486.78
+0.12
515.5
+2.27
8.41
+0.01
-4
Եղանակը Երևանում
Հայ
Թուրքահայ լրագրողին սպանողը հայտարարել է, որ հանցագործությունը կատարել է թմրանյութերի ազդեցության տակ
11:59
02 Հոկտեմբերի 2007

Այս տարվա հունվարին թուրք-հայկական «Ակոս» (Agos) շաբաթաթերթի գլխավոր խմբագիր Հրանտ Դինքին (Hrant Dink) սպանած պատանին հայտարարել է, որ հանցագործությունը կատարել է թմրանյութերի ազդեցության տակ, տեղեկացնում է «ՌԻԱ Նովոստին»։

Ելույթ ունենալով լրագրողի սպանության գործով երկուշաբթի Ստամբուլում տեղի ունեցած դատավարության ժամանակ՝ նա զղջացել է  գործած հանցանքի համար։

17-ամյա Օգյուն Սամաստայի (Ogun Samast) հավաստամամբ՝ հանցագործության նախօրեին ինքն ընդունել է «էքստազի» թմրադեղեր։

«Ես վախից կրակեցի և ինքս չհասկացա, թե ինչպես այդ ամենը տեղի ունեցավ։ Դրանից հետո ես ողջ գիշեր չեմ քնել։ Եթե ես իմանայի, որ նա (Դինքը) ընտանիք ունի, ապա երբեք չէի գնա դրան։ Ես զղջում եմ իմ գործած հանցանքի համար», - մեջբերում է դատապարտյալի խոսքերը NTV հեռուստաընկերությունը։

Նա նաև ասել է, որ լրագրողի սպանությունը կազմակերպվել է գործով անցնող երկու անձանց կողմից։

Ավելի վաղ թուրքական ԶԼՄ-ներում հայտնվել էր մի տեղեկություն, ըստ որի ոստիկանությունը տեղյակ էր կազմակերպվող հանցագործության մասին, սակայն այն կանխարգելող միջոցառումներ չի ձեռնարկել։ Դատախազությունը նախաքննություն է անցկացնում՝ այս տեղեկության առնչությամբ։

Դինքի սպանության գործով դատաքննությունը վերսկսվել է երկուշաբթի՝ երկամսյա ընդմիջումից հետո։ Դատական նիստի անցկացման հետ կապված՝ Ստամբուլի Բեշիկթաշ կենտրոնական շրջանի քրեական գործերով դատարանի շենքի մոտ անվտանգության ուժեղացված միջոցառումներ են իրականացվել, որովհետև ոստիկանությունը չի բացառում ազգայնականների կողմից սադրանքների և իրավապաշտպանների կողմից ցույցերի անցկացումը։ Մեղադրյալի աթոռին 19 կասկածյալներ են։

Պետական մեղադրողը պահանջում է Դինքի սպանության կազմակերպիչներին և կատարողին դատապարտել ցմահ բանտարկության, իսկ այն անձանց, որոնք մասնակից են գործին՝ 18-24 տարվա ազատազրկման։ Իր պահանջները մեղադրող կողմը հիմնավորում է թուրքական ՔՕ «ահաբեկչական կազմակերպության գործունեությանը մասնակցության», «սպանության», «հրազենի ապօրինի պահպանման», «պայթուցիկ նյութերի արտադրության, պահպանման և  կիրառության», «ֆիզիկական հաշվեհարդարի սպառնալիք» հոդվածներով։

«Ակոսի» գլխավոր խմբագիրը սպանվել էր հունվարի 19-ին Ստամբուլում՝ իր թերթի խմբագրության մոտ։ Մեկ օր անց ձերբակալվել էր նրա վրա կրակած Սամաստը և սևծովյան Տրաբզոն նահանգի տասը բնակիչ՝ սպանությանը մասնակից լինելու կասկածով։

Առաջին իսկ հարցաքննության ժամանակ Դինքին սպանողը լիովին խոստովանել է իր հանցանքը և խոստովանագրում նշել, որ վճռել է սպանել լրագրողին՝ նախևառաջ հայոց ցեղասպանությանը վերաբերող նրա հրապարակումների ազդեցության տակ։  

Լրագրողին թուրք ազգայնականները բազմիցս սպառնացել են ֆիզիկական հաշվեհարդարով։

Դինքի սպանությունից հետո Թուրքիայում նոր ուժով բորբոքոքվեցին Քրեական օրենսգրքի՝ այլախոհության համար պատիժ սահմանող 301-րդ հոդվածը վերացնելու մասին վեճերը։ Հենց այդ հոդվածով 2005թ.-ին «թուրք ազգը վիրավորելու» մեղադրանքով Դինքը դատական պատասխանատվության ենթարկվեց, գործ հարուցվեց նաև նոբելյան մրցանակակիր Օրհան Փամուկի նկատմամբ։ Եվրամիությունը, որի անդամ է ուզում դառնալ Թուրքիան, մշտապես քննադատում է վերջինիս՝ մարդու իրավունքների ոտնահարման համար և պահանջում արագացնել ժողովրդավարական բարեփոխումների անցկացումը։

Գերմանական Կանաչների կուսակցության համանախագահ Կլաուդիա Ռոտը, որը Ստամբուլ է ժամանել՝ Դինքի սպանության դատական գործին հետևելու համար, երկուշաբթի լրագրողներին հայտարարել է, որ այդ հանցագործությունը «կապված է 301-րդ հոդվածի հետ»։

«Հրանտի սպանությունն անմիջականորեն կապված է 301-րդ հոդվածի հետ։ Հենց այն դարձավ նրա զոհվելու պատճառ, իսկ մենք ժամանել ենք այստեղ, որպեսզի հիշենք Դինքին, որն ապրում էր հանուն խաղաղության ապահովման»,-Ռոտի խոսքերն է մեջբերել NTV հեռուստաալիքը։ -0-

Loading...
Թեմատիկ նյութեր
Բաժնի այլ նյութեր
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։
13:25
21 Փետրվարի 2017
Ալիևն իր կնոջը հանրապետության առաջին փոխնախագահ է նշանակել
Ադրբեջանի նախագահ Իլհամ Ալիևը երկրի առաջին տիկին Մեհրիբան Ալիևային նշանակել է հանրապետության առաջին փոխնախագահ:
21:36
20 Փետրվարի 2017
Մահացել է ՄԱԿ–ում ՌԴ մշտական ներկայացուցիչ Վիտալի Չուրկինը
ՄԱԿ–ում ՌԴ մշտական ներկայացուցիչ Վիտալի Չուրկինը մահացել է Նյու Յորքում իր 65–ամյակից մեկ օր առաջ:
11:09
20 Փետրվարի 2017
Զարուհի Փոստանջյան. դադարեցնում եմ իմ անդամակցությունը «Ժառանգություն» կուսակցությանը
«Ժառանգություն» խմբակցության ղեկավար Զարուհի Փոստանջյանը հայտարարել է, որ դադարեցնում է իր անդամակցությունը կուսակցությանը։
18:20
17 Փետրվարի 2017
Օսկանյան. Հայաստանը արտաքին քաղաքականության հետընթաց է ապրում
Հայաստանը հետընթաց է ապրում արտաքին քաղաքականությունում, մասնավորապես, ղարաբաղյան հակամարտության բանակցային գործընթացում, հայտարարել է Վարդան Օսկանյանը։
14:51
15 Փետրվարի 2017
Էդվարդ Նալբանդյանը կայցելի Ռուսաստան` Լավրովի հետ բանակցելու
ՀՀ ԱԳ նախարար Էդվարդ Նալբանդյանը փետրվարի 21-22-ը կայցելի Ռուսաստան` ՌԴ արտգործնախարար Սերգեյ Լավրովի հետ բանակցություններ վարելու նպատակով:
12:02
15 Փետրվարի 2017
ՀՀ ԱԳ նախարարը կմասնակցի Մյունխենի անվտանգության համաժողովին
ՀՀ ԱԳ նախարար Էդվարդ Նալբանդյանը կմասնակցի Մյունխենի անվտանգության համաժողովին։
21:00
14 Փետրվարի 2017
Շարմազանով. վարչապետը չի ներառվել ՀՀԿ–ի համամասնական ցուցակում, սակայն կզբաղվի քարոզչությամբ
ՀՀ վարչապետ Կարեն Կարապետյանը չի ներառվել ՀՀԿ–ի համամասնական ցուցակում, սակայն կզբաղվի նախընտրական քարոզչությամբ։
19:41
14 Փետրվարի 2017
ՀՀԿ–ն հրապարակեց համամասնական ցուցակի առաջին հնգյակը
Հայտնի է, թե ով կգլխավորի ՀՀԿ–ի ընտրական ցուցակը։
10:15
13 Փետրվարի 2017
Հայաստանում նոր նախընտրական դաշինք է ձևավորվելու
Հայաստանում նոր նախընտրական դաշինք է ձևավորվել ապրիլի 2–ին նախատեսված խորհրդարանական ընտրությունների նախաշեմին։