481.5
+0.15
565.52
-0.45
8.39
-0.01
+8
Եղանակը Երևանում
Հայ
Հայաստանի առաջին նախագահը կառաջադրի իր թեկնածությունը երկրի նախագահական ընտրություններին. ՀՀՇ նախագահ
14:32
26 Սեպտեմբերի 2007

Հայաստանի առաջին նախագահ Լևոն Տեր-Պետրոսյանն, անկասկած, կառաջադրի իր թեկնածությունը երկրի նախագահական ընտրություններին։ Այս մասին չորեքշաբթի Երևանում ունեցած մամուլի ասուլիսում հայտարարեց Հայոց Համազգային Շարժում (ՀՀՇ) կուսակցության նախագահ Արարատ Զուրաբյանը։

Նրա խոսքերով, Լևոն Տեր-Պետրոսյանն ընդդիմադիր լուրջ բևեռ կդառնա 2008 թ. Հայաստանի նախագահական ըտրությունների ժամանակ։

«Հայաստանի առջև կանգնած են մեծ խնդիրներ, և կարծում եմ, որ սահմանափակվել միայն գաղափարախոսական բևեռով, այնքան էլ ճիշտ չի լինի։ Ժամանակն իր ուղղումները կմտցնի, դեռ 1-2 ամիս կա՝ բանակցությունների և կշռադատելու համար», - ասաց Զուրաբյանը։

ՀՀՇ նախագահը տեղեկացրեց, որ հնարավոր է՝ նախկին նախագահը ցանկանա առաջադրվել քաղաքացիական նախաձեռնության ձևաչափով։

«Արդեն կան քաղաքացիական մի քանի նախաձեռնություններ, գործընթացն ընթանում է մարզերում և Երևանում։ Բացի այդ, ՀՀՇ-ն և այլ կուսակցություններ ևս կառաջադրեն Լ. Տեր-Պետրոսյանի թեկնածությունը», - ասաց Զուրաբյանը։

Նրա խոսքերով, նախկին նախագահի անձի շուրջ կհամախմբվի կուսակցության  հմուտ անդամներին և երիտասարդ համախոհներին միավորող  նորացված թիմ։ «Մենք ունենք երիտասարդներ, որոնք կարող են լուրջ ելույթ ունենալ ցանկացած  ամբիոնից։ Կարևորն այն է, որ պետք է լինեն այնպիսի մարդիկ, որոնք ստվեր չեն գցի ողջ թիմի վրա», - ասաց ՀՀՇ նախագահը։

Սեպտեմբերի 21-ին, Հայաստանի անկախության օրվա կապակցությամբ ՀՀՇ-ի  կազմակերպած ընդունելության ժամանակ, Հայաստանի նախկին նախագահ Լևոն Տեր-Պետրոսյանը առաջին անգամ խախտեց գրեթե 10 տարի տևած լռությունը՝ հայտարարելով, որ չի բացառում 2008 թ. նախագահական ընտրություններին իր մասնակցության հնարավորությունը։ «Ես դեռ ուսումնասիրում եմ, դեռ կշռում եմ, դեռ քննում եմ. իմ մոտեցումը զուտ քաղաքական է, ես չեմ կարող առաջնորդվել էմոցիաներով, արկածախնդրությունը խորթ է իմ խառնվածքին», - ասել  է նա՝ միաժամանակ ավելացնելով, որ մտադիր չէ որևէ քայլ անել՝ համոզված չլինելով դրա արդյունավետության մեջ։

1991թ. սեպտեմբերին՝ Հայաստանի Հանրապետության պատմության մեջ նախագահական առաջին ընտրությունների ժամանակ, հաղթեց Հայոց համազգային շարժում կուսակցության կողմից առաջադրված թեկնածու Լևոն Տեր-Պետրոսյանը։

Հինգ տարի անց՝ 1996թ. սեպտեմբերյան ընտրություններում Լ. Տեր-Պետրոսյանը պահպանեց նախագահի աթոռը, թեև ընդդիմությունը և մի շարք միջազգային հեղինակավոր կազմակերպություններ ընտրությունների արդյունքները կեղծված համարեցին։

1998թ. փետրվարին Տեր-Պետրոսյանը, իշխանական վերնախավում ղարաբաղյան հիմնահարցի լուծման վերաբերյալ առաջացած տարաձայնությունների պատճառով, հայտարարեց իր լիազորությունների վաղաժամ դադարեցման մասին և հրաժարական տվեց։

Նախագահական ընտրությունները Հայաստանում տեղի կունենան 2008 թ. գարնանը։ Ընտրություններին մասնակցելու իրենց մտադրության մասին արդեն հայտարարել են իշխանամետ և ընդդիմադիր կուսակցությունների մի քանի առաջնորդներ։-0-

Loading...
Թեմատիկ նյութեր
Բաժնի այլ նյութեր
18:19
18 Հոկտեմբերի 2017
Անիմաստ է խոսել ղարաբաղյան կարգավորման մասին, քանի դեռ Երևանի և Բաքվի միջև չկա վստահություն
Անիմաստ է խոսել ղարաբաղյան հակամարտության կարգավորման մասին, քանի դեռ երկու երկրների հասարակությունների միջև չհայտնվի «վստահության ինչ–որ կետ»:
17:10
16 Հոկտեմբերի 2017
Հրապարակվել են Սարգսյան–Ալիև հանդիպման արդյունքները
Հրապարակվել են այսօր Ժնևում կայացած Սարգսյան–Ալիև հանդիպման արդյունքները:
16:01
16 Հոկտեմբերի 2017
Ավարտվեցին Սարգսյան–Ալիև բանակցությունները. Ալիևը լքեց բանակցությունների վայրը
Ժնևում քիչ առաջ ավարտվեցին ՀՀ նախագահ Սերժ Սարգսյանի և Ադրբեջանի նախագահ Իլհամ Ալիևի բանակցությունները։
15:38
16 Հոկտեմբերի 2017
Այս պահին ընթանում է Հայաստանի և Ադրբեջանի նախագահների առանձնազրույցը
Ժնևում մեկնարկել է Հայաստանի և Ադրբեջանի նախագահներ Սերժ Սարգսյանի ու Իլհամ Ալիևի առանձնազրույցը։
14:46
16 Հոկտեմբերի 2017
Հայաստանի և Ադրբեջանի նախագահների հանդիպումն է մեկնարկել Ժնևում
Հայաստանի և Ադրբեջանի նախագահներ Սերժ Սարգսյանի և Իլհամ Ալիևի հանդիպումն է մեկնարկել Ժնևում:
13:05
16 Հոկտեմբերի 2017
Սերժ Սարգսյանն արդեն Ժնև է ժամանել` հանդիպելու Ալիևի հետ
Հայաստանի նախագահ Սերժ Սարգսյանը ժամանել է Ժնև` իր ադրբեջանցի գործընկեր Իլհամ Ալիևի հետ հանդիպման։
23:51
15 Հոկտեմբերի 2017
ԵՄ-ն պահանջում է փակել հայկական ատոմակայանը
Հրապարակվել է Հայաստանի և Եվրամիության միջև համապարփակ և ընդլայնված համաձայնագրի տեքստը:
13:44
13 Հոկտեմբերի 2017
Հայտնի է Հայաստանի և Ադրբեջանի նախագահների հանդիպման օրը
ԵԱՀԿ Մինսկի խմբի համանախագահ երկրների նախաձեռնությամբ կկայանա Հայաստանի և Ադրբեջանի նախագահների հանդիպումը։
00:02
13 Հոկտեմբերի 2017
Աշոտյանը հայտնել է Հայաստանի և Ադրբեջանի նախագահների առաջիկա հանդիպման ամսաթիվը
Հայտնի է Հայաստանի և Ադրբեջանի նախագահների առաջիկա հանդիպման ամսաթիվը:
12:15
12 Հոկտեմբերի 2017
Հայաստանը ՌԴ–ից 100 մլն դոլարի պետական արտահանման վարկ կստանա
Վարկը տրամադրվելում է տարեկան 3% տոկոսադրույքով, 15 տարի մարման ժամկետով։
16:27
09 Հոկտեմբերի 2017
Անկարան կարող է հրաժարվել С-400-ի գնումից, եթե Մոսկվան մերժի համատեղ արտադրությունը
Անկարան կարող է հրաժարվել Մոսկվայից զենիթահրթիռային С-400 կամակարգերի գնումից:
13:59
08 Հոկտեմբերի 2017
Համանախագահներ. Հայաստանը և Ադրբեջանը վերահաստատել են բանակցությունները վերսկսելու պատրաստակամությունը
ԵԱՀԿ Մինսկի խմբի համանախագահները հաղորդագրություն են տարածել: