսվող ծրագրերում նման  նախագծերի իրագործման հնարավորությունները  պետք է  հանգամանորեն ուսումնասիրել, որը և  կարող է լինել  համագործակցության  ուղղություններից մեկը:--0--

Loading...
Թեմատիկ նյութեր
Բաժնի այլ նյութեր
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։