481.93
+0.2
569.16
+0.19
8.37
-0.02
+9
Եղանակը Երևանում
Հայ
Ցորենի, ալյուրի գների աճը Հայաստանում` պայմանավորված է միջազգային շուկաներում գների բարձրացմամբ
17:05
03 Հոկտեմբերի 2007

ԵՐԵՎԱՆ, 3 հոկտեմբերի./Նովոստի-Արմենիա/. Ցորենի, ալյուրի գների աճը Հայաստանում` պայմանավորված է միջազգային շուկաներում գների բարձրացմամբ, այս եզրակացությանն է հանգել ՀՀ տնտեսական մրցակցության պաշտպանության պետական հանձնաժողովը (ՏՄՊՊՀ) հոկտեմբերի 3-ի նիստի արդյունքում։

Ինչպես «Նովոստի-Արմենիային» տեղեկացրեց հանձնաժողովի մամուլի քարտուղար Արմինե Ուդումյանը՝հանձնաժողովն ուսումնասիրել է պարենային ցորենի եւ ցորենի ալյուրի շուկաները, միաժամանակ ուշադրության առարկա դարձելով վերջին շրջանում ներքին շուկայում ցորենի եւ ալյուրի գների բարձրացումները:

«Ըստ ուսումնասիրությունների, պարենային ցորենի շուկայում գործող խոշոր տնտեսվարող սուբյեկտների` «Սալեքս Գրուփի»  (ներկրման ծավալներով 35,06%) եւ «Մանանա Գրեյնի» (ներկրման ծավալներով 35,8%), կողմից ցորենի ներկրման եւ իրացման գների համադրումից պարզվել է, որ 2006-2007 թթ. ընթացքում «Սալեքս Գրուփի» մոտ իրացման գինն ունի նույն դինամիկան, ինչ ներկրման գինը: Իսկ «Մանանա Գրեյնի» մոտ 2007-ի առաջին կիսամյակի վերջում նկատվել է գների աճ, որի վերաբերյալ ընկերությունը հիմնավորումներ եւ պարզաբանումներ է ներկայացրել»,-ասված է հաղորդագրությունում:

Համաձայն ցորենի համաշխարհային շուկայի իրավիճակի ուսումնասիրության, ցորենի պաշարներն ամբողջ աշխարհում 2007 թ. աշնանը հասել են իրենց նվազագույն մակարդակին: Երաշտի պատճառով բերքատվության մակարդակը նվազել է: Առաջարկի պակասը եւ աճող պահանջարկը նպաստել են գների աճին (միջազգային բորսաներում գների դինամիկայի պատկերը կցվում է):

«Նման պայմաններում, մի կողմից բարձր կլինեն հանրապետություն ներկրվող ցորենի գները, իսկ մյուս կողմից` ցորենի գնի աճին կնպաստեն նաեւ գործարար սպասումները: Իսկ ձմռան վերջից եւ գարնան վերջից ցորենի մեկ կգ-ի մաքսային արժեքում արձանագրվել է աճ»,-ասված է հաղորդագրությունում:

Մամուլի քարտուղարի հաղորդմամբ՝ գյուղացիական տնտեսությունների կողմից ցորենի արտադրության եւ իրացման ծավալների վերաբերյալ ՏՄՊՊՀ-ում տվյալներ չկան, ինչը հնարավորություն չի տալիս  հանձնաժողովին շուկայի ծավալների եւ տնտեսվարող սուբյեկտների ունեցած բաժինների վերաբերյալ իրական գնահատական տալ և ճշգրիտ հաշվարկ իրականացնել:

Իսկ ցորենի ալյուրի շուկայում` ըստ ՏՄՊՊՀ ներկայացրած շուկայում գործող ընկերությունների տեղեկատվության, 2006 թ. արտադրվել է 139,7 հազար տոննա ցորենի ալյուր, ներկրվել` 246 տոննա, իրացվել է 139,2 հազար տոննա ցորենի ալյուր:

Ըստ տնտեսվարող սուբյեկտների ներկայացրած տվյալների հիման վրա հանձնաժողովի կատարած հաշվարկների ստացվում է, որ մեկ շնչին օրական բաժին է ընկնում 0,1 կգ ալյուր, որն օգտագործվում է բնակչության կողմից հացի եւ հացամթերքի տեսքով:

ՏՄՊՊՀ-ի հաղորդմամբ՝ իրացման ծավալներով, 2006 թ. տվյալներով, ամենամեծը «Սալեքս Գրուփն» է` 42,05 տոկոս, եւ «Մանանա Գրեյնը»` 36,77 տոկոս: Մնացած տնտեսվարող սուբյեկտներն իրացման ծավալներով կազմում են շուկայի ընդամենը 21 տոկոսը: Երկու խոշոր տնտեսվարող սուբյեկտների բաժինները միասին կազմում են շուկայի 78,8 տոկոսը, երկուսից յուրաքանչյուրը, որպես իրացնող, գրավում է շուկայի առնվազն մեկ երրորդը եւ ցորենի ալյուրի շուկայում համարվում է գերիշխող դիրք ունեցող:

Հաղորդագրության համաձայն՝ «Սալեքս Գրուփե եւ «Մանանա Գրեյն» ընկերություններն այս նիստում գրանցվեցին գերիշխող դիրք ունեցող տնտեսվարողների գրանցամատյանում:--0--

Loading...
Թեմատիկ նյութեր
Բաժնի այլ նյութեր
19:10
19 Հոկտեմբերի 2017
Թուրք հասարակական գործչին ձերբակալել են Ծիծեռնակաբերդ այցելելու համար
Ստամբուլի Աթաթուրքի անվան միջազգային օդանավակայանում ձերբակալվել է հայտնի թուրք գործարարներից մեկը։
14:57
19 Հոկտեմբերի 2017
Քսենիա Սոբչակը մտադիր է ՌԴ նախագահ դառնալ
Քսենիա Սոբչակը որոշել է մասնակցել 2018 թ.–ի մարտին կայանալիք ՌԴ նախագահական ընտրություններում։
13:30
19 Հոկտեմբերի 2017
Ադրբեջանցիները հուզվել են Հայաստանի քարտեզում Ղարաբաղի պատկերման պատճառով
Սոչիում անցկացվող Երիտասարդների և ուսանողների փառատոնին ադրբեջանցիները սկանդալ են հրահրել։
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը: