484.04
+0.53
521.46
-0.05
8.41
+0.05
+2
Եղանակը Երևանում
Հայ
ՀՀ նախկին նախագահը չի բացառում իր մասնակցությունը նախագահական ընտրություններին
12:08
24 Սեպտեմբերի 2007

Հայաստանի նախկին նախագահ Լևոն Տեր-Պետրոսյանը չի բացառում նախագահական ընտրություններին իր մասնակցության հնարավորությունը։

«Եթե ես տեսնեմ` որևէ օգտակար դերակատարություն կարող եմ ունենալ հայ ժողովրդին և մեր երկիրը, մեր պետությանն այս վիճակից դուրս բերելուն` որևէ ջանք չեմ խնայի»,- ուրբաթ Երևանում հայտարարեց Հայաստանի նախկնի նախագահ Լևոն Տեր-Պետրոսյանը՝ ՀՀՇ կուսակցության կազմակերպած ՀՀ Անկախության օրվան նվիրված տոնակատարության ժամանակ։ 

Տեր-Պետրոսյանի խոսքերով, նա դեռ չի ընդունել վերջնական որոշում՝ ընտրություններին իր մասնակցության վերաբերյալ։

«Ես դեռ ուսումնասիրում եմ, դեռ կշռում եմ, դեռ քննում եմ. իմ մոտեցումը զուտ քաղաքական է, ես չեմ կարող առաջնորդվել էմոցիաներով, արկածախնդրությունը խորթ է իմ խառնվածքին: Երբ որոշում կայացնեմ` այո կամ ոչ, ես համոզված եմ, որ կարող եմ ձեզ տալ իմ բացատրությունները, որոնք ձեզ համար կարող են համոզիչ լինել»,- ասել է նա՝ միաժամանակ ավելացնելով, մտադիր չէ իրականացնել որևէ քայլ՝ համոզված չլինելով դրանց արդյունավետության մեջ։

Միաժամանակ նախկին նախագահը կարծում է, որ երկրում կա մթնոլորտի, տրամադրությունների որոշակի փոփոխություն, ինչը, սակայն, «դեռևս կանդիցիայի չի հասել»։

«Ես հետևում երկրում ընթացող բոլոր գործընթացներին և կարող եմ համոզմունքով ասել, որ այս իշխանություններից ազատվելու միակ ճանապարհը առկա բոլոր քաղաքական ուժերի, առողջ հասարակական, մտավոր, հոգևոր բոլոր ուժերի համախմբումն է մեկ միասնական թեկնածուի շուրջ», - հայտարարել է Լևոն Տեր-Պետրոսյանը։

Լ. Տեր-Պետրոսյանը հայտարարել է իր պատրաստակամության մասին՝ ողջունել ցանկացած մեկին, ով իր վրա կվերցնի միասնական թեկնածուի դերը և ում  կհաջողվի իր շուրջը համախմբել բոլոր ուժերին։

«Եվ ես իմ ամբողջ կարողությամբ, իմ ազդեցությամբ կնպաստեի այդ պրոցեսին», - ամփոփել է նա։

1991թ. սեպտեմբերին՝ Հայաստանի Հանրապետության պատմության մեջ նախագահական առաջին ընտրությունների ժամանակ, հաղթեց Հայոց համազգային շարժում կուսակցության կողմից առաջադրված թեկնածու Լևոն Տեր-Պետրոսյանը։

Հինգ տարի անց՝ 1996թ. սեպտեմբերյան ընտրություններում Լ. Տեր-Պետրոսյանը պահպանեց նախագահի աթոռը, թեև ընդդիմությունը և մի շարք միջազգային հեղինակավոր կազմակերպություններ ընտրությունների արդյունքները կեղծված համարեցին։

1998թ. փետրվարին Տեր-Պետրոսյանը, իշխանական վերնախավում ղարաբաղյան հիմնահարցի լուծման վերաբերյալ առաջացած տարաձայնությունների պատճառով, հայտարարեց իր լիազորությունների վաղաժամ դադարեցման մասին և հրաժարական տվեց։

Նախագահական ընտրությունները Հայաստանում տեղի կունենան 2008 թ. գարնանը։ Ընտրություններին մասնակցելու իրենց մտադրության մասին արդեն հայտարարել են իշխանամետ և ընդդիմադիր կուսակցությունների մի քանի առաջնորդներ։-0-

Loading...
Թեմատիկ նյութեր

Բաժնի այլ նյութեր
11:16
16 Մարտի 2017
ՀՀԿ–ի ներսում ամեն ինչ հարթ չէ. դժգոհություն է հասունանում
ՀՀԿ-ում իրավիճակն այնքան պարզ եւ հարթ չէ, ինչպես թվում է կողքից։
18:10
13 Մարտի 2017
Լուկյանով. Ռուսաստան–Թուրքիա–Ադրբեջան միություն երբեք չի կարող լինել
Ռուսաստանի, Թուրքիայի և Ադրբեջանի միջև միության մասին երբեք խոսք լինել չի կարող, հայտարարեց քաղաքագետ Ֆյոդոր Լուկյանովը։
11:33
10 Մարտի 2017
ՀՀ նախագահը ՌԴ–ում ՀՀ նոր դեսպան է նշանակել
Ավելի վաղ նախագահի հրամանագրով Օլեգ Եսայանն ազատվել էր ՌԴ–ում ՀՀ դեսպանի պաշտոնից։
11:14
10 Մարտի 2017
Օլեգ Եսայանն ազատվել է ՌԴ–ում ՀՀ դեսպանի պաշտոնից
ՀՀ նախագահ Սերժ Սարգսյանն ուրբաթ հրամանագիր է ստորագրել Օլեգ Եսայանին ՌԴ–ում ՀՀ արտակարգ և լիազոր դեսպանի պաշտոնից ազատելու մասին։
20:19
07 Մարտի 2017
Մեկնարկել է նախագահ Սերժ Սարգսյանի պաշտոնական այցը Ֆրանսիա
ՀՀ նախագահ Սերժ Սարգսյանը Ֆրանսիայի Հանրապետության նախագահ Ֆրանսուա Օլանդի հրավերով այսօր պաշտոնական այցով ժամանել է Ֆրանսիա:
16:48
06 Մարտի 2017
Ռոբերտ Քոչարյան. ընթացիկ քաղաքական գործընթացի մեջ մտնելու ոչ մի ցանկություն չունեմ
Հայաստանի երկրորդ նախագահ Ռոբերտ Քոչարյանը երկուշաբթի հարցազրույց է տվել 2rd.am կայքին:
16:20
06 Մարտի 2017
Ուսումնասիրություն. «Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում
«Ծառուկյան դաշինքն» առաջ է անցնում ՀՀԿ–ից նախընտրական քարոզարշավի սկզբում։
12:55
06 Մարտի 2017
Լևոն Տեր–Պետրոսյանի բացակայությունը իր դաշինքի ակցիաներին կապված չէ առողջական վիճակի հետ
ՀՀ առաջին նախագահ Լևոն Տեր-Պետրոսյանի բացակայությունը դաշինքի վերջին միջոցառումներին կապված չէ նրա առողջական վիճակի հետ:
12:29
01 Մարտի 2017
ՀՀ նախագահը մեկնում է Ռուսաստան` ամրապնդելու տնտեսական համագործակցությունը
ՀՀ նախագահ Սերժ Սարգսյանը մարտի 14–ին երկօրյա պաշտոնական այցով կմեկնի Մոսկվա։
12:19
22 Փետրվարի 2017
Խաչատուր Սուքիասյան. աջակցում եմ ՀԱԿ–ին, բայց Ծառուկյանի կողքին եմ
Ես նախկինում էլ հայտարարել եմ, որ աջակցել եմ և աջակցելու եմ` հաշվի առնելով այն հանգամանքը, որ նրանց հետ ես քաղաքական դժվար ճանապարհ եմ անցել, նշել է Սուքիասյանը։
10:57
22 Փետրվարի 2017
ԲՀԿ–ում ցայտնոտ է. ԲՀԿ–ականները տարբեր «կանալներով» փորձում են ճշտել ցուցակում իրենց տեղը
Հաշված ԲՀԿ-ականներ են տեսել ցուցակները, հրապարակվել է միայն առաջին տասնյակը։
16:17
21 Փետրվարի 2017
ՀՀ վարչապետը պաշտոնական այցով կմեկնի Վրաստան
Հայաստանի վարչապետ Կարեն Կարապետյանը փետրվարի 23–ին երկօրյա պաշտոնական այցով կմեկնի Վրաստան։