480.74
+0.03
511.65
+0.46
7.48
-0.03
+1
Եղանակը Երևանում
Հայ
Եվրոմիությունը պատրաստ է Հայաստանին 200 մլն. եվրո վարկ տրամադրել՝ հայկական ԱԷԿ-ը փակելու համար
17:11
25 Սեպտեմբերի 2007

ԵՐԵՎԱՆ, 25 սեպտեմբերի./Նովոստի-Արմենիա/. Եվրոմիությունը պատրաստ է Հայաստանին 200 մլն. եվրո վարկ տրամադրել` հայկական ատոմային էլեկտրակայանը փակելու համար։ Այս մասին երեքշաբթի լրագրողներին հայտարարեց Եվրահանձնաժողովի արտաքին կապերի գլխավոր տնօրինության Արևելյան Եվրոպայի, Հարավային Կովկասի և Կենտրոնական Ասիայի վարչության գործող տնօրեն Գունար Վիգանդը (Gunnar Wiegand)։

Նրա խոսքերով, Ատոմային էներգիայի Եվրոպական համագործակցությունը (Եվրոատոմ) արտոնյալ պայմաններով վարկ կտրամադրի՝ ՀԱԷԿ-ի փակմանն աջակցելու նպատակով։ «Մենք Հայաստանի իշխանություններին կոչ ենք անում՝ որքան հնարավոր է շուտ փակել ԱԷԿ-ը։ Այս ատոմակայանը չի կարող երկար ժամանակ անվտանգ գործել»,- ասաց Վիգանդը։

Նա ընդգծեց, որ ԵՄ-ը չի փոխել իր դիրքորոշումը՝ ՀԱԷԿ-ի փակման անհրաժեշտության վերաբերյալ։ «Սակայն մենք գիտակցում ենք, որ Հայաստանի էներգետիկական զարգացման և տնտեսական աճի տեմպի պահպանման համար անհրաժեշտ է գտնել էներգիայի այլընտրանքային աղբյուր»,- ասաց Վիգանդը։

Միաժամանակ նա նշեց, որ ԵՄ-ը կարևորում է էներգիայի այլընտրանքային աղբյուր գտնելը, բայց չի դիտարկում նոր էլեկտրոկայան ստեղծելու հարցը։  

Իր հերթին ՀՀ ԱԳ փոխնախարար Արմեն Բայբուրդյանը հայտարարեց, որ ատոմակայանի փակման հարցը հստակ ներկայացված է Հայաստան-ԵՄ համագործակցության Գործողությունների ծրագրում։ «Ինչպես ԵՄ-ի հետ համագործակցության տեսանկյունից, այնպես էլ դրանից դուրս, Հայաստանը ներքին տրամաբանությամբ պատրաստ է փակել ԱԷԿ-ը։ Մենք տարաձայնություններ՝ չունենք ԱԷԿ-ի փակման հետ կապված։ Խնդիրը միայն էներգիայի այլընտրանքային աղբյուրների հայտնաբերման և ատոմակայանի փակման ժամկետները որոշելու մեջ է»,-ավելացրեց նա։

Ինչպես ավելի վաղ հայտարարել էր ՀՀ էներգետիկայի նախարար Արմեն Մովսիսյանը, գործող ՀԱԷԿ-ին այլընտրանք կարող է լինել միայն նոր ատոմակայանը, որի կառուցումը, նախնական հաշվարկներով, կարժենա մոտ 2 մլրդ. դոլար։

Մեծամոր քաղաքում գործող հայկական ԱԷԿ-ը, մասնագետների տվյալներով, կարող է գործել մինչև 2016-ը։ ԱԷԿ-ը շահագործման է հանձնվել 1976-ին (երկրորդ բլոկը գործարկվել է 1980-ին)։ Ներկայումս գործում է կայանի միայն երկրորդ բլոկը՝  ВВЭР-440 ռուսական 407,5 հզորությամբ ռեակտորով։ Գործող երկրորդ բլոկը միջինն արտադրում է  Հայաստանի ողջ էլեկտրաէներգիայի 40-ից մինչև 50%-ը։

ԱԷԿ-ի ֆինանսական հոսքերը 2003թ. սեպտեմբերին 5 տարով անցել են «ԻՆՏԵՐ ՌԱՈ ԵԷՍ» ՓԲԸ-ի հավատարմագրային կառավարմանը, որը ՌԱՈ «ԵԷՍ Ռոսիայի» (արժեթղթերի 60%) և «Ռոսէներգոատոմ» կոնցեռնի (40%) դուստր ձեռնարկությունն է։--0—

Loading...
Թեմատիկ նյութեր
Բաժնի այլ նյութեր
15:40
03 Դեկտեմբերի 2016
ԲՀԿ քաղխորհուրդը խնդրում է Ծառուկյանին վերադառնալ ակտիվ քաղաքականություն
Շաբաթ օրը կայացած ԲՀԿ քաղաքական խորհրդի ընդլայնված նիստում քննարկվել է ԲՀԿ հիմնադիր նախագահ Գագիկ Ծառուկյանի ակտիվ քաղաքականություն վերադառնալու հարցը:
12:34
03 Դեկտեմբերի 2016
ՀՀ նախագահ Սերժ Սարգսյանն ու ԱՄՆ նորընտիր փոխնախագահ Մայք Փենսը հեռախոսազրույց են ունեցել
Հեռախոսազրույցը կայացել է ամերիկյան կողմի նախաձեռնությամբ:
19:55
02 Դեկտեմբերի 2016
Հայ–ռուսական զորախմբի ստեղծումը բխում է Հայաստանի շահերից. պաշտպանության նախկին նախարար
Հայաստանի և Ռուսաստանի Զինված ուժերի միավորված զորախմբի ստեղծումը բխում է Հայաստանի շահերից, ուրբաթ լրագրողներին հայտարարեց ՀՀ պաշտպանության նախկին նախարար Վաղարշակ Հարությունյանը։
17:18
02 Դեկտեմբերի 2016
Ադրբեջանի հետ սահմանագծում լարվածություն չկա. ՀՀ ՊՆ
Հայ-ադրբեջանական սահմանագծում և ղարաբաղա-ադրբեջանական շփման գծում իրավիճակը հանգիստ է, ասաց ՀՀ ՊՆ մամուլի քարտուղար Արծրուն Հովհաննիսյանը:
11:43
02 Դեկտեմբերի 2016
Րաֆֆի Հովհաննիսյանի որոշումը վտանգում է «Ժառանգություն» կուսակցության գոյությունը
Րաֆֆի Հովհաննիսյանը սպասում է քաղաքական դաշտում կատարվելիք փոփոխություններին:
17:22
01 Դեկտեմբերի 2016
Պուտինի ուղերձը. ի՞նչ օգուտ կարող է քաղել իր համար Հայաստանը
Այս տարի ՌԴ նախագահի` Դաշնային ժողովին ուղղված ուղերձը մի շարք առումներով անսովոր էր:
16:49
01 Դեկտեմբերի 2016
ՀԴԿ ղեկավարը վայր է դրել Համաշխարհային հայկական կոնգրեսի փոխնախագահի լիազորությունները
Հայաստանի դեմոկրատական կուսակցության նախագահ Արամ Սարգսյանը վայր է դրել Համաշխարհային հայկական կոնգրեսի փոխնախագահի լիազորությունները:
17:20
30 Նոյեմբերի 2016
Ռուսաստան vs Թուրքիա. ե՞րբ բարեկամության պատրանքը կվերածվի ծեծկռտուքի
Ռուսաստանի գործընկերների, հատկապես` Հայաստանի համար շատ զարմանալի է հետևել, թե ինչպես են զարգանում Մոսկվայի և Անկարայի հարաբերությունները:
15:29
28 Նոյեմբերի 2016
Աշոտյանը պարզաբանել է, թե ինչու է շտապել շնորհավորել նախագահին ՀՀԿ-ի նախագահի պաշտոնում վերընտրվելու կապակցությամբ
ՀՀԿ փոխնախագահ Արմեն Աշոտյանը պարզաբանել է, թե ինչու է շաբաթ օրը ՀՀԿ-ի համագումարին շտապել շնորհավորել ՀՀ նախագահ Սերժ Սարգսյանին կուսակցության նախագահ վերընտրվելու կապակցությամբ:
14:24
28 Նոյեմբերի 2016
Հայաստանի բնակչությունը կզգա նախագահի և վարչապետի համագործակցության արդյունքը
Հայաստանի բնակչությունը որոշ ժամանակ հետո կզգա ՀՀ նախագահ Սերժ Սարգսյանի և վարչապետ Կարեն Կարապետյանի համագործակցության արդյունքը, երկուշաբթի լրագրողներին ասաց ՀՀԿ փոխնախագահ Արմեն Աշոտյանը։
19:37
26 Նոյեմբերի 2016
Հայաստանի քաղաքական ուժերը կհամախմբվեն խորհրդարանական ընտրությունների նախաշեմին. պատգամավոր
Հայաստանի քաղաքական ուժերը խորհրդարանական ընտրությունների նախաշեմին կհամախմբվեն:
15:18
26 Նոյեմբերի 2016
ՀՀԿ–ում կլինի առաջին փոխնախագահի պաշտոն և Ավագանու խորհուրդ
Առաջին փոխնախագահի պաշտոն կգործարկվի ՀՀԿ–ում, շաբաթ օրը լրագրողներին ասաց ՀՀ արդարադատության նախարար, ՀՀԿ անդամ Արփինե Հովհաննիսյանը։